மாடசாமியும், மடச்சாமியும்

வணக்கம் மாடசாமியண்ணே எனக்கு சில சந்தேகங்கள் இருக்கு நீங்கதான் தீர்த்து வைக்கணும்.

வாடாத்தம்பி கேளுடா அண்ணேஞ் சொல்றேன்.

ஒரு இடத்துக்கு புறப்படும்போது பூனை குறுக்கே போனால் போனகாரியம் விளங்காதாண்ணே ?

ஆமாடா தம்பி பெரியவர்கள் எல்லாவற்றையும் அனுபவப்பட்டுதான் சொல்லி வச்சு இருங்காங்க....

அப்படீனாக்கா இந்த விசயம் பூனைகளுக்கு தெரியுமாண்ணே ?

? ? ?

நாம பேசிக்கிட்டு இருக்கும்போது பல்லி உச்சுக் கொட்டினால் நல்லது நடக்கும்’’னு சொல்றது உண்மையாண்ணே ?

ஆமாடா தம்பி கண்டிப்பாக நடக்கும்

அப்படீனாக்கா இது பல்லிகளுக்கு தெரியுமாண்ணே ?

? ? ?

ஏண்ணே கடவுள் தாகமெடுத்து அணிலுக்கிட்டே போயி தண்ணி கேட்டதாகவும் அது தென்னை மரத்தில் ஏறி இளநீர் பறித்து கொடுத்ததாக சொல்றாங்களே இது உண்மையாண்ணே ?

ஆமாடா தம்பி உண்மைதான் இதேபோல ஓணானிடமும் போய் கேட்டு இருக்காரு அதுக்கு ஓணான் மூத்திரத்தை பேய்ஞ்சு கொடுத்து இருக்கு இதுக்காகத்தான் நாம அணிலை அடிக்கிறது இல்லை ஓணானை மட்டும் அடிக்கிறோம்.

அப்படீனாக்கா இந்த விசயம் அணிலுக்கும், ஓணானுக்கும் தெரியுமாண்ணே ?

? ? ?

மூஞ்சுறுவை கண்டால் அடிக்ககூடாது வணங்கணும்’’னு சொல்றாங்களே ஏண்ணே ?

ஆமாடா தம்பி மூஞ்சுறு பிள்ளையாரோட வாகனம் அதனால அடிக்ககூடாது.

அப்படீனாக்கா சேவல்கூடத்தான் முருகன் கூடவே இருக்குது அதை மட்டும் அடிச்சு சூட்டான் போட்டு திங்கலாமாண்ணே ?

? ? ?

Chivas Regal சிவசம்போ-

மாடசாமியாண்ணே எதுக்குமே பதில் சொல்லலையே... மடச்சாமியோ. ?

காணொளி