அரேபியன் குதிரை

     பெண்கள் எல்லா விசயங்களிலும் ஆண்களோடு போட்டி போட்டு அனைத்து துறைகளிலும் நுழைந்து விட்டனர். பாரதி சொன்னது தமிழக பெண்களுக்கு மட்டுமல்ல உலக மகளிர் அனைவருக்குமே... முதலில் உலக அளவில் அனைத்து பெண்மணிகளுக்கும் கில்லர்ஜியின் வாழ்த்துகள்.

சமீபத்தில் யூட்டியூபில் காணொளி ஒன்று பார்த்தேன் அமெரிக்காவில் எக்ஸ்பிரஸ் எண்டர்பிரைஸஸ் என்ற நிறுவனத்தில் பெண்மணி ஒருத்தி மிகப்பெரிய கண்டெய்னர் ஓட்டுனராக அதுவும் புகையிரதம் போன்று மிக நீளமாக இருக்கிறது அதை வெகு சாதாரணமாக ஓட்டுகிறார். சாதாரண சிறு மகிழுந்து ஓட்டுவதை நாம் பெரிய விசயமாக நினைத்து இருந்தோமே... இவளுக்கு முன் நாமெல்லாம் சாதாரணம் என்று நினைத்துக் கொண்டேன்.

நமது நாட்டில் என்றால் ஓர் பெண்மணியை நம்பி இவ்வளவு பெரிய கண்டெய்னரை அதுவும் உள்ளே டெலிவரி செய்யக்கூடிய பொருட்களோடு ஒப்படைப்பார்களா ? இதற்கு அடிப்படை காரணம் அந்த நாட்டின் காவல்துறையின் சட்ட ஒழுங்கின் கட்டுப்பாடு பொதுமக்களின் கண்ணியம் ஆகவே இந்த பெண்மணிகள் கடமை ஆற்றுகிறார்கள்.

ஒருக்கால் இந்தப் பெண்மணியைப் போல் நமது நாட்டிலும் கொடுத்தால் என்னவாகும் ? மறுநாள் சரக்குகள் அனைத்தும் கொள்ளையடிக்கப்பட்டு, கண்டெய்னர் பிரித்து உதிரி பாகங்களாக விற்கப்பட்டு, பெண்மணி சக்கையாக்கப்பட்டு கூவத்தோரமாய் பிணமாய் கிடக்கலாம். இப்படித்தானே தினந்தோறும் நிகழ்கிறது இந்தியாவில். எல்லாம் நாம் ஆள வைக்கும் ஆள்கள் அப்படி கூத்தாடிப்பயல்களை எல்லாம் கடவுளாக பாவித்து ஆள வைத்து இன்று ஆ..... வென்று வாயைப் பிளந்து கொண்டு நிற்கிறோம் விதியே என்று வீதியில்....

கண்டெய்னரில் ஓட்டுனரின் கேபின் ஏதோ விமானத்தில் உள்ளது போல இருக்கிறது படுக்கையறை போன்று எல்லா வசதிகளும் இருக்கிறது. ஒருவேளை இவள் நண்பர் திரு. மதுரைத்தமிழன் அவர்களின் மூலம் பாரதியின் நூல்களை வாங்கி படித்து இருப்பாளோ ?

எல்லாம் சரிதான் அவள் யாரென்று கூகுளாண்டவரிடம் விபரம் கேட்டால் அவர் சொன்னாரு பாருங்க... அவளோட முப்பாட்டனோட ஐயா அமெரிக்காவுக்கு பிழைப்பு தேடிப்போனவரு... அப்படியே பச்சை அட்டையை வாங்கி கிட்டு செட்டிலாகி விட்டாராம். எங்கேயிருந்து போனாருனு பார்த்தேன் இந்தியா என்று சொல்லுச்சு இன்னும் உள்ளே போவோம் பெயர் என்னனு போய்க் கேட்டால் லின்னி ஜோர்ஜ் குசாலாம்பாள் என்று வரவும் அடடே தமிழ்ப்பெயர் வருதே எந்த மாநிலமாக இருக்கும் என்று போனால் தமிழ்நாடு என்று சொல்லுச்சு அடடே பரவாயில்லையே... தமிழச்சி என்றால் எந்த ஊராக இருக்கும் தேடினால் கூகுள் சொல்லுது பாருங்க பூர்வீகம் தேவகோட்டை..

ChavasRegal சிவசம்போ-

ஆளைப் பார்த்தால் ஏதோ அரேபியன் குதிரை மாதிரி இருக்குதே...?

காணொளி