மால் யுத்தம்

     மனிதனை. மனிதன் இரும்புக் கூண்டுகளில்.அடைத்துக் கொண்டு ஆயுதங்களால், இரும்புக் கம்பிகளால். இரும்புச் சேர்களால், தாக்கி இரத்தக் காயமாக்கி வீழ்த்துகின்றார்களே... மேலும் கால்மணி நேரமாக ஒருவன் மற்றொருவனுடன் மோதி ஒருவனை வீழ்த்தும்போது அந்த  ஒரு மனிதனை திடீரென்று ஐந்து நபர்கள் ஓடிவந்து தாக்கி வீழ்த்துவதை வெற்றி என்று நடுவர் முடிவு செய்கின்றாரே.... இது முறையா ?

மேலும் ஒருவனை சங்கிலியால் கட்டிப்போட்டு அவனது தலைமுடியை மழிப்பது, சிலிண்டரை திறந்து அவனது முகத்தில் அடிப்பது, சுத்தியலை கொண்டு அடிப்பது, கண்ணில் நச்சுப்புகை ஸ்ஃபிரே அடிப்பது, இவைகள் வீரச்செயல்களா ? இது எந்த வகையான சண்டை முறைகள் எல்லாம் பணத்திற்காகத்தானே சரி உயிர் போய் விட்டால் இந்த பணத்தால் பயனுண்டா ? இவ்வளவு பலசாலியாக இருப்பவர்களுக்கு மூளையை இறைவன் கொடுக்கவில்லையே... 

இதையும் பிரமாண்டமான மால் நிறைய மனிதர்கள் தங்களது குழந்தைகளோடு பார்த்து கை தட்டி ரசித்து ஆரவாரம் செய்கின்றார்களே.... அப்படியானால் இரக்க உணர்வின் அர்த்தமென்ன ? நாளை தங்களது குழந்தைகளுக்கு இரத்தக்காயம் ஏற்பட்டாலும் அதைப் பொருட்படுத்த மாட்டார்களா ?

சங்க காலத்தில் தேவகோட்டை தமிழர்கள் மணல் குவியலில் மல்யுத்தம் செய்து தங்களது வீரத்தை நிரூபித்தார்கள். இதில் யாருக்குமே காயம் ஏற்பட வாய்ப்பேயில்லை. பலசாலி என்பதை சுறுக்கமாக காட்டிக் கொண்டார்கள். ஆனால் இங்கு இப்படி அலங்கோலமாக நடத்துவது முறையற்றது இவைகளை பார்த்து, ரசித்த மனது மக்கள் கூடுமிடங்களில் குண்டு வைப்பது, தீ வைப்பது போன்ற அராஜக செயல்களை செய்வதற்கு மனம் கூசுவதில்லை.

இதுக்கு பேரு ரஸ்லிங்னு சொல்லுறாய்ங்கே... இந்த லட்சணத்துல அவங்கே காயம்பட்டால் மருத்துவமனை கொண்டு செல்ல மருத்துவ விரைவூர்தியும், மருத்துவர்களும், செவிலியர்களும் குழுவோட இருக்காங்கே சண்டை முடிந்தும்கூட காயம்பட்டவனை மருத்துவமனைக்கு கொண்டு செல்லுவதற்கு விரைவூர்தியில் ஏற்றிய பிறகும் அவனை மீண்டும் அடித்து வண்டியை புரட்டிப் போட்டு விடும் பலசாலி முட்டாள்கள் நிறைய உண்டு இவர்களை யாருமே கட்டுப்படுத்த இயலவில்லை. பிறகு என்ன விதிமுறைகள் போடுகிறார்கள். முறை தவறி நடந்தவனுக்கு பரிசு இல்லை என்று இருந்தால் இவர்கள் முறையோடு நடந்து கொள்வார்கள். என்னமோ போங்க இந்த ரத்த வினையாட்டு எனக்கு இன்னும் விளங்கவே இல்லை.

காணொளி