அண்ணன் நாகேந்திரன் (3)

 

முந்தைய தொடர்ச்சிகளை படிக்க கீழே சொடுக்குக...

இஸா (1) டலுவா (2)

 

முன்பு... ம்ம்.. சிங்கம் போல் உட்காந்திருந்தேன்....

சொல்லுங்க கில்லர்ஜி... ?

இல்லைணே இனிமே உண்மையான பெயரையே சொல்லிடுறேன்.

இனி சொல்றது இருக்கட்டும் மேனேஜர் வரும்போது இவளுகள் இப்படி கூப்பிட்டால் ?

அவளுகள்ட்ட சொல்லுங்கண்ணே அப்படி சொல்லக் கூடாதுனு...

 

எது நானா ? அவளுகளுக்கு அர்த்தம் தெரிஞ்சும் அப்படித்தானே... சொல்லுறாளுக... அவளுகளுக்கும் தேவகோட்டை அத்தானை பிடிச்சுப் போச்சு  நீங்கதான் எந்த வார்த்தைக்கும் உல்டா ஒண்ணு வச்சு இருப்பீங்களே... ரெடிமேடா அதுல ஒண்ணை அவளுகள்ட்ட எடுத்து விட்டு மாத்தி சொல்லச் சொல்லுங்க..

 

என்ன வார்த்தைணே சொல்லலாம் ?

அது சரி என்னைக் கேட்டா ?

அது அசிங்கமான வார்த்தைனு சொல்லலாமா ?

ஆமா, ஆபரேஷன் தியேட்டருல வேலை செய்யிறாரே கோபால் அவரு பெயரைச் சொல்லாமல் கோ, கோ, அப்படீனு சொல்லுறாளுகளே ஏன் ?

அது..... வந்துணே...... அது... கெட்டவார்த்தை...

கோபால்’’ கெட்ட வார்த்தையா என்னையா இது காலக்கொடுமை. ?

நீங்களே சொல்லுங்கண்ணே அத்தான்’’னு சொல்ல வேணாம்னு...

நான் சொன்னாத்தான் கேட்க மாட்டாள்களே...

எனக்கு பயமா இருக்குணே...

யாருக்கு உங்களுக்கா ? விட்டால் அரபிக்காரியைக்கூட அத்தான்’’னு கூப்பிட வச்சுருவீங்களே... சூடானியை எம்கேடி பாகவதர் பாட்டு பாட வச்சது போல...

 

நீங்க சொல்லுங்க மேனேஜருக்கு தெரிஞ்சா என்னைக் கேன்ஷல் செய்து அனுப்பிடுவாருனு சொன்னால் கேட்பாங்க...

அதான் நல்ல ஐடியா போன மாசம் உங்களை நைட் டூட்டிக்கு மாத்தணும்னு ஹெட் சூப்பர்வைசர் சொன்னதுக்கு சண்டைக்கு வந்துட்டாளுங்க, ஒருவேளை நீங்கதான் தூண்டி விட்டீங்களோ...

இல்லைணே நான் அப்படி சொல்லலையே...

சரி வாங்க அவளுகள்ட்ட உங்க ஐடியாப்படி சொல்லுவோம் வேறவழி இல்லை.

 

ஸ்டோர் ரூமை பூட்டி விட்டு இருவரும் வெளியே வர... சற்று தூரத்தில் கொரிடாரில் எனது ஜென்ம சத்ரு மேனேஜர் பி.கே மீசையை முறுக்கிக் கொண்டு நிற்க பக்கத்தில் மற்றொரு பிலிப்பைனி ரோஸ்லின் அவரிடம் என்னமோ ? ? ? ஏதோ ? ? ? சொல்லிக் கொண்டு இருக்க நானும், சூப்பர்வைசரும் ஒருவரையொருவர் பார்க்க, எனக்கு மதியம் சாப்பிட்ட எலிக்கறி குழம்பு வயிற்றில் புளியைக் கரைத்து மனதில் கிலி உண்டாக்கியது....

 

அடிப்பாவி ரோஸ்லின் இவ அந்த மீசைக்காரன் கிட்ட சொல்றாளோ... அவனுக்கு சும்மாவே நம்மளை கண்ணுல கண்டாலே ஆகாது இவ ’’அத்தான்’’ விசயத்தை சொன்னால் மீசையை பலமுறை குறைக்கச் சொல்லியும் குறைக்க மாட்றானே.. அந்தக் கோபத்தை இதுல வச்சு என்ன செய்யப் போறானோ.... ? அந்த ஆளுக்கு இந்த உலகத்துலயே... தான் மட்டுமே மீசை பெரிசா வைக்கணும் மற்றவன் வச்சா பிடிக்காது சரி ரோஸ்லின் ஏன் என்னை போட்டுக் கொடுக்கப் போறாள் ? ஒருவேளை அன்றைக்கு அவள் வரும்போது நண்பன் நந்திவர்மனை பகடைக்காயாய் உபயோகப்படுத்தி...

 

//நான் போக்கிரிக்கு போக்கிரி ராஜா//

என்ற பாடலை அவனைப் பாடச் சொன்னதை இது என்னோட வேலைதான் எனபுரிந்து கொண்டு முறைத்தாளே... அந்தக் கோபமோ... அதான் மறுநாள் காலையில் மஹந்தங் குமாஹா சொன்னாளே... பதிலுக்கு நானும் மஹந்தங் குமாஹா சொன்னேனே... அடிப்பாவி இந்த அப்பாவியை போட்டுக் கொடுக்க, உனக்கு எப்படி மனசு வருது... ச்சே என்ன உலகமடா இது ? நாட்டுல அவனவன் மக்கள் பணத்தை கோடி கோடியா கொள்ளையடித்து ஸ்விஸ் வங்கியில ஏழு தலைமுறைக்கு பணம் சேர்த்து வைக்கிறாங்கே... அது தவறில்லையா ? தமிழ் வாழ்க ஹிந்தி ஒழிக அப்படினு ஊரை ஏய்த்து விட்டு குடும்பத்துல உள்ளவங்களை ஹிந்தி படிக்க வைக்கிறாங்க.... அது குற்றமில்லையா ? நான் அப்படியா செய்தேன்... ? ஏதோ தெரியாத நாட்டுக்காரிகளுக்கு என் இனிய தமிழைச் சொல்லிக் கொடுத்து தமிழ் வளர்ப்பதற்கு ஒரேயொரு வார்த்தை ’’அத்தான்’’ இதைச் சொல்லிக் கொடுத்தது தவறா ? இந்த பாழும் உலகின் மீது வெறுப்பு தோன்றியது... இடுப்பில் யாரோ குத்துவது உணர்ந்து சுயநினைவு வர, சூப் நாகேந்திரன் அண்ணன்தான் குத்தியிருக்கிறார்...

 

மீசைக்காரன் பார்த்துட்டான் ரோஸ்லின் என்ன சொல்றாளோ... தெரியலை ?  அவனுக்கு ஒரு சல்யூட் போட்டுட்டு இடத்தை காலி பண்ணுங்க பிறகு பேசிக்கிறலாம்...

சரிண்ணே...

கொரிடாருக்கு வந்ததும்...

 

குட் ஈவ்னிங் சார்

ஒரு இராயல் சல்யூட் போட்டு நகர்ந்தேன் மீசைக்காரர் முறைத்துக் கொண்டே.... ம்..ம்.. என்றார் சூப்பர்வைசர் இணைந்து கொள்ள, நான் இடத்தை காலி செய்து விட்டு ரோஸ்லின் வேலை செய்யும் கிச்சனில் போய் காத்திருந்தேன் ரோஸ்லின் வரவுக்காக....

 

தொடரும்... நாளை மறுதினம்