வேளாங்கண்ணி, வேதாந்தம் வேதமுத்து

வணக்கம் வேதமுத்தண்ணே... நல்லா இருக்கீங்களா ?
வாடாத்தம்பி செண்பகநாதா. நல்லா இருக்கேன் என்ன விசயம் ?
 
சில சந்தேகம் அதை கேட்டுப் போகலாம்னு வந்தேன்ணே...
கேளுடாத்தம்பி அண்ணேஞ் சொல்றேன்.
 
உங்களை ஏண்ணே வேதாந்தம் வேதமுத்துனு சொல்றாங்க ?
நீ இப்ப சந்தேகம் கேட்டு வந்தியே இப்படித்தான் ஜனாதிபதி, பிரதமர், முதல்வர்கூட சந்தேகம் கேட்டு வருவாங்க, அப்ப சித்தாந்தம், வேதாந்தம், சுகந்தம், காந்தம், சொந்தம், பந்தம் எல்லாம் பேசுவேன் அதனாலதான்டா இந்த பேரு...
 
பூரானை ஆம்பளைங்க அடிக்க கூடாதுனு சொல்றாங்களே ஏண்ணே ?
அதுடாத்தம்பி அந்தக் காலத்துல எவனோ பொண்டாட்டி மேலே கோபப்பட்டு அவளை கடிச்சு தொலையட்டுனு சொல்லி வச்சான் அது அப்படியே தொடர்ந்து வந்துருச்சு.
 
செவ்வாய்க் கொழுக்கட்டையை ஆம்பளைங்க திங்கக்கூடாதுனு சொல்றாங்களே எதுக்குண்ணே ?
எதைச் செய்தாலும் இந்த ஆம்படையான் நமக்கு இருக்கானு நினைக்காம மொத்தமா விளாவிடுறாங்களேனு அந்தக்காலத்து பொம்மனாட்டிக கூட்டம் போட்டு இருக்காங்க, அதுக்காக யோசிச்சு வச்சது இந்தக் கொழுக்கட்டை.
 
அப்படீனாக்கா... ஆம்பளைங்க எங்கள் பிளாக்கில் கூட்டம் போட்டு இப்படி ஏதாவது திங்கட்கிழமை திங்கிறதுக்கு தீர்மானம் கொண்டு வரலாமேணே... ?
அப்படி நினைக்கிற நேரத்துலதான் சைனாக்காரன் ஸ்நாக்ஸ்னு சொல்லி எதையோ கொண்டு வந்து பாதையை மாத்தி விட்டுட்டானே...
 
ஐயப்பன் கோயிலுக்கு பொம்பளைங்க போகக் கூடாதுனு சொல்றாங்களே ஏண்ணே ?
எல்லா இடத்துக்கு நம்மளோட வந்து தொந்தரவு பண்ணுறாளே அப்படீனு ஆம்பளைங்க போட்ட திட்டம்தான்டா இது.
 
எம்ஜிஆர் இப்பவரை சினிமாவுல நடிச்சுக்கிட்டு இருந்தா ஜோடியாக யாரைண்ணே போடுவாங்க ?
அசின், திரிஷா, கீர்த்தி சுரேஸ்.
 
சிவாஜி கணேசன் இன்னும் நடிச்சுக்கிட்டு இருந்தால் யாரை ஜோடியாக போடுவாங்க ?
நமீதா, மும்தாஜ், நிரோஷா
 
ஜெமினி கணேசன் இன்னும் நடிச்சா யாரை ஜோடியாக போடுவாங்க ?
ராதிகாவைத்தான்.
 
கமல்ஹாசன் த்ரீடி படத்துல நடிச்சா பொம்பளைங்க போககூடாதுனு சொல்றாங்களே ஏண்ணே ?
படக்குனு நமக்கும் முத்தம் கொடுத்துவாரோனு பயம்தான்டா...
 
ரஜினிகாந்த் வயதான வேடத்தில் நடிச்சா தயாரிப்பாளருக்கு லாபம் கிடைக்குமாணே ?
ஒப்பனையாளருக்கு லாபம் கிடைக்கும் அவருக்கு வேலையே இல்லாமல் சம்பளம் வாங்குவாருடா...
 
சரிண்ணே நான் கிளம்புறேன், நிறைய தகவல் சொன்னதுக்கு நன்றிணே...
அப்படியே போற வழியில நம்ம ஜவான் டீக்கடையில் ரெண்டு வடையும் டீயும் சொல்லிட்டுப் போடா.
 
சரிண்ணே.
நல்ல மனசோட காசு கொடுடா... வடை வயித்துல தங்கணும்.
 
கில்லர்ஜி தேவகோட்டை
 
Chivas Regal சிவசம்போ-
டீக்கு வழியில்லாதவனை ஜனாதிபதியும், பிரதமரும், முதல்வரும் தேடி வர்றாங்களோ ?

Share this post with your FRIENDS…