முனைவென்றி, முனைவர் முனுசாமி

மேலேயுள்ள புகைப்படச் செய்தியை பார்த்தீர்களா ? போலி டாக்டர் பட்டமாம் எதுலதான் போலி செய்யிறதுனு விவஸ்தை இல்லையா ? சாலையோர போளி விக்கிற கடையிலதான் போலிதான்னா... இங்கேயுமா ? டாக்டர் பட்டம் என்பது இவ்வளவு இழிவான செயலுக்கு போய் விட்டதே... திரைப்படக் கூத்தாடன் விஜய்க்கு டாக்டர் பட்டம் கொடுத்தார்களாம். எதற்காக தெரியுமா ? போக்கிரி என்ற தேசிய விருது பெற்ற பெருங்காவியத்தில் நடித்ததற்காக...
 
அட, கொங்காப்பயல்களா... பட்டம் என்பதின் பெருமையை குழி தோண்டி புதைத்து விட்டீர்களேடா... வடிவேலுவுக்கு டாக்டர் பட்டம். மனிதநேயமிக்க திரு.மயில்சாமி அவர்களுக்கு கொடுத்து இருக்கலாமே... பணம் கொடுத்தால் கிடைக்கும் என்றால் மொட்டை மாடியில் நின்று பறக்க விடும் பட்டமும் இதுவும் ஒன்றுதானே... இந்த லட்சணத்தில் இதுவும் போலி.
 
விஜய்க்கு தேசிய விருது பெறும் திறமைகள் இருக்கிறதா ? அல்லது தேசிய விருதுக்கு நுழைந்திட பரிந்துரைக்கும்படியான திரைப்படங்களாவது இருக்கிறதா ? அல்லது இனிமேல்தான் வந்து விடுமா ? கமல்ஹாசனின் எத்தனை படங்கள் பரிந்துரைக்கு சென்று வந்தது இதுவே ஒரு வெற்றிதான். ஆயினும் இவரது படங்கள் நிறைய தோல்வியை தழுவின காரணம் ரசனையற்ற ரசிகனுக்கு. நெடுங்காலமாக கற்பூரவாசனை தெரிவதில்லை.
 
முன்பு வலைப்பதிவர் பன்னிக்குட்டி ராம்சாமி என்று ஒருவர் இருந்தார், பிறகு இன்னொரு பதிவர் போலி பன்னிக்குட்டி ராம்சாமி என்று ஒரு நண்பர் வந்தார். அவருடனான எனது புகைப்படம் கீழே காண்க... அதைப்போல டாக்டர் பட்டத்திலும் போலி டாக்டர் பட்டம் போலும். அரசின் செயல்பாடுகள் இந்த நிலையில் இருக்கிறது.
 
இந்த டாக்டர் என்ற பட்டத்தை நிறுத்தி விடுங்கள். உண்மையான சாதனையாளர்களின் மனம் வேதனைப்படும், இறந்தோர்களின் ஆன்மாவும் வேதனைப்படும். ஏனெனில் நீங்கள் டிக்டாக் திருச்சி சாதனா, உடன்குடி ஜி.பி.முத்து போன்றவர்களுக்கும் டாக்டர் பட்டம் கொடுப்பீர்கள்.
 
கில்லர்ஜி தேவகோட்டை

Share this post with your FRIENDS…