நஞ்சில்லா லஞ்சம்

வணக்கம் நட்பூக்களே... நமது நாட்டில் ஆர்.டி.ஓ. என்று சொல்லப்படும் வாகன பரிசோதனைத்துறை என்னதான் செய்கிறது ? இந்தியன் திரைப்படத்தில் ஷங்கர் மிக அழகாக வெளிப்படுத்தி இருப்பார். வேன் முழுவதிலும் உள்ள குழந்தைகள் விபத்தில் சிக்கி இறந்து விடும். பணத்தை கொடுத்தால் பேருந்துகள் பரிசோதனைக்கு வராமலேயே தேர்வாகி விடும் அதன் அதிகாரிகள் லஞ்சம் பெறுவதால் வந்த இடர்பாடுகள்.
 
மனசாட்சி இல்லாதவர்களால்தான் இவ்வகையான விபத்துக்கள் நிகழ்கின்றன பணம் கிடைத்தால் போதும் நாளை நமது குடும்ப உறுப்பினர்களும் இதில் பயணிக்ககூடுமே என்ற சிந்தை கிடையாது. இந்த லஞ்ச பணத்தை இவர்கள் சேர்ப்பது யாருக்காக ? மனைவி, மக்களுக்காகத்தானே... அவர்கள் நலமுடன் வாழ வேண்டாமா ? இந்த பாவத்தின் சம்பளம் இவர்களது குடும்பத்தை காக்குமா ? இந்த லஞ்சப்பணம் நஞ்சில்லையா ? ஆயினும் இவர்களும் இறைவனை தொழுவதுதான் எனக்கு ஆச்சர்யமாக இருக்கிறது.
 
இதில் இந்த அலுவலர்கள் காலையில் வேலையை தொடங்கும் முன்பு சாமி படங்களை வணங்குகின்றார்கள். இவர்களின் வேண்டுதல் எப்படி இருக்கும் ? இன்றைக்கு லஞ்சம் நிறைவாக கிடைக்க வேண்டும் என்பதாகத்தானே... நமது மக்களில் பெரும்பாலானோருக்கு இறைபயம் என்பது கிடையாது பிறகு எதற்கு இறை வணக்கம் ? அது கண்துடைப்பு ஆம் சமூகப்பார்வைக்காக நெற்றியில் விபூதி, சந்தனம், குங்குமம் இருந்தால் இவர் நல்ல மனிதரென்று பிறர் கருதக்கூடும் அதன் வழியே இந்த திருட்டு வாழ்க்கை.
 
இதோ இந்த கானொளியில் வரும் காட்சியை பாருங்கள், ஏதோ ஆட்டு மந்தையை கொட்டி விட்டு செல்வது போன்றே இருக்கிறது. நல்லவேளை உயிர்ச் சேதமில்லை அவ்வகையில் நன்று. இந்த தவறுகளை சீர் படுத்துவது யாருடைய வேலை ? அரசாங்கம்தானே... அரசியல்வாதிகளுக்கு நன்றாக தெரிகிறது கட்சியை சார்ந்தவன் சாகும்வரை நமக்குதான் ஓட்டுப்போடுவான், மக்கள் அந்த நேரத்தில் இலவசமாக அதை தருகிறோம், இதை தருகிறோம் என்று சொன்னால் பழையவைகளை மறந்து விட்டு வாக்களிப்பார்கள்.
 
மேலும் கடைசி தருணத்தில் தலைக்கு ஐநூறு ரூபாய் கொடுத்தால் போதும் பிறகு வட்டியும், முதலுமாக இருபது மடங்கு சம்பாரிக்கலாம். இதைத்தான் திராவிடக்கட்சிகள் இரண்டும் செய்து வருகிறது. நான் ஒருமுறை சத்திரக்குடியிலிருந்து பெரியப்பாவின் ஊருக்கு கருப்ப்பிள்ளைமடம் நகரப்பேருந்தில் சென்றேன் சாலையில் செல்லும் போது பேருந்தின் கூரையும் தனியாக ஆடிக்கொண்டே வந்தது நான் பயந்து கொண்டே சென்றேன் வேறு வழியில்லையே ஒருமுறை சென்றதற்கே இப்படி எனில் இந்த பகுதி மக்கள் தினம் இதில்தானே போய் வருகின்றார்கள்.

 

தமிழனுக்கு மறதி பெறுகி விட்டது இதற்கான மருந்து சாப்பிட்டால்தான் தமிழகம் இனியாவது நல்ல மனிதர்களின் ஆட்சியை காணலாம். அந்த மருந்தை சாப்பிடக்கூடாது என்றுதான் டாஸ்மாக்கை திறந்து வைக்கின்றார்கள். இனியாவது சிந்திக்கணும் இல்லையேல் மரணம் வரையில் வாழ்க கோஷமிட்டு சாக வேண்டியதுதான்.
 
கில்லர்ஜி தேவகோட்டை

 

காணொளி

Share this post with your FRIENDS…