தீய அஞ்சலி

வணக்கம் நட்பூக்களே... மேலே கண்ட புகைப்படத்தில் பார்த்தீர்களா ? கோவை குண்டு வெடிப்பில் பலியான அப்பாவி இந்து மக்களுக்கு தீப அஞ்சலி நல்ல செயல்தான் ஆனால் இந்த குண்டு வெடிப்பில் இந்துக்கள் மட்டும்தான் பலியானார்களா ? இஸ்லாமிய, கிருஸ்துவ சகோதரர்கள் பலியாகவில்லையா ? இது தீப அஞ்சலி அல்ல! தீய அஞ்சலி.
 
மேலும் அப்பாவி மக்கள் மட்டும்தான் இறந்தார்களா ? இழிபிறவிகளும் இறந்திருக்கலாம்தானே.. ஒரு கட்சியோ அமைப்போ இருந்தால் அனைத்து சமூக மனிதர்களுக்கும் பயனாக, பலனாக இருப்பதுதானே முறை. இப்படி அஞ்சலி செலுத்துவதில்கூட பேதம் பார்த்தால் இந்த கட்சி மட்டுமல்ல, எந்த சமயம் சார்ந்த கட்சியும் இந்தியாவில் குறிப்பாக தமிழகத்தில் வளர முடியாது. பிறகு இவர்களை பிற சமூக மக்கள் ஆதரிப்பார்களா ? முன் கை நீண்டால்தானே முழங்கை நீளும் ?
 
இவர்களைப் போன்ற மதவாதிகளால்தான் பிற நாடுகளில் வேலை செய்யும் இந்துக்களுக்கு அங்கு கிடைக்கும் மரியாதை இழிவாக இருக்கிறது கேட்டால் ஏன் அங்கு போகிறாய் ? என்பார்கள் இந்தியாவில் எல்லோருக்கும் வேலையும், நல்ல வருமானமும் கிடைத்தால் எதற்காக அயல் தேசங்களுக்கு போகின்றார்கள் ? இவர்களெல்லாம் உழைக்காத சோம்பேறிகள் இந்த மாதிரி ஏதாவது மக்களிடம் மதப் பிரச்சனையை கிளப்பி விட்டுக் கொண்டே மேலிடத்திலிருந்து கிடைக்கும் எலும்புகளுக்காக வாழும் இழிபிறவிகள்.
 
நீ சொல்லும் அஞ்சலியை மரணித்த அனைத்து மக்களுக்கும் என்று சொல்வதில் உனது தரம் உயர்ந்துதான் போகுமே தவிர தாழ்ந்து விடுவதில்லை. எண்ணங்கள் உயர்வானால் எல்லாமே உயர்வாகும் என்பதை அறியாத இவர்களெல்லாம் ஆன்மீகவாதிகளா ? மதத்தின் பெயரில் உள்ள கட்சிகள், அமைப்புகள், சாதீ சங்கங்கள் அனைத்தையும் அரசு தலையிட்டு கலைத்து விடல் வேண்டும். ஆனால் அரசே மதவாதமாக இருக்கும்போது எங்கு முறையிடுவது ?
 

மதம் மறப்போம் மனிதம் காப்போம்.

 
கில்லர்ஜி தேவகோட்டை
 

காணொளி

Share this post with your FRIENDS…