வெற்றியே தோல்விக்கு காரணம்

 

எனது வாழ்க்கையில் நான் விபரம் தெரிந்த நாட்களிலிருந்து எல்லா விடயங்களிலும் தோல்வியைத்தான் சந்தித்து இருக்கிறேன். தோல்வி என்பது எனக்கு மரத்துப் போன ஒன்று. ஆனால் ஒரேயொரு விசயத்தில் நான் மாபெரும் வெற்றி அடைந்து இருக்கிறேன். அந்த வெற்றிதான் என்னை வாழ்வு முழுவதும் நிரந்தர கவலை கொள்(ல்லு)ளும் நிலையாக்கி விட்டது.
 
அதுதான் எனது பிள்ளைகளை என்னிடமிருந்து பிரித்து விட்டது, எனது பெயர்த்திகளை என்னிடமிருந்து பிரித்து விட்டது, பணமிருந்தும் நல்ல உணவு கிடைக்காமல் செய்து விட்டது, மேலும் என்னை நிரந்தர தனி மனிதனாக்கி விட்டது. எப்பொழுதும் பிறருக்கு என்னாலான உதவிகளை செய்யும் எண்ணம் உள்ளவன் நான். அவ்வகையில் நானொரு மிகப்பெரிய ராசிக்காரன் பிறருக்காக நான் எடுக்கும் எந்தவொரு முயற்சிகளும் வெற்றியாகி விடும். அதேநேரம் எனக்கு எடுக்கும் முயற்சிகள் தோல்வியில்தான் முடியும்.
 
நான் வாழ்க்கையில் சந்தோஷமாக இருந்த தினங்களை சுலபமாக நினைவு கூர்ந்து விடமுடியும். காரணம் அவ்வளவு குறைவான தினங்களே... எனது திருமணத்தன்றுகூட நான் மகிழ்ச்சியாக இருந்ததில்லை. ஏன், அன்றைய இரவும்கூட எனது வாழ்வை அவரவர்கள் தங்களது தேவைக்காக பயன்படுத்தி விட்டு பிரச்சனைகள் வரும் பொழுது குற்றவாளியாக என்னையே நிறுத்தி விடுவார்கள். நான் பாசத்துக்கு கட்டுப்பட்டவன் ஆகவே எனது வாழ்வு இப்படியே தொடர்ந்து இறுதி கட்டத்திற்கும் வந்து விட்டது.
 
எனக்கு கிடைத்த மாபெரும் வெற்றி எது தெரியுமா ?
 
அபுதாபியில் கடும் முயற்சிக்கு பிறகு எனக்கு கிடைத்த அரசாங்க உத்தியோகம். வழக்கம் போல அதிலும் நான் தோல்வி அடைந்திருந்தால் நான் அப்பொழுதே இந்தியாவுக்கு வந்து இருப்பேன். ஏதோவொரு கூலி வேலை செய்தாவது எனது செல்வங்களை அன்போடு, பாசப்பிணைப்போடு, கஷ்டப்பட்டு, இஷ்டப்பட்டு படிக்க வைத்து என்னை புரிந்து கொள்ள  வைத்து இருப்பேன். ஆயினும் இன்றைய நிலைபோல் எனது மனைவிக்கு கொடுத்த வாக்கை காப்பாற்ற மறுமணம் செய்யாமல் இருப்பதும் உறுதி.
 
அந்த அரசு வேலை கிடைக்காமல் போயிருந்தால் நான் லட்சக்கணக்கில் பணத்தை பார்த்து இருக்க மாட்டேன், எனது உறவுகளிடம் ஏமாந்து இருக்க மாட்டேன், அவைகளை இழந்து வாழ்ந்து கெட்டவன் நிலைக்கு வந்து இருக்க மாட்டேன், சராசரி ஓர் ஏழையாக நிம்மதியாக வாழ்ந்து இருப்பேன். ஆனால் கஷ்டப்பட்டு இருப்பேன் அதனால் என்ன ? இன்று மனதளவில் கஷ்டப்படுகின்றேனே... இறைவன் தீர்மானித்ததை நடத்தி விட்டான்.
 
ஆக மொத்தம் வெற்றியே எனது தோல்விக்கு காரணம் இதற்கு நானே பொறுப்பாளி ஆம் உண்மையாக, நேர்மையாக, நியாயமாக, பிறர் பொருளுக்கு ஆசைப்படாதவனாக, கொடுத்த வாக்கை காப்பாற்ற நினைத்து வாழ்ந்ததற்காக இறைவன் எனக்கு கொடுத்த பரிசு. இறைவனை நேரில் சந்திக்கும் பொழுது இதற்கான காரணங்கள் எனக்கு நிச்சயம் விளங்கும் என்ற நம்பிக்கையோடு...
 
கில்லர்ஜி தேவகோட்டை
 
Chivas Regal சிவசம்போ-
தோல்வி தன்னை எழுதட்டும் வரலாறு துணைக்கென்று இனிமேல் யார் கூறு அப்படினு ஒரு தலை ராகம் டி.ராஜேந்தர் பாட்டை பாட வேண்டியதுதான்.

Share this post with your FRIENDS…