ஆயிரம் ஆண்டுகள் வேண்டும்

வணக்கம் நட்பூக்களே... நான் பெரும்பாலும் பிறருடைய எழுத்துகளை எனது தளத்தில் வெளியிடுவதில்லை இந்த கருத்து புலனத்தில் (What-app) வெளி வந்தது. எனது எண்ண ஓட்டத்தை பிரதிபலிப்பது போலிருந்தது ஆகவே இதனை தங்களுக்கு பார்வைக்காக வைக்கின்றேன் – கில்லர்ஜி
 
இதோ அந்த விபரங்கள்.
 
   01.            தமிழ் நடிகர்களின் சம்பளம் ஒரு படத்திற்கு ஐந்து கோடி முதல் ஐம்பது கோடி வரை. சராசரியாக பத்து கோடி என்று வைத்துக் கொள்வோம்.
 
   02.            மாதம் எழுபது ஆயிரம் ருபாய் சம்பளம் வாங்கும் ஒரு IT ஊழியர் பத்து கோடி சம்பாதிக்க நூற்றி இருபத்து ஐந்து வருடங்கள் பணியாற்ற வேண்டும்.
 
   03.            மாதம் முப்பது ஆயிரம் ரூபாய் சம்பளம் வாங்கும் ஒரு தனியார் நிறுவன ஊழியர் பத்து கோடி சம்பாதிக்க இருநூற்று ஐம்பது வருடங்கள் பணியாற்ற வேண்டும்.
 
   04.            மாதம் இருபத்து ஐந்து ஆயிரம் சம்பளம் வாங்கும் ஒரு அரசு ஊழியர் பத்து கோடி சம்பாதிக்க முன்னூற்றி முப்பத்து மூன்று வருடங்கள் பணியாற்ற வேண்டும்.
 
  05.            நம் அனைவருக்கும் உணவளிக்கும் விவசாயி பத்து கோடி சம்பாதிக்க எழுநூற்றி அருபது வருடம் உழைக்க வேண்டும்.
 
  06.            ஒரு நாளைக்கு முந்நூறு ரூபாய் வருமானம் பெறும் கூலி தொழிலாளி பத்து கோடி சம்பாதிக்க ஆயிரம் ஆண்டுகள் உழைக்க வேண்டும்.
 
  07.            திரைப்பட நடிகர்/ நடிகைகள் பயன்படுத்தும் கார்களின் விலை ஐம்பது லட்சத்திலிருந்து ஐந்து கோடி வரை.
 
  08.            படப்பிடிப்பு தளங்களில் இவர்களது சொகுசு வாழ்க்கை என்பது நமது கேளிக்கை கடவுள் இந்திரன் கூட அனுபவிக்காது. வெளிநாட்டு மது, நட்சத்திர ஹோட்டல் உணவு, இரவு நேர கேளிக்கை, ஒப்பனைக்கு இருவர், உடை அணிவிக்க இருவர், குடை பிடிக்க ஒருவர், கொஞ்சம் வியர்த்தால் கேரவேனில் ஓய்வு.
 
  09.            இவர்கள் ஒரு நேரம் நட்சத்திர ஓட்டலில் உணவு உண்ணும் தொகை நம் விவசாயிகளின் ஒரு மாத உணவுச்செலவு.
 
  10.            ஒரு ஆண்டில் மூன்று படங்களில் நடித்து ஐம்பது கோடி ரூபாய் சம்பாதித்து பத்து கோடி வரி ஏய்ப்பு செய்து ஐயாயிரம் ரூபாய்க்கு ஏழை குழந்தைகளுக்கு நோட்டு புத்தகங்கள் வாங்கி கொடுத்து விளம்பரம் தேடுபவர்கள்.
 
  11.            பல முன்னணி கட்டுமான நிறுவனங்கள் பல கோடிகளில் கட்டிடங்கள் கட்டுவது இவர்களிடம் விற்பதற்காக தான்.
 
  12.            நாம் திரைப்படம் பார்க்க செலுத்தும் பணம் தான் இவர்களுக்கு சம்பளமாக செல்கிறது.

 

மேற்கூறிய இந்த ஏழைகளின் நடிகர் சங்கம் இருபத்தி இரண்டு கோடி ரூபாய் கடனில் தவிக்கிறதாம். அதை அடைக்க இவர்கள் நட்சத்திர கிரிக்கெட் போட்டி நடத்தி ஒரு டிக்கெட் ஆயிரம் ரூபாய்க்கு நம்மிடம் விற்று கடனை அடைத்த வரலாறு உண்டு. புயல் வெள்ளத்தில் நம் மக்கள் அனைத்தையும் இழந்து நிர்வாணமாய் நின்ற போது நடிகர் சங்கம் உதவி செய்யாது என்று வெளிப்படையாக சொன்னது. அரசியல்வாதிகளிடம் ஏமாறுகிறோம். இந்த கூத்தாடிகளிடமும் ஏமாற வேண்டுமா ? சற்றே சிந்தியுங்கள் உறவுகளே.... இவ்வளவு சம்பளம் பெறும் நடிகர்களின் ரசிகர்கள் யார் தெரியுமா.... ? இலவச அரிசிக்கு ரேஷனில் சண்டை போடும் அப்பாவி ஏழை மக்களின் பிள்ளைகள்தான். சிந்திக்க வேண்டும், இன்றைய இளைய தலைமுறை முதல் தலை நரைத்தவர் வரை...
 
வெளியிட்டவரின் பெயர் – மோகன் எழுதியவரின் பெயர் தெரியாது.

Share this post with your FRIENDS…