வயலோரக் கிளிகள்

கிராமத்துக் கிளிகள் கிருஷ்ணமூர்த்தி, தேன்மொழி இரண்டு பேரும் வயல் வெளியில் தன்னை மறந்து பாடுகின்றனர். வாழ்த்துவோம் நாமும்...
 
பொட்டு வச்சவளே கண்ணழகி
பொட்டணம் தாரேன் வாயேன்டி
மங்களக்குடி டூரிங்கு டாக்கீசுக்கு
மனிதன் படம் பார்க்க போவோமடி
 
கள்ள மச்சானே கருத்த மீசக்காரா
கருவாயன் உன்னை தெரியாதா
பொட்டபுள்ள நானும் வரமாட்டேன்
வெட்டியாக நீயும் வர வேண்டாம்
 
தேர்போகி திருவிழா வரும்போது
தேர் இழுத்தோமே மறந்துட்டியா
தேன்மொழியே தேவதையே
தேவகோட்டை வாயேன்டி
 
உன்னை நம்பி வந்ததாலே
உலக்கை அடி கொடுத்தாளே
வீட்டுலதான் எங்க ஆத்தா
வீணாக வீடு தேடி வராதே
 
மயிலே நீதான் மாங்குயிலே
மறுக்காதடி வீணா ஏங்குயிலே
செங்குயிலே செம்பருத்தி பூவே
செதுக்கி வச்ச செந்தாமரையே
 
வரமாட்டேன் நானும் மச்சானே
சிக்காதே உன்னிடம் இந்த மீனு
நடக்காதே என்னை தேடி வீணே
கிடைக்காது இன்னைக்கு நானு
 
தேடி வந்த மச்சான் என்னை
தேளு போல கொட்டாதே
தேனப்பன் மாமா பெத்தவளே
தேன் குடமே தேன்மொழியே
 
கிறுக்கு புடிக்க வச்சானே
கிருஷ்ணமூர்த்தி மச்சானே
கிள்ளாதே நீயும் என்னை
கில்லாடிதான் ஏங்கண்ணே
 
தன்னானே தானானே தனனானே
தன்னானே தானானே தனனானே
தன்னானே தானானே தனனானே
தன்னானே தானானே தனனானே
 
கில்லர்ஜி அபுதாபி
 
Chivas Regal சிவசம்போ-
என்னய்யா படம் இது ? எமன் எருமை மாட்டுல வந்தது மாதிரி...

Share this post with your FRIENDS…