டீக்கடை அரசியல்

ஜவான் டீக்கடை அரசியல் அலசல்...
 
ஏண்ணே கொ.இ.க தலைவர் அளவுக்கு மீறி அளந்து விடுறாரே இது நியாயமா ?
எவன்தான் பொய் பேசலை.. ? வியாபாரத்துல எல்லா வியாபாரியும் பொய் பேசுனாத்தான் வாழ முடியும்டா...
 
வியாபாரமும், அரசியலும் ஒண்ணாணே ?
ஆமாடா பின்னே முதல் போட்டதை எடுக்க வேண்டாமா ?
 
அஞ்சு வருசம் முடியப்போகுது இன்னமும் கொடுத்த வாக்குறுதியை நிறைவேற்றலையே அடுத்த தேர்தல்ல மக்கள் எப்படிணே வாக்களிப்பாங்க ?
ஃபேர் அன் லவ்லி கம்பெனிக்காரனும்தான் ஆறே வாரங்களில் சிகப்பழகுனு சொல்லி விக்கிறான் நானும் பிறந்ததுலேருந்து பார்க்கிறேன் எவனும் சிகப்பானதாக சரித்திரமே இல்லை அதனோட வியாபாரம் படுத்தா போச்சு அட போடா... காசை வீசுனா ஓட்டு.
 
அப்படீனாக்கா... வாக்குறுதிகளை நிறைவேற்றவே மாட்டாங்களாண்ணே ?.
நீ மண்ணுக்குள்ளே போறதுவரை எவனும் எதையும் நிறைவேற்றமாட்டான்.
 
அப்ப நாடு முன்னேற என்னதாண்ணே தீர்வு ?
உன்னோட வீட்ல மாமியார்—மருமகள் பிரச்சனையை தீர்க்க முடியுதா ?
 
அது தீருவதற்கு வழியே இல்லையேணே... ?
அது போலத்தான் இதுவும், மருமகளால பிரச்சனை வருதுனு மகனுக்கு கல்யாணம் செய்யாமல் இருக்கோமா... இல்லையே அது மாதிரித்தான்.
 
தேர்தல் வந்தா, ஓட்டுப் போட்டு விட்டு ஒதுங்கிடணும்னு சொல்றீங்க...
நாம ஒதுங்க வேண்டாம் அடுத்த தேர்தல் வரும்வரை அவங்களே நம்மளை ஒதுக்கி வச்சுடுவாங்க...
 
ஏதாவது நல்ல வழி சொல்லுங்கண்ணே... ?
தேர்தல் வரும் முன்பு அனைத்துக்கட்சி தொண்டர்களையும் பொடாவுல கைது பண்ணி ஆறு மாதத்துக்கு உள்ளே தள்ளிடணும் தேர்தல் வேலை செய்ய எவனும் கிடைக்கமாட்டான், அதுபோல ஊடகங்களையும் மூடிடணும்.
       
கில்லர்ஜி அபுதாபி