பழங்காதல்

வணக்கம் நட்பூக்களே... மேலேயுள்ள புகைப்படம் இணையத்தில் உலாவிக் கொண்டு இருந்தது அனைவரும் அறிந்ததே... முன்பு ஒரு கவிதையும்,  திரு.ஸ்ரீராம்ஜி அவர்களுக்கு ஒரு கதையும் எழுத வைத்தது இன்று மீண்டும் ஓர் கவிதை (? ) இதோ அந்த சுட்டிகள்... மே.மே.மே தள்ளாத வயதிலும்...

 
எனது காதல் இளவரசனே
உன் மோகம் என்னாலன்றோ
அன்புக்காதல் மணவாளனே
என் ஆசை உன்னாலன்றோ
 
பாசம் குறையா செல்வனே
உன்னுலகம் நான்தானன்றோ
உன் செல்லம் நான்தானே
என்னுலகம் நீதானன்றோ
 
காலம் நம்மை சதித்தாலும்
வாழ்வோம் நாம் இந்நாளும்
சமூகம் என்ன நினைத்தாலும்
சகிப்பேன் இனி எந்நாளும்
 
பசிதான் நம்மை வதைத்தாலும்
பழைய நினைவு ருசித்தாலும்
பந்துக்கள் நமை வெறுத்தாலும்
பதிதான் நீ எனக்கு இந்நாளும்
 
அழகன் என்றால் நீயன்றோ
அழகி என்றாய் நீ அன்றே
அன்புதானே இன்று பரஸ்பரம்
அதுதான் என்றும் நிரந்தரம்
 
இமையாய் இருப்பேன் என்றாயே
இதயம் தந்தும் மகிழ்ந்தாயே
கடமை வாழ்வை கடப்போமே
கடைசி வரையில் காப்பேனே
 
இறைவன் மீது கோபமில்லை
இந்த வாழ்வில் லாபமில்லை
இவரை அழைத்த தினத்தன்றே
இளவரசி எனையும் இணைத்திடு
 
கில்லர்ஜி அபுதாபி
 
சிவாதாமஸ்அலி-
தள்ளாத வயதிலும், தள்ளாத காதல்.