எனது அமைதிப்பூங்கா

இறைவா துரோகங்களை மறக்கும் மனம் கொடு
கூடவே துரோகிகளை மறக்கவும் குணம் கொடு
இனி எனக்கு நாளும் உறங்கும் நிலை கொடு
வாழும் வரையில் எனக்கு நிம்மதியை கொடு
 
எனக்கும்கூட வரும் கெட்ட எண்ணங்களை தடு
எதிரிகளால் வரும் இடையூறுகளையும் தடு
மனக்குழப்பங்கள் வளர்ந்து விடாமல் தடு
குரங்கு போல தாவித்திரியாத மனதை தடு
 
அன்று எனது பணத்தால் நிறைந்திருந்தது வீடு
இன்று அதை இழந்ததால் வெறிச்சோடியது வீடு
எனக்கு பிறகாவது மக்கள் நிறைய வரட்டும் வீடு
எனக்கு இறுதி வரையில் நிலைக்கணும் இந்த வீடு
 
பாழும் மனிதர்களிடமிருந்து எனை விலக்கி விடு
இல்லை துரோகிகளை செல்வந்தனாக்கி விடு
அதன் மூலம் எனக்கு விடுதலை அளித்து விடு
இல்லையெனில் என்னை உடனே அழைத்து விடு
 
எங்கு கிடைக்கும் எனது நிரந்தர உறக்கத்தின் காடு
என்னவள் உறங்குகின்றாள் கோபாலபட்டணம் காடு
எனக்கு நிரந்தரமாய் ஆகுமா தேவகோட்டை காடு
எவ்வளவு அழகாக இருக்கிறது அபுதாபியிலும் காடு
 
கில்லர்ஜி அபுதாபி