பெரிய தோசை

 

அன்பு நண்பர்களே, நண்பிகளே... கடந்த எனது பதிவு என்மேல் கொண்ட அன்பின் காரணமாக சில பதிவர்களின் மனதை சங்கடத்தில் ஆழ்த்தி விட்டது வேண்டாமே என்பது போல் அதன் காரணமாய் நமது பதிவர்களை கொஞ்சம் சிரிக்க வைப்போமே எனக்கருதி எனது மூளையை ஆலோசிக்க விட்டுப்பார்த்தேன் ஒன்றும் தோன்றவில்லை நண்பரின் வீட்டுக்குப்போயி ஒரு மூலையில் உட்கார்ந்து யோசித்தது இதோ அது.

ஹலோ, எரிமலை கழகத்தலைவர் 7 மலை இருக்காங்களா ?
ஆமா நீங்க யாரு ?

வணக்கம் ஸார் நான், மண் டெலிவிஷன் நிருபர் லொடக்கு லோகநாதன் பேசுறேன்.
பேசுங்க.

பெரிய, பெரிய தோசை ன்னு ஒரு ப்ரோக்ராம் செய்றோம்..
செய்யுங்க.

அதுக்கு உங்ககிட்ட சின்னதா ஒரு பேட்டி எடுக்கலாம்னு....
எடுங்க.

ஏன் ஸார் விட்டு, விட்டு கேக்குது ?  
நான், வீட்டுக்குள்ள இருக்கேன். டவர் கிடைக்கல... ம்...இப்ப, கேளுங்க.

ஸார், கல்யாணம் செய்யப்போற இந்தக்கால சந்ததியினருக்கு நீங்க சொல்ற அறிவுரை என்ன ?
வீட்டுக்கு வர்ற அம்மாகிட்ட எல்லாத்தையுமே விட்டு கொடுக்கணும். 

எல்லாத்தையும்னா... என்ன ஸார்...
வீட்டு பத்திரம் தொடங்கி, வீட்டு அலமாரிச்சாவி, சூடு, சொரனை, மானம் இப்படி எல்லாத்தையுமே, விட்டு கொடுத்துப் போயிட்டா எந்தப் பிரச்சனையுமே வராது. 

ஏன் ஸார், இப்படி விட்டு கொடுத்தால் ஆண்களோட தன்மானம் என்ன ஆகும் ?
ஒன்னும் ஆகாது தன்மானத்துக்குன்னு ஏதாவது உருவம் இருக்கா ? எல்லாத்துக்கும் மனசுதான் காரணம்.

ஏன் ஸார் ஒரு கழகத்தலைவரா இருக்கிற நீங்களே இப்படி தன்மானத்தை விட்டு கொடுத்து பேசுறீங்களே உங்களுக்கு வெட்கமா இல்லையா ?  
எவ்வளவோ, நம்மை விட்டுப்போச்சு, தன்மானம் போனா என்னா வந்தா என்ன ?

என்ன ஸார், தன்மானத்தை இவ்வளவு சுலபமா சொல்றீங்க,
ஏன் தன்மானம்னு, தனியா நினைக்கிறீங்க நம்மானம்னு, பொதுவுல விட்டுப்பாருங்க. 

ஏன் ஸார் நீங்க, எப்பவுமே, விரக்கியிலேயே பேசுறீங்க உங்களுக்கு வாழ்க்கையில விரக்தியா ?  
ஆமா.

வாழ்க்கை விரக்திக்கு காரணம், சொல்ல முடியுமா ஸார் ?  
காரணம்.... வாழ்க்கை மேலுள்ள விரக்கிதான்.

நல்லா விட்டு அடிப்பீங்க போலயே.
விட்டு அடிக்கிறது என் வாழ்க்கையில எப்பவோ என்னை விட்டு போச்சு.

இதுகூட நல்ல விட்டு போலத்தான் இருக்கு.
இப்ப என்னை, விட்டுயல்னா நல்லாயிருக்கும், வீட்டு வசதி, வாரியத்தில எனக்கு ஒரு மீட்டிங் இருக்கு. 

அப்பநான் வீட்டுல வந்து பார்க்கலாமா ஸார் ?
கண்டிப்பா வாங்க வெட்கமா இல்லையான்னு கேட்டீங்களே வீட்டுக்கு வாங்க காட்றேன் எப்ப, வருவீங்க ?  

ஆபீஸ் முடிஞ்சதும் என் லவ்வரை, அவவீட்டுல விட்டுட்டு வர்றேன் ஸார்.
கூட்டிக்கிட்டு வந்தாக்கூட நல்லதுதான், வரும்போது வண்டிய வீட்டுக்கு வெளியில கொஞ்சம் தூரமா விட்டுட்டு வாங்க.

சரி ஸார்.
வீட்டு வாசல்லயே உங்களுக்கு வரவேற்பு கிடைக்கும், கண்டிப்பா வாங்க.
சந்தோஷம் ஸார்.

சாம்பசிவம்-

போகும்போது உன் லவ்வரை வீட்டுல விட்டுட்டு போய்யா அதான் நல்லது, உனக்கு அடி கொடுத்தாலும் பரவாயில்லே..உன் ஆளுக்கு இடி கொடுத்துடப் போறாங்கே. அப்படியே, உன் வீட்டுல சொல்லி விட்டுப்போ வாயக் கொடுத்துட்டு, டிக்கியப் புண்ணாக்கப் போறீயேய்யா விட்டு விளாசப் போறாங்கே.. போ.

காணொளி