பதிவர்களை அறிமுகப்படுத்துவீரே...

பதிவர்களை அறிமுப்படுத்தும் தொடர் பதிவு ஒன்றை அறிமுகப்படுத்தி வைத்த புதுக்கோட்டை கவிஞர். திருமிகு. நா. முத்து நிலவன் அவர்களால் கவிஞர். திருமிகு. மீரா செல்வக்குமார் அவர்கள் அவரது பதிவில் என்னையும் கூட அறிமுகம் செய்து விட்டார் இதை நானும் தொடர வேண்டுமாம் நான் எனது வலைப்பக்கத்தில் பிறருடைய தளங்களை இணைக்கவில்லை ஆனால் ? அவர்களின் பதிவு வெளியான மறுநொடி படித்து விடுவேன் சில நேரங்களில் கருத்துரை இடுவது தாமதமாகலாம் காரணம் இங்கு காலையில் வேலைக்கு செல்லவில்லை என்றால் விசா ரத்து செய்து நாட்டுக்கு அனுப்பி விடுவார்களாம் இருப்பினும் அவர்களுக்கு முதல் கருத்துரை கொடுப்பது நாமாக இருக்க வேண்டும் என்பது எமது கொள்கை மட்டுமல்ல, ஆசையும்கூட ‘’இந்த தளத்தில் இணைக’’ என்று இருக்கும் தளங்களில் நான் இணைந்திருந்தால் அவர்களின் தளத்தில் நிச்சயமாக எமது கருத்துகள் இருக்கும் எனது பதிவுகளை தொட்டவர்களையே தொடர்பவன் நான் தொடர்பவர்களை விடுவேனா ? முகத்தாட்சினியம் என்று சொல்வார்களே அதற்காக நான் அவர்களது தளம் செல்வதில்லை எழுத்தாட்சினியம் நடத்தும் ஏகாந்த சொல்லாற்றல் உள்ளவர்களின் தளத்துக்கு செல்பவன் இதன் காரணமாகத்தான் இன்றைக்கும் தமிழ் மணத்தில் 500 வது இடங்களுக்குப் பிறகு இருக்கும் ஒரு சில முகம் அறியாதவர்களின் தளங்களுக்கும் செல்கிறேன் காரணம் அந்த எழுத்தில் அவர்களின் அகம் தெரிகின்றது நான் சரியை சரியென்றும், தவறை தவறென்று எழுதி விட்டு வருபவன் இதன் காரணமாக கூட சிலர் எமது தளம் வருவதில்லை எமது கருத்துக்கும், அவர்களது கருத்துக்கும்தான் வாதம் இருக்கின்றதே தவிற எனக்கும், அவர்களுக்கும் அல்ல ! வழக்கம் போல அவர்கள் எமது நண்பர்கள் என்பதே எமது திண்ணமான எண்ணம் எமது பதிவுகளில் எத்தனையோ முறைகள் ஐயா திரு. ஜியெம்பி அவர்கள் பாராட்டி எழுதி இருக்கின்றார் பலமுறை தவறுகளை சுட்டிக்காட்டி இருக்கிறார் இந்தக் கொள்கை எனக்கு மிகவும் பிடிக்கும் இதற்காக நான் அவரை எதிரியாக கருதினால் ? அது எனது அறியாமை இதற்காகவா மனவருத்தம் கொள்வது ? கருத்துரைகளில் சர்ச்சை வருவது அறியாத அரிய பல நல்ல விடயங்களை, ஆக்கப்பூர்வமான சிந்தனைகளை வெளியே கொண்டு வரும் இதோ எனது சிற்றறிவுக்கு எட்டிய பத்தரை மாற்றுத் தங்கங்கள் பத்து ந(ண்)பர்கள் (அப்படியானால் மற்றவர்கள் தங்கம் இல்லையா ? எனக் கேட்டு விடாதீர்கள் மற்றவர்கள் வைரங்கள்10 நபர்களை மட்டும் அறிமுகப்படுத்துவதே மரபு)

01. பொதுவாக அம்மா மீது அன்பு வைப்பவர்கள் அதிகம்பேர் உண்டு அப்பாவின் மீது பாசம் வைத்து இருக்கும் மனிதர்களை காண்பது அபூர்வமே இதோ ஐயா திரு. ஜியெம்பி என்ற 76 வயது இளைஞரின் அப்பாவைப்பற்றி அறிய வாருங்கள்.

02. திருக்குறள் அனைவரும் அறிந்த விடயமே இருப்பினும் திரைப்படப் பாடல்களையும் திருக்குறளையும் பந்தப்படுத்தி பதிவுகளைத் தருபவர் திரு. திண்டுக்கல் தனபாலன் இவர் குட்டிக்கதைகளையும் இணைத்து வழங்குவதில் வல்லவர்.

03. தமிழ் அகத்தில் ஹிந்தி நுழைப்பைபற்றி எல்லோருக்கும் ஓரளவு தெரியும் அதன் தொடக்கம் முதல் இன்றைய நிலைவரை அறியத்தரும் திரு. வே. நடனசபாபதி அவர்களின் நீண்ட சரித்திர தகவல்கள் காண வாருங்கள்.

04. குட்டிக் கவிதைகளில் பெரிய விடயங்களைச் சொல்லும் இவர் புதுக்கோட்டை மாவட்ட நிகழ்வுகளை தினத்தந்தி போல் உடனுக்குடன் சுடச்சுடத்தரும் செய்தியாளரும் கூட கவிஞர். திருமதி. Geetha M அவர்களின் இந்தக் கவிதையை படியுங்களேன்.

05. பத்திரிக்கைகளில் வரும் செய்திகளை படித்து போற்றப்படக் கூடிய விடயங்களை அலசி அவைகளின் இணைப்புகளைத் தரும் திரு. ஸ்ரீ ராம் அவர்களின் பக்கம் வாருங்களேன்.

06. எல்லோருமே மேலோட்டமாக டமில் படித்திருக்கின்றார்கள் ஆனால் ? தமிழ் படித்திருப்பவர்கள் குறைவானவர்களே.... இனியெனினும் இனிய தமிழ் படிக்க வேண்டுமா ? படிப்போரே கற்போரே... வாருங்கள் இதோ பேராசிரியர் முனைவர். திருமதி. மகேஸ்வரி பாலசந்திரன் அவர்களின் தளத்துக்கு.

07. மருத்துவ விடயங்களை அறிந்து வைக்க வேண்டிய சூழலில் நாம் வாழ்கின்றோம் இருப்பினும் சொல்லித் தருபவர்களை நாம் முதியோர் இல்லத்துக்கு அனுப்பி விட்டோம் இதோ சொல்லித் தருகின்றார் திரு. கிருஷ்ணா ரவி இவரின் மருத்துவ குறிப்புகளை பாருங்களேன்.

08. சமூகத்தில் தவறு செய்பவர்கள் காந்திஜியாக இருந்தாலும் சரி, கில்லர்ஜியாக இருந்தாலும் சரி அதை அம்பலப்படுத்தி காட்டும் பதிவர் நேதாஜியின் சீடர் போன்றவர் திரு. வலிப்போக்கன் இந்தப் பாடலைக் கேளுங்கள் கண்ணீர் வரும்.

09. வெளிநாடுகளில் வாழும் என்னைப் போன்றவர்களை ருசியான உணவுக்கு ஏங்க வைக்கும் திருமதி. Saratha J அவர்களின் சமையல் குறிப்புகளை அள்ளி வீசும் இவருடைய பதிவுகளை பாருங்கள் இந்த குறிப்புகளை படித்துதான் நான் தினமும் செய்து சாப்பிடுகின்றேன் கனவில்.

10. இளம் கன்னியர்களுக்கு காதல் ரசம் வடிக்கும் கவிதைகளை தரும் புதியவர் கன்னியாகுமரி காதல்க்குமரன் திரு. Ajai Sunilkar Joseph இவரின் இந்தக் கவிதையை படித்துப் பாருங்களேன்.

இவ்வகை பதிவுகள் பதிவர்களை இணைக்கும் பாலம்

’’தொட்டார் மனதுக்குள் இடாதோர் பிணக்கு

கனி மனதுள் வருமோ இழுக்கு’’

என்ற கில்லர்ஜி குரல் போல் உண்மையானதே...

இதில் கலந்து கொண்டு தொடர வலையுலக நண்பர்-நண்பிகள் அனைவரையும் அழைக்கின்றேன் – தேவகோட்டை கில்லர்ஜி அபுதாபி