குளித்தலை & குழித்துறை

வெள்ளையன் ஊரணி மணி காஃபி பார் முத்துராசு அண்ணன் பென்ஞ்சில் உட்கார்ந்து காஃபி குடித்துக் கொண்டே பேப்பர் படித்துக் கொண்டு இருக்கும் பொழுது...

குணசீலா... தலையில கட்டு போட்ருக்கியே... என்னடா ?

படித்துறையில வழுக்கி விழுந்துட்டேன்.

நம்மூருல ஏதுடா... படித்துறை ?

குழித்துறைக்கு விருந்தாளி போயிருந்தேன்

நீதான் குளிக்கவே மாட்டியே பிறகு எப்படி ?

தலைத்தீபாவளிக்கு மாமியார் வீட்டுக்கு போனேன்.

ஆமா... தீபாவளி வந்துச்சோ, அதானே அடுத்து பொங்கலுக்குத்தான் குளிப்பே..

குளிக்கப் போனாலே... நமக்கு ராசி இல்லைண்ணே...

நமக்குன்னு சொல்லாதடா படிக்க வர்ற பதிவர்கள் என்னையும் உன்னோட சேர்த்துறப் போறாங்க... சரி, மாமியார் வீட்ல கவனிப்பு எப்படி ?

தலைக்கறி எடுத்துருந்தாங்க.....

நல்லா குழைச்சு பாத்திகட்டி அடிச்சுருப்பியே...

என்னத்தண்ணே... குளித்தலை பெரிய மாமியார் வீடு மாதிரி வராதுணே... அவங்கே கோழி, ஆடு, மீனுன்னு வகை வகையா சமைச்சுப் போடுவாங்கண்ணே...

அட மூதேவி அது முறையா முதல் கல்யாணம் செய்தப்போ மருமகனுக்கு கிடைக்கிற மரியாதைடா...

இந்த வீட்டுக்கு மட்டும் நான் மருமகன் இல்லையா ?

ஏண்டா டாஸ்மாக்குல போதையப் போட்டு வந்து திருவிழாவுக்கு விருந்தாளி வந்த பொண்டாட்டியோட சின்னம்மா மகள் தனியா கிடந்த நேரத்துல அவமேல விழுந்து அவளைக் கெடுத்ததோட இல்லாம உங்களுக்கு மரியாதை பத்தலையோ பெரிய நொண்ணை மாதிரி பேசுறே... ?

என்னண்ணே.. நீயும் இப்படி பேசுறே.. அதான் வாழ்க்கை கொடுத்துட்டோம்ல..

அடடே பெரிய வள்ளலு ரெண்டு பொண்டாட்டிகளையும் சித்தாளு வேலைக்கு அனுப்பி அவளுக சம்பாத்தியத்துல கஞ்சி குடிச்சுக்கிட்டு இருக்கிறவரு வாழ்க்கை கொடுத்துட்டாரு...

நாங்க ஆட்சிக்கு வந்தவன்னே பாருண்ணே... நான் எப்படி சம்பாரிக்கப் போறேன்னு...?

எவன் ஆட்சிக்கு வந்தால்.. உனக்கு என்னடா கிடைக்கப் போகுது குவாட்டரும், கோழிப் பிரியாணியும் கொடுத்து உன்னை யூஸ் பண்ணிக்கிருவாங்கே... குடும்பத்துக்கு லாபமா ?

அண்ணே... எம் மூத்த பொண்டாட்டியை கவுன்சிலரா நிறுத்துவேன்ணே...

முதல்ல உன் மகளுக்கு ஒரு கவுன் வாங்கி கொடுக்கிற வழியைப்பாருடா... உன்னைச் சொல்லி குற்றமில்லை தவறுன்னு தெரிஞ்சே இந்த தமிழ்நாட்டு ஜனங்க மீண்டும், மீண்டும் அவுங்களுக்கே வாக்களிக்கிறவரை உங்களைப் போல கூதரைகள் நிறையப்பேரு குடியை கெடுத்துருவீங்கடா... எப்படியோ நாசமாப் போச்சு தமிழ்நாடு.

சொல்லி விட்டு துண்டை உதறி தோளில் போட்டு விட்டு கிளம்பினார் முத்துராசு அண்ணன்.

காணொளி