கணவனுக்கு கல்லடி

ஏங்க இன்னைக்கு கணவனுக்கு கல்லடி சினிமாவுக்கு போவோமா ?

அந்த சினிமா பார்க்க வேண்டாம்.

ஏன் ?

அதுல மனைவி கணவனை மதிக்கிறதில்லையாம்.

இப்போ நீங்க கூட்டிப் போகலைனா... உங்களை நான் மதிச்சிடுவேனா ?

அதான் தெரிஞ்ச விசயம்தானே...

பின்னேயென்ன ?

வேண்டாம் அந்தப் படத்துக்கு மனைவியை கூட்டிட்டு போறவங்களை தியேட்டருலே ஒரு மாதிரியா... பார்த்து கமெண்ட்ஸ் அடிக்கிறாங்கே....

இது உங்களுக்கு எப்படித்தெரியும் ?

அது... அது வந்து... ஃப்ரெண்டு சொன்னான்.

அப்படின்னா... இன்னைக்கு அந்தப் படத்துக்கு கண்டிப்பாக போறோம். 

சொன்னாக்கேளு, சும்மாவே எனக்கு மரியாதை இல்லை இருக்கிற கொஞ்ச நஞ்சத்தையாவது...

முழுசும் நனைஞ்ச பிறகு முக்காடு எதற்கு ?

ஏண்டி... இந்தப் பழமொழி பெரியவங்க இதுக்கா... சொல்லி வச்சாங்க ?

பழமொழி சொன்னவங்க காரணத்தோடதான் சொல்லி வைப்பாங்க.

அப்படினா... நீ மட்டும் மேட்னி ஷோவுக்கு போயிட்டு வா

அப்படினா... மூணு நாளைக்கு வீட்டுல சோறு கிடையாது.

சரி நான் மூணு நாளைக்கு ஹோட்டலில் சாப்பிட்டுக்கிறேன்.

எதுக்கும் மூணு நாளைக்கு வெளியில நல்லது பொல்லது சாப்பிட்டுக்கங்க..

ஏன் ?

அப்புறம் சாப்பிட வீட்டுக்கு வந்துதானே ஆகணும்.

வேறெங்கே... போறது ?

வீட்டுல வந்து சாப்பிடுறதுதான் கடைசி சாப்பாடு.

ஏன் ?

சோத்துல விசத்தை வச்சுடுவேன்.

? ? ?

என்ன... பேச்சு மூச்சைக் காணோம் ?

அதான் மூச்சை நிறுத்திட்டியே...

மூச்சு தொடரணும்னா.... இப்பவே தியேட்டருக்குப் போயி ரெண்டு டிக்கெட் ரிசர்வேஷன் செய்திட்டு வாங்க.

சொன்னவள் ஒரு உஷ்ணப்பார்வை பார்க்க இவன் பைக் சாவியை எடுத்துக்கொண்டு அருணா தியேட்டருக்கு கிளம்ப... பத்மினி டி.வியை போட்டாள் அதில் கே.ஜே.யேசுதாஸ் பாடிக்கொண்டு இருந்தார் இப்படி கீழே பாருங்களேன். 

காணொளி