ஆச்சாரி

இப்பதிவின் தொடர்பான முந்தைய பதிவை படிக்க கீழே சொடுக்குக...

மனிதமூளை

சூடான் நாட்டைச் சேர்ந்த அவாத் என்ற மனநோயாளி முரடன் அவனை எப்பொழுதுமே அவன் கேட்காமலேயே சுலைமாணி கொடுத்து சரி செய்து இருப்பேன் எனது செலவு இல்லையே எல்லாம் அரசாங்க பணம் அப்பொழுதான் நாம் காலம் தள்ள முடியும். அரபு மொழியில் பால் கலக்காத வரட்டீயைத்தான் சுலைமாணி என்பார்கள்.

இந்தே முஸ்லீம் ?

நீ முஸ்லீமா ?

லா

இல்லை

இந்தே ஹிந்தூஸி ?

நீ ஹிந்துவா ?

லா

இல்லை

இந்தே கிருஸ்தின் ?

நீ கிருஸ்டினா ?

லா

இல்லை

த்யானா ஸ்சூ தானி ?

வேற எந்த மதம் ?

ஆச்சாரி

ஸ்சூ அதா ஆச்சாரி ?

அதென்ன ஆச்சாரி ?

அதா... அதா... அதா ஸகில்

அது... அது... அப்படித்தான்.

‘’’’அபுசாதி’’’’

திடீரென்று அவன் கோபமாக கத்திய சப்தம் கேட்டு ரிசப்ஷனிலிலிருந்து வார்டு இன்-ஸார்ஜ் மன்ஸூர் ஓடி வந்தான் மன்ஸூரை அவாத் அபுசாதி என்றே அழைப்பான்.

என்ன அவாத் ?

அபு ஸினப் எந்த மதம்னு கேளு ?

அப்படியெல்லாம் கேட்ககூடாது ஸினப் நல்லவன்.

இவன் புதுசா ஏதோ மதம் சொல்றான்.

ஸினப் என்ன மதம் சொன்னே ?

இல்லையே...

இப்ப ஏதோ ஆச்சாரினு சொன்னான்.

ஆச்சாரின்னா என்ன ஸினப் ?

ஆச்சாரியா.... அப்படினா... ?

பேசிக்கொண்டே ரிசப்ஷனுக்கு வந்து விட்டோம் திடீரென்று அங்கிருந்த தொலைபேசியை புடுங்கி தரையில் அடித்தான் அவாத்.

இப்ப இவன் சொன்ன மதம் இருக்கானு எனக்கு தெரியணும்.

சட்டென எல்லோரும் சுற்றி வளைத்து பின்னால் ஊசியை சொருகி அறையில் கொண்டு போய் படுக்க வைத்து விட்டார்கள்.

மறுநாள் காலை உள்ளே நுழைந்தவுடன் பழச்சாறுடன் அவனை பார்க்கப் போனேன்.

அவாத் எப்படி இருக்கே ?

என்னைப் பார்த்தவுடன் பழச்சாறை வாங்கியவன் என்மீது ஊற்ற வீசினான் நான் சட்டென மற்றவனை இழுத்து பிடித்து என்மீது படாமல் விலகி கொண்டேன். இப்படியும் நடக்கலாமென்று யூகித்து இதற்காக நித்தியானந்தா போன்ற ஸாதுவான நோயாளியை அழைத்துப் போனேன். அவன்மீது ஊற்றிய பழச்சாறை அவன் வழித்து நக்கிக் கொண்டான் என்பது வேறு விடயம். இதற்குத்தானே சுலைமாணி கொண்டு போகவில்லை. பிறகு நான் ரிசப்ஷன் வந்து விட்டேன் நானும், மன்ஸூரும் பில்லியார்ட்ஸ் விளையாடிக் கொண்டு இருந்தோம். அவாத்தும் வந்து விட்டான் மன்ஸூரிடம் ஸ்டிக்கை கேட்டு வாங்கியவன் சுவர் ஓரமாய் நின்று கொண்டு கத்தினான்.

‘’’’அபுசாதி’’’’ இப்பவே டாக்டரை வரச்சொல்லு இல்லை இதைப்பூராம் அடித்து உடைச்சுருவேன்.

எல்லோரும் திகைத்து விட்டார்கள் எனக்கு எப்படி இருந்திருக்கும் ? வேறு வழியின்றி மருத்துவர் குழு வந்து விசாரணை நடத்தியது தனித்தனியாக, பின்பு என்னை... முதல்நாள் நான் சொன்ன வார்த்தையை அவாத் மட்டுமல்ல, மன்ஸூர் மட்டுமல்ல, மற்ற பாலஸ்தீனி, சூடானி, ஜோர்டானி, சூரி, எஜிப்திய செவிலியர்கள் அனைவரும் மறந்து விட்டார்கள் காரணம் இந்திய அதுவும் ஹிந்து மொழி வார்த்தை இதையே மையமாக வைத்து நான் மருத்துவர் குழுவிடம் நான் ஆச்சாரி என்று சொன்னதை அபுசாதி என்றுதான் சொல்லி இருப்பேன் என்று குழப்பி சமாளித்து விட்டேன் குழுவுக்கும் நான் தெரிந்தவன் என்பதால் பெரிசா மீசை வைத்து இருப்பவன் பொய் சொல்ல மாட்டான் என்று கருடபுராணத்தில் சொன்னதை ஆதாரமாக வைத்து விசயத்தை பெரிதாக்காமல் முடித்து விட்டார்கள்.

பத்து தினங்கள் கடந்திருக்கும் அவாத் இன்-ஸார்ஜிடம் ஸினப் இப்ப ஏதோ மதம் சொன்னான் என்று பொய் சொல்லி பிரச்சனையாக்கி மருத்துவர் குழுவை வரவைத்து அவர்கள் வந்து என்னை வேறு வார்டுக்கு மாறச் சொல்லி விட்டு போய் விட்டார்கள். நான் வேறு வார்டுக்கு மாறியது மன்ஸூருக்கு பிடிக்கவில்லை காரணம் என்னால் மன்ஸூருக்கு நிறைய ஸைடு வருமானம் பாதித்தது அதனால் மன்ஸூர், அவாத்திடம் தனியாக பேச்சு வார்த்தை நடத்தி அவாத்தை மீண்டும் மருத்துவ குழுவை வரவழைத்து என்னை மீண்டும் அதே இடத்துக்கு கொண்டு வந்து விட்டார். இதற்காக அவாத்துக்கு லஞ்சம் தரப்படுவதாக பேசப்பட்டு இருக்கிறது அந்த லஞ்சம் என்ன தெரியுமா ? அவாத் கேட்கும் போதெல்லாம் சுலைமாணி சரி நான் இல்லாததால் மன்ஸூரை பாதித்த வருமானம் என்ன ?

அடுத்த பதிவு சுலைமாணியில் பார்ப்போமே...

சாம்பசிவம்-

அவாத் பைத்தியமாக இருந்தாலும், விபரமாக பொய் சொல்லி ஆளைத் தூக்கி விட்டுட்டானே...

தொடரும்....