அபிநந்தனுக்கு அபிநந்தனம்

வணக்கம் நட்பூக்களே... முதலில் திருமிகு. அபிநந்தன் அவர்களுக்கு எமது வணக்கங்களையும், வாழ்த்துகளையும் சொல்லிக் கொள்கிறேன். மேலும் இவர் தமிழன் என்று அறிந்து மட்டற்ற மகிழ்ச்சியும் கொள்கிறேன்.

அதேநேரம் அபிநந்தன் அவர்கள் விடுதலையாகி இரண்டே தினங்களில் இணையத்தில் இவர் எந்த சாதியைச் சேர்ந்தவர் என்று தேடிய ஒரு லட்சத்து அறுபதனாயிரம் கேடு கெட்ட ஜென்மங்களின் கூட்டத்தில் நானில்லை என்பதை இங்கு தெளிவாக சொல்லிக் கொள்கிறேன்.

இவரது புகைப்படத்தை காண்பித்து அரசியல் ஆதாயம் தேடும் இழிபிறவிகளை இத்தேர்தலில் தோற்கடியுங்கள் எதிரி நாட்டில் அகப்பட்டுக் கொண்டாலும் அந்த சூழலிலும் இந்திய நாட்டின் இராணுவ ரகசியங்களை காப்பாற்றுவதற்காக பேப்பர்களை கிழித்து ஓடையில் வீசியும், சில பேப்பர்களை தின்று முழுங்கியும் இருக்கின்றார். விசாரணை செய்யும்போது சற்றும் மரணபயமின்றி எதையும் நான் சொல்ல முடியாது என்றும் நான் மரணித்தாலும் பரவாயில்லை என்று தேனீர் அருந்திக் கொண்டே பேசிய அவரது நெஞ்சுரம் உலகத்து இராணுவ வீரர்களுக்கு ஒரு பாடமே...

இந்திய தேசத்துக்காக அன்னிய தேசத்தில் இரத்தம் சிந்திய இந்த மாவீரனை நாம் என்றுமே மறக்ககூடாது. இவரைப் பெற்றவர்கள் எவ்வளவு பெருமைப்பட்டு இருப்பார்கள் இவரது மனைவியின் தாலிப்பாக்கியம் கெட்டி என்று சொல்வார்கள் அதனால்தான் மரணத்தின் விளிம்புவரை சென்று திரும்பி வந்து இருக்கின்றார். அந்தச் சகோதரி தீர்க்கசுமங்கலியாய் வாழ நாமும் பிரார்த்திப்போம். இந்த மாவீரனுக்குதான் பாலாபிஷேகம் செய்யவேண்டும்.

திரைப்பட பிம்பங்களை உண்மையென்று நம்பி அவர்களது பதாகைகளுக்கு வீதிகளில் பாலாபிஷேகம் செய்யும் அறியா மடந்தைகளே... கூமுட்டைகளே... இவர்தாண்டா உண்மையான நாயகன்.

கோடிக்கணக்கில் மக்கள் பணத்தை கொள்ளையடித்து வாழும் கேடுகெட்ட குடும்பங்களை இன்னும் தங்கமே என்றும், சிங்கமே என்றும் சிங்கத்தை அசிங்கப்படுத்தும் தொண்டர்கள் என்னும் விடியாமூஞ்சி தெண்டங்களே... இவர்தாண்டா உண்மையான நாயகன்.

எத்தனையோ கைவண்டித் தொழிலாளர்களின் வாழ்வாதாரம் உயராதிருக்க, கிரிக்கெட்டில் மட்டையை அடித்து வாழ்பவர்களுக்கு கோடிக்கணக்கில் சம்பளம் உயர்வதற்கு வழிவகுத்து விட்டு காலம் முழுவதும் கை தட்டிக்கொண்டே வாழும் வீட்டில் வளரும் விட்டில்பூச்சி காமுட்டைகளே... இவர்தாண்டா உண்மையான நாயகன்.

இந்த மீசைவீரனை எனது வாழ்நாளில் ஒருமுறையாவது சந்தித்து வாழ்த்து சொல்லவேண்டும் என்பதே இந்த தேவகோட்டை தமிழனின் புதிய ஆசை.

நினக்கு அபிநந்தனங்கள் ஸ்ரீ அபிநந்தன்

சாம்பசிவம்-

இவர் மீசை ஸ்டைலை பார்த்தால் மல்லாங்கி ஜாதிக்காரர் மாதிரி இருக்கே ?

Chivas Regal சிவசம்போ-

எனக்கென்னவோ எங்க ஊடகழி ஜாதி மாதிரித்தான் இருக்கு.

சிவாதாமஸ்அலி-

அடக்கொங்கா மட்டைகளா நீங்களும் இப்படித்தானா ?

காணொளிகள் முழுமையாக காணுக...