இறந்தவனும், சுமந்தவனும்

வணக்கம் நண்பர்களே... இறந்தவனை சுமந்தவனும் இறந்திட்டான்’’ என்ற கவிஞர் ஆலங்குடி சோமு அவர்களின் பாடலை எமது பாணியில் மாற்றி எழுதி இருக்கிறேன் இது திரைப்பட நடிகர் திரு. எஸ்.ஏ.அசோகன் அவர்கள் நான் எனது அப்பா வயிற்றில் இருக்கும்போதே பாடியிருக்கிறார் என்பது குறிப்பிடத்தக்கது. இது எனக்கு மிகவும் பிடித்த பாடல் கீழே யூட்டியூப்பின் இணைப்பும் கொடுத்துள்ளேன். 

 

இதோ எனது பாடல்...

 

பிறந்தவனால் சுமந்தவளும் மகிழ்ந்திட்டா

அதை சுமக்காதவ எண்ணிப்பார்த்து வருந்திட்டா

பிறந்தவனால் சுமந்தவளும் மகிழ்ந்திட்டா

அதை சுமக்காதவ எண்ணிப்பார்த்து வருந்திட்டா

 

உணர்ந்து உணர்ந்து குணம் நாடி லாபத்தில் நீயோடி

உணர்ந்து உணர்ந்து குணம் நாடி லாபத்தில் நீயோடி

வளர்ந்து வந்த நாள் முதலாய் போர்க்களத்தில் நீ தேடி

பிறந்தவனால் இப்படி

 

பிறந்தவனால் சுமந்தவளும் மகிழ்ந்திட்டா

அதை சுமக்காதவ எண்ணிப்பார்த்து வருந்திட்டா

 

ஆழ்வாரின் போதனையில் பயிலுறான்

மனுஷன் தானாவே விழுந்தெழுந்து படிக்கிறான்

ஆழ்வாரின் போதனையில் பயிலுறான்

மனுஷன் தானாவே விழுந்தெழுந்து படிக்கிறான்

தடையில் ஓயாமல் மகிழ்ச்சியிலே குதிக்கிறான்

தடையில் ஓயாமல் மகிழ்ச்சியிலே குதிக்கிறான்

பலநாள் உடமையோடு எங்கெங்கோ மிதக்குறான்

பலநாள் உடமையோடு எங்கெங்கோ மிதக்குறான்

 

இப்படி பிறந்தவனால் சுமந்தவளும் மகிழ்ந்திட்டா

அதை சுமக்காதவ எண்ணிப்பார்த்து வருந்திட்டா

 

புலமையிலே ஒருநாள் வளமையிலே மறுநாள்

புலமையிலே ஒருநாள் வளமையிலே மறுநாள்

மகிழ்ச்சியிலே ஒருநாள் நெகிழ்ச்சியிலே பலநாள்

அன்புத் துணைவியும் பெருமைப் பிள்ளையும்

அன்புத் துணைவியும் பெருமைப் பிள்ளையும்

பன்னீர் தெளித்திடவே இறுதிவரைத் திருநாள்

இறுதிவரைத் திருநாள்...

 

இப்படி பிறந்தவனால் சுமந்தவளும் மகிழ்ந்திட்டா

அதை சுமக்காதவ எண்ணிப்பார்த்து வருந்திட்டா

 

பாடல்-ஆச்சி-ரியர்-கில்லர்ஜி

 

வருடம்: 1965

படம்: இரவும் பகலும்

பாடலாசிரியர்: ஆலங்குடி சோமு

இசை: டி.ஆர்.பாப்பா

பாடியவர்: எஸ்.ஏ.அசோகன்

 

இதோ ஆலங்குடியாரின் பாடல் வரிகள்

இதில் உள்ளது போலவேதான் பாடகரின் உச்சரிப்பு இருக்கிறது.

 

எறந்தவனே சொமந்தவனும் எறந்துட்டான் அதை

இருப்பவனும் எண்ணிப் பார்க்க மறந்திட்டான்

எறந்தவனே சொமந்தவனும் எறந்துட்டான் அதை

இருப்பவனும் எண்ணிப் பார்க்க மறந்திட்டான்

 

பறந்து பறந்து பணம் தேடி பாபக் குளத்தில் நீராடி

பறந்து பறந்து பணம் தேடி பாபக் குளத்தில் நீராடி

பிறந்து வந்த நாள் முதலாய்ப் பேராசையுடன் உறவாடி

இறந்தவனே - அப்படி

 

எறந்தவனே சொமந்தவனும் எறந்துட்டான் அதை

இருப்பவனும் எண்ணிப் பார்க்க மறந்திட்டான்

 

தாயாரின் வேதனையில் பிறக்குறான் மனுஷன்

தன்னாலே துடிதுடிச்சி இறக்குறான்

தாயாரின் வேதனையில் பிறக்குறான் மனுஷன்

தன்னாலே துடிதுடிச்சி இறக்குறான் இடையில்

ஓயாத கவலையிலே மிதக்குறான் இடையில்

ஓயாத கவலையிலே மிதக்குறான் ஒரு நாள்

உடலை மட்டும் போட்டு எங்கோ பறக்குறான்

உடலை மட்டும் போட்டு எங்கோ பறக்குறான் அப்படி

 

எறந்தவனே சொமந்தவனும் எறந்துட்டான் அதை

இருப்பவனும் எண்ணிப் பார்க்க மறந்திட்டான்

 

இளமையிலே சில நாள் முதுமையிலே சில நாள்

இளமையிலே சில நாள் முதுமையிலே சில நாள்

இன்பத்திலே சில நாள் துன்பத்திலே சில நாள்

அன்னையும் மனைவியும் அருமைப் பிள்ளையும்

அன்னையும் மனைவியும் அருமைப் பிள்ளையும்

கண்ணீர் சிந்திடவே கடைசி வழி ஒரு நாள்

கடைசி வழி ஒரு நாள் அப்படி

 

எறந்தவனே சொமந்தவனும் எறந்துட்டான் அதை

இருப்பவனும் எண்ணிப் பார்க்க மறந்திட்டான்

 

குறிப்பு – நான் எழுதி வரும் உல்டா பாடல்கள் மகிழ்ச்சியான பாடல்களோ, சோகமான பாடல்களோ வார்த்தைகளை எதிர்பதமாக எழுதுகிறேன். உண்மையான வரிகளில் கவிஞர்கள் சொல்வதில் ஒரு கருத்தை முன் வைத்திருப்பார்கள் அதைப் போலவேதான் நானும் ஏதாவது விடயத்தை சொல்வது போல் முயல்கிறேன். கவிஞர் அப்பா என்று சொல்லியிருந்தால் நான் டப்பா என்று சொல்லியிருக்கலாம் அதுவும்கூட ஏதோவொரு காரணத்தில் பொருந்தி விடும் என்பதே உண்மை. கவிஞர்களின் வரிகளுக்கு நான் எந்த மாதிரி வரிகள் கொடுக்கிறேன் என்று ஒப்பீடு செய்து பாருங்கள் புரியும். இந்த சோகமான பாடல் இறப்பைக் குறித்தது நான் இதையே மகிழ்ச்சியாக பிறப்பைக் குறித்து எழுதி இருக்கிறேன்.

 

இதோ யூட்டியூப் இணைப்பு

https://www.youtube.com/watch?v=SRnzGbmRxYY

நன்றி – கில்லர்ஜி தேவகோட்டை