எங்கள் திருவிழா

 

இதம்பாடல்
 
எங்கள் அய்யா ஞானி ஸ்ரீபூவு அவர்கள் மிராசுதாராக வாழ்ந்த அழகிய கிராமம். இராமநாதபுரம் மாவட்டம், உத்திரகோசமங்கை 8 கி.மீ ஏர்வாடி  5  கி.மீ, சிக்கல்  5  கி.மீ, மூன்று திசைகளில் இங்கிருந்து செல்கிறது.
 
இங்கு காலச்சூழலில் எல்லோரும் இடம் பெயர்ந்த காரணத்தால் இங்கிருந்த எங்களது பூர்வீக பங்களா இடம் முழுவதும் மொத்தமாக எங்களது குலதெய்வமான ஸ்ரீ தென்கரை மஹாராஜா கோயிலை கட்டி இருக்கிறோம் 1995-ல் முதல் கும்பாபிஷேகம் தற்பொழுது கோயில் மராமத்து வேலைகள் செய்து வண்ணம் தீட்டி நேற்று 24.05.2023 வைகாசி 10 தேதி புதன்கிழமை மறு கும்பாபிஷேகம் சிறப்பாக நடத்தினோம்.
 
இக்கோயிலின் மூலஸ்தனம் திருநெல்வேலி மாவட்டம் வள்ளியூரிலிருந்து 16 கி.மீ. தொலையிலுள்ள சித்தூர் தென்கரை மஹாராஜா கோயில். அங்கு உள்ளது எங்களுக்கு தொலைவு காரணமாக இதம்பாடலில் கோயிலை எழுப்பியுள்ளோம். கோயிலின் பிற தெய்வங்கள் வீரமணி, தளவாய் மாடசாமி, பேச்சியம்மன், தொட்டிச்சியம்மன், விநாயகர், முருகன் கோயில்
 
மேலும் கோயிலின் இறைப்பணியில் நானும் இணைந்துள்ளேன். இனி இறுதி காலம் வரையில் செல்லலாம் என்ற எண்ணங்களோடு இருக்கிறேன். ஹைடெக் சிட்டியான எத்தனையோ நாடுகளுக்கு நான் சென்று இருந்தாலும், இந்தக் கிராமம்தான் எனது மனதில் நிறைந்து இருக்கிறது. மேலும் எங்கள் அய்யாவையும் இங்குதான் அடக்கம் செய்து இருக்கிறோம். இதை மனதில் கொண்டு இத்தீர்வை எடுத்து இருக்கிறேன்.
 
ஒவ்வொரு வருடமும் பங்குனி உத்திரம் திருவிழா நடத்துவோம் செலவு பங்காளிகள் மட்டும். இதோ கும்பாபிஷேக புகைப்படங்களும், காணொளியும் தங்களது பார்வைக்கு வைத்துள்ளேன் கண்டு தரிசித்துக் கொள்ளுங்கள்.

 

எனது வார்த்தைகளுக்கு மதிப்பளித்து கோயிலுக்கு நன்கொடை தந்த அனைத்து உறவுகளுக்கும், நட்புகளுக்கும் எமது நன்றி.
 
கும்பாபிஷேக விழாவை பதிவாக வெளியிட சொன்ன சகோ கோமதி அரசு அவர்களுக்கு எமது சிறப்பான நன்றி.
 
கில்லர்ஜி தேவகோட்டை

காணொளிகள்

Share this post with your FRIENDS…