உன்னைப்போல் ஒருவன்

 

வணக்கம் நட்பூக்களே... மேலேயுள்ள புகைப்படச் செய்தியை பார்த்தீர்களா ? இவர்களைத்தான் நாட்டை ஆள வா தலைவா என்று கூவுகின்றனர் தமிழகத்து கூதரைகள்... உங்களுக்கு எல்லாம் சிந்திக்கும் திறன் இருக்கிறதா ? இல்லையா ? மக்களே... தமிழ்நாட்டில் எவ்வளவு கோடிகளை பெற்றார்கள் இவர்கள். ஏன் இந்த மோசடி ?
 
ஒருவேளை மேலிடத்தில் மோடி இருப்பதால் நமது செல்வாக்கை பயன்படுத்தி இன்னும் பணம் சேரக்கலாம் என்ற எண்ணமோ... மேலும் கொரோனா காலத்தில் தங்களது திருமண மண்டபத்திற்கு வருமானம் இல்லாத காரணத்தால வரி கட்ட பணமில்லை என்று ரஜினிகாந்த போட்ட மனுவை நீதிமன்றம் நேரத்தை வீணடிக்கின்றீர்கள் என்று எச்சரித்து அனுப்பியது வெட்கமாக இல்லையா ?
 
தமிழ்நாட்டில் எவ்வளவு தொழில் நிறுவனங்கள் தங்களது தொழிலாளர்களுக்கு சம்பளம் கொடுத்து வாழவைத்துக் கொண்டு இருந்தது தெரியாதா ? இந்த கூதரைகளுக்கு... சாதாரண நடிகர் திரு.ராகவா லாரன்ஸ் அவர்கள் தனது உழைப்பில் பெரும் பங்கை ஏழை குழந்தைகளுக்கு செலவு செய்கின்றார். இவரது திரைப்படங்களை வெற்றி பெறச்செய்வீர் மக்களே... இவனுகளை எல்லாம் தமிழகத்தில் இவ்வளவு உயர்வான வாழ்க்கையை கொடுத்தது யார் ? இறைவன் என்று சொல்லாதீர்கள்.
 
பல கோடிகள் கொடுத்து வெளிநாட்டு லாம்போர்கினி கார் வாங்குவதற்கு பணம் இருக்கிறது. ஆனால் வரி கட்டுவதற்கு பணமில்லை. இவர்கள் எல்லாம் தமிழகத்தில் முக்கியமான மனிதர்களா ? பாமரத்தனமான ரசிகர்களே... கொஞ்சம் சிந்தியுங்கள் நீங்கள் ஏமாற்றப்படுகின்றீர்கள்தானே ? உனது சுயசிந்தனை எங்கே போயிற்று உன் மூதாதையினரின் வித்து எங்கே ? அவர் கொடுக்க வேண்டும் என்ற அவசியமில்லை என்று மூடத்தனமாக சொல்லி விடாதே... இருப்பவர் கொடுப்பதே நிறைவான வாழ்வு.
 
இதைப் போலவே நடிகர் விஜய்யும் வெளிநாட்டு காரை இறக்குமதி செய்து விட்டு வரி கட்ட முடியாது என்று பல காலமாக காரை வெளியில் எடுத்து ஓட்டாமல் வைத்திருந்த நிகழ்வுகளும் உண்டு. இப்படிப்பட்டவர்கள் இந்த நாட்டை ஆளத் துடிக்கின்றார்கள். //நான் ரெடிதான் வரவா அண்ணன் நான் ரெடிதான் வரவா// இவர் யாருக்கு அண்ணன் ? தமிழ் நாட்டு மக்கள் அனைவருக்குமா ? திரைப்படங்களில் நல்லவனாக வாழ்ந்து காண்பிப்பவர்கள் அனைவருமே நிஜவாழ்வில் வில்லன்களாகத்தான் இருக்கின்றார்கள். சற்றே யோசி நண்பா உனக்கும் விளங்கும் காரணம் நீ பட்டதாரி.

சமீபத்தில் வலையொலி ஒன்றில் பார்த்தேன் தனது அபிமான நடிகருக்கு ஒருலட்ச ரூபாய் செலவு செய்து பதாகை வைத்தானாம். இதைப்போல் தைரியம் யாருக்காவது இருக்கா ? என்று கேட்கிறார். இன்றொருவன் சொல்கிறான் எனக்கு அம்மா-அப்பா முக்கியம் இல்லை எங்க அண்ணன் விஜய் முதல்வராக வரணும், இதுக்காக நான் உயிரையும் கொடுப்பேன் என்கிறான். ரசிகர்களே... சற்றே உணருங்கள் உங்களுக்கு எதிர்காலம் என்று ஒன்று இருக்கிறது. அதை அனுபவித்து வாழுங்கள்.
 
அந்த அண்ணன் தனது தாய்-தந்தையை கழட்டி விட்டதால் நீயும் அவ்வழியே செல்கிறாயா ? நாளை நீயும் மனைவி, குழந்தைகளை விலகி வாழ்வாயா ? மேடைப்பேச்சாளர் திரு.நெல்லை கண்ணன் அவர்கள் சொன்னது போல உங்களை எல்லாம் உங்களது மனைவிகள் கழட்டி விடவேண்டும். அப்பொழுதுதான் வாழ்வின் அர்த்தம் புரியும். நடிகன் என்பவன் வானத்திலிருந்து இறங்கிய தூதுவன் இல்லை உன்னைப்போல் ஒருவனே முயன்றால் நீயும் அவனைப்போல் வரலாம். அதற்கு சற்றே திறமையும், இறைவனின் அதிர்ஷ்டமும் வேண்டும்.
 
கில்லர்ஜி அபுதாபி
 
சிவாதாமஸ்அலி-
அதற்கு வாய்ப்பு இல்லை ராசா...