தொடரும் தெய்வங்கள்

 

நட்பூக்களே... மேலேயுள்ள புகைப்படத்தை பார்த்தீர்களா ? மூன்று மதங்கள் என்றும், மூன்று வழிபாடுகள் என்றும் நமது முன்னோர் வகுத்து வைத்த பாதையில் வந்த நமக்கு இப்பொழுது புதிதாக இதோ... இது எந்தக் கணக்கில் வருகிறது ? சாய்பாபா என்பவர் ஓர் நல்ல இதயம் படைத்த மாமனிதர் இதில் எள்ளளவும் ஐயமில்லை. அதற்காக இப்படி செய்வது முறையா ?
 
இதன் தொடர்ச்சி என்ன ஆகும் மற்றொருவரையும் இதில் இணைக்கும் செயலை மதவாதிகள் முயல்வார்கள் மேலும் தொடரும்... பிறகு இவ்வரிசையில் நித்தியானந்தாகூட இணையலாம். இது எனது யூகம் மட்டுமே...காரணம் இன்று வரையில் நித்தியை வணங்கும் மடையர்களும் உண்டுதானே...
 
இது மக்களின் வாழ்வு முறைகளில் குழப்பத்தை உருவாக்கும் முயற்சியே அன்றி வேறென்ன ? இதை மக்கள் உணரவேண்டும். இதன் பின்னணியில் அரசியல்வாதிகளே இருப்பார்கள். அதாவது மக்களின் மூளையை குழப்பத்திலேயே வைத்துக் கொள்ளவேண்டும் அப்பொழுதுதான் அவர்கள் கொள்ளையடித்து ஸ்விஸ் மக்களுக்கு பணத்தை சேர்த்து வைத்து சாகலாம் என்பது நமக்கு கிடைத்த சாபக்கேடு.
 
இருக்கும் தெய்வங்களே போதுமானவை அவைகளை கும்பிட்டு தொழுவதற்கே நமக்கு நேரமில்லாமல் ஓடிக்கொண்டே இருக்கிறோம் இலக்கு தெரியாமல் அல்லது புரியாமல் ஒன்றே குலம் ஒருவனே தேவன் என்று நாம்தான் சொல்லி வைத்தோம். ஆனால் அதை கடைப்பிடிக்கத் தெரியாது இதுவும் சாபக்கேடுதான்.
 
இறைவனுக்கு நாம் செலுத்த வேண்டியது மனிதனாக படைக்கப்பட்ட நாம் மனிதனாக வாழ்ந்து இறைவனடி சேர்வதுதான். நாம் இறையிடம் வைக்க வேண்டிய கோரிக்கை நல்லதொரு மரணம், மீண்டும் பிறவாமை. எமது பிரார்த்தனைகள் இதுவே இறுதிவரையில்...
 
கில்லர்ஜி அபுதாபி