அரசியல் கிலோ எவ்வளவு ?

வணக்கம் கீழேயுள்ள இரண்டாவது புகைப்படத்தை பார்த்தீர்களா ? இது அவசியமில்லாத வேலைதானே ? இந்த வகையான கூதரைகளால்தான் நாட்டில் மதப்பிரச்சனை வருகிறது. இதன் பின்னணியில் அரசியல்வாதிகள் இருக்கலாம். அவர்கள்தானே தங்களது பிழைப்புக்காக... மக்களின் மூளையை இப்படி செலுத்தி விட்டு மக்களிடையே பிரச்சனைகளை கிளப்பி பிறகு சமாதானம் செய்வதுபோல் பேசி ஆகமொத்தம் அடித்தட்டு மக்கள்தான் பலியாவான். எந்தவொரு அரசியல்வாதியும் சாகமாட்டான்.

 
இதை மக்கள்தான் உணரவேண்டும். இந்த வேலையை செய்தது பிறமதத்தினர் என்று உறுதியாக சொல்லி விடமுடியாது. இந்துவாககூட இருக்கலாம். காரணம் பணத்துக்காக எதையும் செய்யும் இழிபிறவி மக்கள் எங்கும், எல்லா சமூகத்திலும் நிறைந்து விட்டனர். மக்களிடம் நல்ல சிந்தனை இல்லை. அதன் காரணமாகவே அயோக்கியர்கள் ஆட்சியில் இருக்கின்றார்கள். அரசியல் விழிப்புணர்வு என்பது நமது மக்களிடம் இன்னும் வளரவேயில்லை. அரசியல் என்றால் கிலோ எவ்வளவு ? என்பது இன்றைய நிலைப்பாடு இருக்கிறது.
 
ஐம்பது ஆண்டுகளாக திராவிடக்கட்சிகளை கண்டு கொண்டோம். இனியாவது மாற்று அரசியலை பார்க்ககூடாதா ? திரு.சீமானின் பேச்சில் ஒரு புதிய மாற்றம் தெரிகிறது ஆனால் இது செயலுக்கு சரியாக வருமா ? என்பதை சொல்வது கடினம்தான். சரி ஓர்முறை இவருக்கும் வாய்ப்பு கொடுத்துதான் பார்த்தால் என்ன ? தயவு செய்து நான், நாம் தமிழர் கட்சிக்காரன் என்று நினைத்து விடாதீர்கள். நம்நாடு நல்லா இருக்கவேண்டும் என்ற நப்பாசை உள்ளவர்களில் நானும் ஒருவன் அவ்வளவே... 

வாக்களிக்க பணம் பெறுவதை மக்கள் நிறுத்தாத வரையில் மாற்று சிந்தனை வராது. எனது பார்வையில் இந்த பழைய தலைமுறை அதாவது நானும்தான் அழிந்தால் சரியாக வரும். கீழ்காணும் காணொளியில் இந்த பெண்மணியின் அரசியல் ஞானம் எவ்வளவு என்பதை பாருங்கள்.
 
கில்லர்ஜி அபுதாபி
 

காணொளி