பாதையோரக் கிளிகள்

குறுக்கு பாதையிலே சந்தைக்கு போறியடி
முறுக்கு வாங்கித் தாறேன் வேணுமாடி
காத்தாயி எனை ஒரு பார்வை பாரேன்டி
காத்தாகி பறக்குமே என் மனந்தான்டி
 
கிறுக்கு புடிச்ச கதிர்வேலு மச்சானே
நீ எதுக்கு கொக்கி போடுறே தெரியாதா
உன்னோட கொரங்குப்புத்தி புரியாதா
தினந்தோறும் அலையிறது அறியாதா
 
ஆவணி பொறக்கட்டும் கருவாச்சி
மச்சானோடு பேசி நீயும் நாளாச்சு
கொல்லையில சாமந்தி பூத்தாச்சு
இன்னும் யேண்டி வெறும் பேச்சு
 
உன்னோட பேச்சால நான் விழுந்தாச்சு
கொல்லைக்கு வந்ததால கரு’’வாச்சு
கருவாப்பயலைப்போல உருவாச்சு
பட்டணம் போயித்தானே அழிச்சாச்சு
 
அடி பூமயிலே என்னை நீ நம்பேன்டி
ஆடி மாசம் முடியட்டும் பொறேன்டி
தாலிக்கு சொல்லிட்டேன் நாந்தான்டி
தாமரைப்பூவே மறுக்காம வாயேன்டி
 
சந்தையும்தான் வந்துருச்சு மச்சானே
சாமான் வாங்கிட்டு நான் வருவேனே
துணைக்கு அப்பாவுந்தான் வருவாரே
நீயும் வீணாக அலைந்து திரிவானே
 
கூதரைக்கு பொறந்தவளே திட்டமாடி
போட்டு வாரே மறு சந்தை வரட்டுமடி
மச்சான் கிட்டே வசமாக மாட்டவேடி
நானும், வீட்டுக்கு திரும்பி போறேன்டி
 
கோபம் வேண்டாமே கருத்த மச்சான்
எனக்குள்ளே உன்னை கடவுள் வச்சான்
கோபக்கார அப்பனும் எனக்கு வாச்சான்
இன்னும் ரெண்டு மாசம்தானே மிச்சம்
 
தருவேனே நாந்தானே தன்னானே - அடி
தருவேனே நாந்தானே தன்னானே
தானானே தானானே தன்னானே – அட
தானானே தானானே தன்னானே
 
கில்லர்ஜி அபுதாபி
 

காணொளி