கடவுளும், கொலையாளியும்

இடம்: மதராசப்பட்டினம், மயில் ஆடும் பூங்கா. (தற்போது மயிலாப்பூர்)

திருவள்ளுவர் ஆண்டு 1745, சுரவம் மாதம், 21 ஆம்த திகதி, அறிவன் கிழமை

திடீரென எனக்கு தோன்றியது... வலைப்பதிவர் நகையை வித்தவர் SORRY நகைச்சுவை வித்தகர் பகவான்ஜியும், கில்லர்ஜியும் சந்தித்து பேசிக் கொண்டால் எப்படி இருக்கும் வேறெப்படி இப்படித்தான்.

ஆமா நீ ஆரு  ஜோக்காளி மாரிகீரே நாடகத்துல நடிச்சுகினு அப்பிடியே வந்துட்டியா ? 

யாம் பூலோகத்தை காணவே வந்தோம்.

ஒராளு வந்துகினு வந்தோம்கீறே நான்   ஆரு தெரியுமா ?

தெரியும் எமக்கு.

ஆரு ?

மானிடன்.

இன்னாது மானிட்டரா ?

உமக்கு மானிடன் என்றால் ? என்னவென்றே தெரியவில்லை வேடிக்கை வேடிக்கை 

யோவ் யாருய்யா நீ ய்யேன் 

ஏரியாவுல வந்து என்னையவே சத்தாய்க்கிறே...

மானிடா நீ என்ன மொழி 

பேசுகின்றாய் ?

மொதலே நீ இன்னா பேசுறே சொல்லுமே மானிட்டருங்கிறே குவாட்டருங்கிறே... 

மானிடா நான் பகவான்ஜி எமக்கு நீர் 

பணிந்தே தீரவேண்டும்

நான் கில்லர்ஜி சும்மா போட்டுட்டு போய்கினே...  இருப்பேன் தாமாஷூ பண்ணிகினுகீறே

 ? உனது பணி என்ன

இன்னாது பனியா அப்பிடினா ? 

உனது அன்றாட வேலை என்ன ?

தலையை எடுக்குனது கையைக் காலை கிள்ளிப் போடுறது, இதாமே என்னோட ஜோலி.

மானிடா இது தவறு, இதை இன்றோடு நிறுத்தி விடு நாளை என்னிடம் நீ சரணடைந்தே தீரவேண்டும்

சட்டென கில்லர்ஜி பட்டன் கத்தியை எடுத்து...

இன்னாங்கிறே இப்ப நீ போறீயா ? இல்லை உட்சுற வுடுறியா ?

பகவான்ஜி கையை உயர்த்தி
 ஆசீர்வாதம் செய்ய சட்டென கத்தி மறைந்து விட்டது.

நீ யாரு  மந்திரவாதியா மேஜிக் எல்லாம் காட்றே ?

மானிடா நான் பகவான்ஜி உன்னை படைத்தவன், நான் நினைத்தால் 

உன்னை அழித்து விடுவேன்.

நானு கில்லர்ஜி இப்ப இன்னா 

செய்றேன் பாரு ?

கில்லர்ஜி கையை மடக்கி குத்தவர... பகவான்ஜி ஆசீர்வாதம் செய்ய... கில்லர்ஜிக்கு கழுத்துவரை சிலையாகி தலை மட்டும் அசைந்தது

சாமி... மன்னிச்சுடுங்கோ... மன்னிச்சுடுங்கோ... இனிமே இந்த, யாபாரமே வச்சுக்க மாட்டேன்... ஏதாவது பொட்டிக்கடை வச்சுகினு பொழ்சுகிறேன், மன்னிசுக்க சாமி.

நல்லது மானிடா, நீ திருந்தியது உண்மை எனில் உனது வணிகம் நல்ல விதமாக யாம் அருள் புரிவோம் நீ மீண்டும் வேதாளம் முருங்கை மரத்தில் ஏறியதுபோல் நடந்தால் நீ அழிந்து போகக்கடவது.

பகவான்ஜி அருள் பாவித்து, கில்லர்ஜியை பழைய நிலைக்கு திரும்ப வைத்து மறைந்து விட்டார்.

நான் இந்த பதிவை வெளியிட, எமக்கு பச்சைக்கொடி காட்டி அனுமதியளித்த இனிய நண்பர் பகவான்ஜி அவர்கள் கையின் விரலுக்கு மோதிரம் மாட்ட வேண்டும் ஆனால் எமது நண்பர் ‘’தங்கம் நமக்குள் ஏற்படுத்தும் பங்கம்’’ எனசொல்லி விட்ட காரணத்தால் அந்த எண்ணத்தை ‘’ச்சே‘’ என்னத்த என பரணில் தூக்கிப் போட்டு விட்டு.... பகவான்ஜிக்கு, கில்லர்ஜி in THANKSஸை மட்டும் ஒரு கன்டெய்னரில் அனுப்பி விட்டேன்.