கட்டிலா ? தொட்டிலா ?

கட்டில் சுகம் என்னை கை விட்டது

தொட்டில் சுகம் பின்னும் தொடர்ந்தது...

சிலருக்கு இந்த உலகில் ஒன்றைப் பெற ஒன்றை இழந்தே தீரவேண்டும். இது இறைவன் வகுத்த நியதி இதில் நானும் ஒருவனே. வாழ்வில் எதையும் பெறாத என்னை இன்று தொட்டில் சுகமும் கை விடுகின்றது...

என் கணக்கு தவறு, விதியின் கணக்கே சரி.

600^th Post Finish 
(மனஆறுதல் தரும் இந்தக் கணக்கையாவது இறுதிவரை நம்பி வாழ்வோம்)

Good bye 2017 Welcome 2018

தள்ளாத வயதிலும்...

தள்ளாத வயதிலும் இல்லாத கணவனென்று

இல்லாள் நினைக்கவில்லை பொல்லாத

உலகமிது இருப்போர்க்கு ஊக்குவிக்கும்

இல்லாத மனிதருக்கு இடம் மறுக்கும்

முதுகெலும்பு இல்லாத அரசு இது

முதியோரை நினைக்க இங்கு நேரம் ஏது

பெற்றோரை மதியாத பிள்ளை இங்கு

பெருமழையால் இவர்கள் போவது எங்கு

கல்லானாலும் கணவன் என்றே கசிந்தாள்

புல்லானாலும் புருசன் என்றே புசித்தாள்

மண்ணானாலும் மனைவி என்றே மணந்தான்

துரும்பானாலும் துணைவி இவளே துணைதான்

மகன் வேண்டுமென்று மன்றாடினாள் அன்று

மகன் வேண்டாமென்றான் திண்டாடினாள் இன்று

இறைவா இவர்கள் செய்த பாவம்தான் என்ன

இவர்கள் வாழ்வதால் இங்கு லாபம்தான் என்ன

சிவாதாமஸ்அலி-

இவர்களைக் கண்டாவது பாவம் செய்பவர்கள் திருந்தணும்.

The Grand Design

‘உலகத்தை படைத்தது நிச்சயம் கடவுளல்ல; இயற்கை தனக்கு தானே படைத்துக் கொண்டதுதான் உலகம்’’ என்று இங்கிலாந்து இயற்பியல் விஞ்ஞானி Stephan Hacking தெரிவித்துள்ளார் அண்ட சராசரம் பற்றி ஆராய்ந்து புத்தகம் எழுதுவதில் அவர் பிரபலம். 1988-ல் அவர் எழுதிய A Freed History of Time என்ற ஆராய்ச்சி புத்தகம் சர்வதேச அளவில் விற்பனையில் சக்கை போடு போட்டது. மேலும் அவர் The Grand Design என்ற புத்தகத்தை வெளியிட்டு இருக்கிறார். அதில் இடம் பெற்றுள்ள சில அம்சங்களை லண்டனைச் சேர்ந்த The Times நாளிதழ் வெளியிட்டுள்ளது.

புத்தகத்தில் Stephan Hacking கூறியிருப்பதாவது: புவி ஈர்ப்பு தத்துவத்தை Sir Isaac Newton வெளியிட்டார். அதுதான் அண்டவெளியின் ஆதாரம். ஈர்ப்பு சக்திதான் உலகை தாங்கிப் பிடிக்கிறது. அதன் தொடர்ச்சியில்தான் உலகம் உருவானது. புவியீர்ப்பு விதியின்படிதான் உலகம் நிலைத்திருக்கிறது. அதே விதிப்படிதான் தன்னைத் தானே அது படைத்துக் கொண்டிருக்க முடியும். அறிவியல் ரீதியாக உலகைப் பார்ப்பவர்களுக்கு, அறிவியலை புரிந்து கொண்டவர்களுக்கு அதை உருவாக்கியதில் இறைவனின் ஐடியா இருப்பதாக நம்ப வேண்டிய அவசியம் இருந்ததில்லை இருப்பதில்லை என்று புத்தகத்தில் Stephan Hacking கூறியுள்ளார். அறிவியல் ஆராய்ச்சியில் டிவி நிகழ்ச்சிகள் டாக்குமென்டரிகளில் உலக புகழ் பெற்றவர் Hacking.

ஐயா சொல்ற ஒரு விசயத்தைப் பாருங்க (அறிவியலை புரிந்து கொண்டவர்களுக்கு அதை உருவாக்கியதில் இறைவனின் ஐடியா இருப்பதாக நம்ப வேண்டிய அவசியம் இருந்ததில்லை) அதாவது இறைவன் அப்படிங்கிற ஒரு வார்த்தையை பயன்படுத்தி இருக்கிறார் அதாவது இறைவன் இருக்கிறார் என்பதை அவரே ஒப்புக் கொண்டுள்ளார் அப்படியானால் இறைவன் எதற்கு ? மனிதனை மட்டும் படைக்கவா ? அதை படைத்ததுகூட ஆணும், பெண்ணும் என்பார்களே...

தீர்க்கதரிசி

ஏழு ஆண்டுகள் காமராஜ் ஆட்சியினை கண்டபின் தந்தை பெரியார் ஆற்றிய உரையின் ஒரு பகுதி.

தோழர்களே, எனக்கோ வயது 82 ஆகிறது. நான் எந்த நேரத்திலும் இறந்து விடலாம். ஆனால் நீங்கள் இருப்பீர்கள். உங்களை விட முதிர்ந்த நான் மரண வாக்குமூலம் போன்று ஒன்றை கூறுகிறேன். மரண வாக்குமூலம் கூற வேண்டிய நிலையில் இருப்பவன் பொய் சொல்ல வேண்டிய அவசியமில்லை.

இன்றைய காமராஜ் ஆட்சியில் நமது நாடு அடைந்த முன்னேற்றம் இரண்டாயிரம், மூவாயிரம் ஆண்டுகளில் என்றுமே நடந்தது இல்லை. நமது மூவேந்தர்கள், அடுத்து நாயக்க மன்னர்கள், மராட்டிய மன்னர்கள், முஸ்லீம்கள், வெள்ளைக்காரர்கள் இவர்கள் ஆட்சியில் எல்லாம் நமது கல்விக்கு வகை செய்யப்படவில்லை.

தோழர்களே, என் சொல்லை நம்புங்கள். இந்த நாடு உருப்பட வேண்டும் என்றால் இன்னும் பத்து ஆண்டுகளாவது காமராசரை விட்டு விடாமல் பிடித்துக் கொள்ளுங்கள். அவரது ஆட்சி மூலம் சுகமடையுங்கள். காமராசரை பயன்படுத்திக் கொள்ள நாம் தவறி விட்டால் தமிழர்களுக்கு வாழ்வளிக்க வேறு ஆளே சிக்காது இதை கில்லர்ஜி இடமான தேவகோட்டையில் கூறுகிறேன்.

(இராமநாதபுரம் மாவட்ட திராவிட கழக 4-வது மாநாடு 09.07.1961-ல் தேவகோட்டையில் நடந்தபோது தந்தை பெரியாரின் உரையின் ஒரு பகுதி – 17.07.1961 விடுதலை)

டிசம்பர் 24

இன்று தந்தை பெரியாரின் 44-வது நினைவு தினம்

இதோ... ஆதாரம் சொடுக்கி பெரிதாக்கி படிக்கவும்.

¾ நீர்-வாணம்

நட்பூக்களே... மனிதன் என்பவனுக்கு நகைச்சுவை உணர்வுகள் வேண்டும் அப்பொழுதுதான் அவன் ஐந்தறிவு இனங்களிலிருந்து வேறு படுகின்றான் நானும்கூட நகைச்சுவை உணர்வாளனே என்னைச்சுற்றி உள்ளவர்களை மகிழ்வித்துக் கொண்டு இருப்பதில் உள்ளுக்குள் மகிழ்பவன் ஆனால் வெளியில் சிரிக்கத் தெரியாதவன் அல்ல ! சிரிப்பை இழந்தவன் அந்த நகைச்சுவை உணர்வுகளின் உந்துதல்களே கேளிக்கைகள் விளையாட்டுகள் ஆனாலும் எந்த நிலையிலும் இன்றுவரை விபரீதமாக செய்யாதவன் கீழ்காணும் விபரீத காணொளியால் எழுதியதே இந்த பதிவு.

நண்பர்கள் சில நேரங்களில் நையாண்டியுடன் பேசி சிரிப்பது, பிறரை சிரிக்க வைப்பது வாடிக்கையான விடயமே இப்பொழுது விஞ்ஞான வளர்ச்சியின் அதிவேகத்தால் நண்பர்கள் எந்த நேரமும் எதையும் ஏன் ? தற்கொலைகள், கொலைகளைக்கூட கைப்பேசியில் ஒளியலை எடுத்து உடனுக்குடன் ஊடகங்களுக்கு அனுப்பி விடுகின்றார்கள் சிலர் வித்தியாசமாக செய்ய வேண்டும் என்ற சிந்தையில் திட்டமிட்டே இப்படி செய்து காணொளி எடுத்து பிறரை மகிழ்விப்பதாக நினைத்துக் கொண்டு சில நேரங்களில் விபரீத செயல்களில் ஈடுபட்டு விடுகின்றார்கள் கீழ்காணும் காணொளி தங்களுக்கு சிரிப்பாக இருக்கலாம் இதன் பின்னணியை சிறிது யோசித்தால் வேதனையான விடயமே ஆம் இந்த நபர் யாரோ எவரோ எனக்கு தெரியாது நண்பர்கள் சேர்ந்து செய்யும் விளை(னை)யாட்டால் இவர் இந்த வாளிக்குள் விழுந்து விடுகின்றார் அவரை வெளியே தூக்குகின்றார்கள் பிறகு காணொளி இல்லை ஒரு மனிதனை சட்டென இரண்டாக மடித்தால் அவனது முதுகெலும்பு என்னாகும் என்று நாம் சிறிது யோசித்துப் பார்க்க வேண்டும் இந்த வேதனையை தெரியாத மனிதர்கள் இருக்கவே முடியாது யோகா, தந்திரம் போன்றவற்றை செய்பவர்களுக்கு பிரச்சனை இல்லை இந்த வாளியிலிருந்து இவரை வெளியே எடுத்து விட்டாலும் இவருக்கு ஏற்பட்டு இருக்கு முதுகுவலி எப்படியிருக்கும் ? வலியோடு பிரச்சனை முடிந்து விட்டாலும் பரவாயில்லை வேறு ஏதாவது பிரச்சனைகளை தொடர்ந்து விட்டால் அவரின் வாழ்க்கையே மூழ்கி விடும் விபரீதமாக சாத்தியம் உண்டு இவ்வளவு விளக்கமாக நான் சொல்வதற்கு காரணம் நான்கு வருடங்களுக்கு முன்பு எனது நண்பரொருவர் தவறுதலாக மூன்றடி உயரத்திலிருந்து இதே மாதிரி வாளிக்குள் விழுந்து விட்டார் இன்றுவரை அவர் மருத்துவம் பார்த்துக் கொண்டு இருக்கின்றார் கடின வேலைகள் செய்ய முடியவில்லை இன்னும் பூரணமாக வலியிலிருந்து விடுபடவும் இல்லை நண்பர்களே... யாராக இருந்தாலும் சரி இந்த வகையான வினையாட்டுகளை செய்யாதீர்கள் விளையாடுவதற்கு எத்தனையோ வழிகள் உண்டு.

இதைப்போல மற்றொரு காணொளி YouTube கண்டேன் அதையெல்லாம் தங்களுடன் பகிர்ந்து கொள்வது தவறு காரணம் கில்லர்ஜியின் பெயர் மட்டுமல்ல எமது தளத்தின் பெயரும் கெடும் கல்லூரி விடுதியில் தங்கி படிக்கும் பெண்களின் கூத்து பெண்கள் பீர் குடித்து விட்டு ஆட்டம் ஆடுவதும், ஒருவருக்கொருவர் முத்தமிட்டுக் கொண்டாலும் பரவாயில்லை உடைகளை கிழித்து விளையாடுகின்றார்கள் ஏறத்தாழ முக்கால் நிர்வாணமாக்கிய விளையாட்டு (?) இவர்கள் சமூகத்தை சீரழிக்கின்றார்கள் என்று பெரிய குற்றச்சாட்டை எல்லாம் நான் முன் வைக்கவில்லை காரணம் பீப் பாடலையே ஆதரித்து பேசிய பல கல்லூரி பெண்களை பார்த்து விட்டேன் நான் சொல்ல வருவது இவர்களின் எதிர்கால வாழ்க்கையை குறித்தது தங்களது தாய்-தந்தைகளின் கௌரவத்தைப்பற்றி சிறிதளவாயினும் நினைத்துப் பார்ப்பது இல்லையா ? என்பதே எமது வியப்புடனான வினா இப்படிச் செய்த தவறைக்கூட மன்னித்து விடலாம் ஆனால் இதையும் பகிரங்கமாய் பொது இடமான YouTubeல் வெளியிடலாமா ? நாளை இவர்களையும் ஒருவன் திருமணம் செய்வதற்கு தயாராகிக் கொண்டுதானே இருக்கின்றான் ஒருக்கால் இவர்களின் பந்துக்கள் இதை கண்டால் இவர்களின் வீட்டில் பெண் எடுப்பார்களா ? படிப்பதால் அறிவு வளர்ச்சி பெறுகின்றார்கள் என்பதில் எனக்கு அவ்வப்போது ஐயம் ஏற்படுவது இவ்வகைகளை காணும் பொழுதே பண்டைய காலங்களில் படிக்காத பெண்களே அதிகம் அவர்களில் ஒருவர்கூட இப்படி எல்லாம் செய்ததாக நாம் அறிந்ததில்லை அரண்மனைகளில் வாழ்ந்த தேவதாசிகள்கூட மது அருந்தியதாக கேள்விப் பட்டதில்லை கல்லூரி மாணவிகளே செல்லம்மா புருஷன் ஆசைப்பட்டது இந்த வகையான தங்களைப் போன்ற புதுமைப் பெண்களை அல்ல ! வேலு நாச்சியார் போன்ற வீரமுள்ள விவேகமுள்ள புதுமைப் பெண்களை தாங்கள் செய்தது தவறென்று ஒருநாள் உணர்ந்து வருந்துவீர்கள் அந்நாளில் உங்களுக்கும் ஒரு வயது பெண் அல்ல ! ஒரு ’’வயதுப்’’ பெண் இருப்பாள்.

 அழகிய பெண்ணினமே உம்மை ஆணினம் மதிப்பதற்கு முன் உன்னை நீயே மதிப்பிடு – கில்லர்ஜி

காணொளி

பிறந்தநாள்

பிறந்த நாளை நாம் வெகு விமரிசையாக கொண்டாடுகிறோம் அதிலும் சினிமா நட்சத்திரங்கள் என்று அறியாமைவாதிகளால் சொல்லப்படும் கூத்தாடிகள் அடிக்கடி கொண்டாடுகிறார்கள் ஆனால் எத்தனையாவது ? 16-ரில் தொடங்கி 61-வரை எப்பொழுதுமே குழப்பம் சரி போகட்டும் அது நமக்கு அவசியமில்லாத விசயம் வேண்டாம்

ஒரு வருடத்தை கடக்கும்போது நாம் சிந்தித்துப் பார்க்க வேண்டிய விசயங்கள் ஏராளம் உள்ளது கடந்த வருடத்தை விட இன்று நமது பொருளாதார நிலை உயந்துள்ளதா ? வாழ்வாதாரம் உயர்ந்துள்ளதா ? கடந்த வருடத்தை விட இந்த வருடம் நமது தவறுகளை குறைத்திருக்கிறோமா ? மனிதநேயம் எனச்சொல்வார்களே அது நம்மிடம் குறைந்துள்ளதா ? நிறைந்துள்ளதா ? என என்றாவது நாம் தேடிப் பார்த்திருக்கிறோமா ? உண்மையில் நாம் தொலைவைத் தேடி (தொலைந்து போகுதல், மரணித்தல்) ஓடிக்கொண்டிருக்கிறோம் என்பதுதான் உண்மை நிஜத்தை மறந்து விட்டு நிழலை கண்டு மகிழ்கிறோம்.

ஒரு குழந்தை பிறக்கிறது அதை உலகிற்கு வரவேற்று கொண்டாடுகிறோம் தனது சந்ததி தொடர்கிறது தான் ஆண்மகன் என சமூகத்திற்கு நம்மாலான ஒரு அறைகூவல், இன்னாரு மகன் மன்னாரு என்பதற்கு நம்மாலான ஒரு பட்டயம் நமது அஸ்தியை கரைத்து ஆஸ்தியை எடுத்து நாஸ்தியாக்க நம்மாலான ஒரு குஸ்தி வீரன்.

இப்படி ஏதாவது ஒரு காரணங்களுக்காக இந்த நாட்களை நமது குழந்தைகளின் பெரிய பருவம் வரை நாம் குழந்தைகள் அல்ல ! என நம் குழந்தைகள் நினைக்கும் காலம்வரை இதை கொண்டாடலாம் ஆனால் House Go go என, Cemetery Come come என சொல்லும் காலம் வரை கொண்டாடுவது எனக்கென்னவோ மாற்றுச் செயலென தோன்றுகிறது.

இன்று பலருக்கும் தனது தாய்-தந்தை பிறந்தநாள் எதுவென்று தெரியாது (நான் எனது தந்தையின் பிறந்தநாளை அறிய முயன்றும் முடியவில்லை) ஆனால் தனது அரசியல் தலைவனின் பிறந்தநாளை தொண்டனும், திரைப்பட நடிகனின் பிறந்தநாளை ரசிகனும் சரியாக அறிந்து வைத்து அதை சந்தோஷமாக கொண்டாடுகின்றான் இது தமிழ் நாட்டில்தான் அதிகம் என்பதை நினைக்கும் பொழுது வெட்கப்பட வேண்டியது இருக்கின்றது.

இதில் அரசியல்வாதிகள் இறந்து போன தலைவர்களுக்கு நினைவு நாளில் மௌனஅஞ்சலி செலுத்துகின்றார்கள் இது தியாகத்துக்கு கொடுக்கும் மரியாதை சரி. ஆனால் பிறந்தநாள் விழா கொண்டாடுவது சரியா ? சமீபத்தில் அன்னை இந்திரா காந்தி, எம்ஜிஆர் போன்றவர்களுக்கும் பிறந்தநாள் விழா கொண்டாடினார்கள் என்றால் இறந்ததற்கு சந்தோஷப்படுவதாகத்தானே அர்த்தமாகிறது சரி இன்று தலைவர்கள் தினந்தோறும் பெருகி கொண்டு வருகின்றார்கள் நாளை அவர்களையும் எமன் வந்து அழைத்துப் போகத்தான் போகின்றான் பிறகு வருடத்தில் 365 நாட்களும் கொண்டாடினால் சாலைகளில் ப்ளக்ஸ் போர்டு வைப்பதால் மக்களுக்கு தினம் இடையூறுதானே... சமீபத்தில் கோவையில் அரசியல்வாதியின் ப்ளக்ஸ் ஃபோர்டு தலையில் விழுந்து ஒரு இளைஞர் மரணம் யாருக்கும் கவலை இல்லை அந்தக் குடும்பம் இன்று உணவளித்தவனை இழந்து நிற்கிறது. இதில் இருநூற்று ஐம்பது ஆண்டுகளுக்கு முன்பு இறந்து போன மன்னர்கள் சிலருக்கும் கடந்த பத்து ஆண்டுகளாக ஜாதீயத்தை கையிலெடுத்துக் கொண்டு வெறித்தனமாக பிறந்தநாள் விழா கொண்டாடுவதைக் காணும் பொழுது இவ்வளவு நாட்களாக புடுங்கவா போனாங்க என்ற கேள்வியும் எமக்கல்ல சிலருக்கு எழக்கூடும். இன்னும் எவ்வளவு அட்டூழியங்கள் இந்த வாக்குரிமையின் தன்மையை அறியாத அறியாமை மக்களுக்கு நிகழப் போகின்றதோ.... யாரு.... கண்டா ?  

Sampasivam & Sivathomasali
Many many happy Returns of the Birthday to Mr. Killergee

Chivas Regal சிவசம்போ-

யாருய்யா இவங்கே சாவுகிராக்கி அவருக்கு புடிக்காத விசயத்தைச் சொல்லி சாயங்காலம் பார்ட்டிய மண் அள்ளி போட்ருவாங்கே போலயே...

கரட்டுவாத நண்பர் திரு. Chivas Regal சிவசம்போவுக்கு எமது பரிசு

Mummoorthy’s in Dubai

காணுங்கள் குட்டி, குட்டி காணொளிகளே...

விழி இழந்தோரின் கேள்வி

செல்லூர் செல்லம்மா செப்புகிறார்

விரைவில் தேவகோட்டையில்

கெடுவான் கேடு நினைப்பான்

அம்மி கொத்தும்போது...

கவிஞனின் வார்த்தை ஜாலம்

இவனிடமும் மைக்கை நீட்டுறாங்களே

விலை பேசிக்கொண்டு இருக்கிறேன்

யாராவது தண்ணீர் அள்ளி ஊத்துங்க

ஆடிய ஆட்டமென்ன...

இதுதான் நாளை அரசியல்வாதியாக வரும்

துபாயில் மும்மூர்த்திகள் நடமாட்டம்

அவை மரபு

நண்பர்களே... எனக்கு வெகுகாலமாகவே ஒரு சந்தேகம் மனதில் தோன்றி இருக்கின்றது தீர்த்து வைப்பார் யாருமில்லை அறிந்தவர் அறியத்தருக... அதாவது தமிழக முதல்வர் போலவே தமிழக மந்திரிகளும், இந்த நாட்டை ஆளப்பிறந்தவர்களே அதாவது முதல்வரைவிட அதிகாரம் சற்றுக் குறைவனவர்கள் இவர்களுக்கு முதல்வர் பதவியில் இருப்பவர் முதலாளி அல்ல ! அதேநேரம் இவர்களை வழி நடத்திச் செல்லும் முன்னவர் என்பது உண்மையே இவருக்கு மேலாளர் என்ற வகையில் மரியாதை கொடுக்க வேண்டும் என்பது அவை மரபு மற்றும் சட்டநியதி அதேபோல் இவருக்கு பாதுகாவலுக்கு நியமிக்கப்பட்டு இருக்கும் பாதுகாவலர்களும் இதே நிலைப்பாடுதான் ஆனால் தனிப்பட்ட வகையில் யானைப்படை, பூனைப்படை என்றும் சொல்கின்றார்களே... அதாவது சொந்தமாக சம்பளம் கொடுத்து அவர்களுக்கு முதல்வர் பதவியில் இருப்பவர் முதலாளிதான் இவர்கள் முதல்வருக்கு மரியாதையோடு பயந்தும் வேலை செய்தல் அவசியமாகின்றது இதில் யாருக்கும் மாற்றுக்கருத்து இருக்க முடியாது நான் மட்டுமல்ல ! நண்பர் திரு. வலிப்போக்கன் அவர்கள் உள்பட.

இதில் எனது சந்தேகம் என்னவென்றால் தொகுதி மக்கள் ஓட்டுப்போட்டு அங்கீகரித்து சட்டமன்றத்துக்கு அனுப்பி எங்களுக்கு உள்ள குறைகளை முதல்வரிடம் விவரித்து நிதியுதவி பெற்று எங்கள் வாழ்வு வளம் பெறச்செய்யுங்கள் என்று அனுப்பி வைக்கும் சட்டமன்ற உறுப்பினர்கள் நாமும் இந்த நாட்டை ஆளப்பிறந்தவர்களில் ஒருவனே என்ற சிந்தையை மறந்து குறிப்பாக தான் ஒரு ஆண் (?) என்பதை மறந்து சட்டத்துக்கு புறம்பாக, மனுதர்ம சாஸ்த்திரத்துக்கு எதிராக இப்படி கும்பலி சாசனமும், குடலி சாசனமும் செய்து கொண்டு இருக்கின்றார்கள் இப்படி இருப்பவர்கள் எப்படி மக்கள் பிரச்சனைகளை பேசி ஆணித்தரமாக வாதாடி மக்கள் நலனைப்பெற முடியும் என்பது மட்டுமல்ல ! மற்றொன்றும் உள்ளது சம்பளத்துக்கு வேலை செய்யும் யானைப்படையினரோ, பூனைப்படையினரோ ஒருவர்கூட இப்படி காலில் விழாமல் முதல்வரை அவமதிப்பது தொழில் தர்மம் அல்ல ! என்பதே எமது குற்றச்சாட்டு சரிதானே நண்பர்களே இதுக்கு நீங்கள்தான் விளக்கம் தரணும் தாங்கோ..... பார்ப்போம்.

சிவாதாமஸ்அஸி-

தொகுதி மக்கள் ஓட்டுக்கு ஆயிரம் ஓவா வாங்குனதோட அவுக வேலை முடிஞ்சு போச்சு பிறகென்ன பேச்சு ?

Chivas Regal சிவசம்போ-

ஆயிரமா ? நம்ம தொகுதியில முன்னூறு கொடுத்து ஏமாத்திட்டாங்களே....

காணொளி

கோவில்பட்டி, கோடாங்கி கோமுட்டி

வணக்கம் நட்பூக்களே... எமது பள்ளி நண்பன் வருசைமுத்து வாழ்க்கையில் விரக்தியாக இருக்கிறது அதனால் எத்தனையோ சோசியர்களை பார்த்து மனம் நொந்து விட்டேன் என்று என்னிடம் வந்து வருந்தினான். சரியென்று நம்ம சோலந்தூர், சோசியர் சோனைமுத்து அவர்களிடம் அழைத்து போகலாம் என்று சொன்னேன் அதற்கு...

அவன் கெடக்கான் வெளங்காமட்டை எத்தனை தடவை பார்க்கிறது போன வருசம் வைகாசிக்குள்ளே எனக்கு புதையல் கிடைக்கும்னு சொன்னான் அவனை நம்பி ஊரைச்சுத்தி கடன் வாங்கி செலவழிச்சுட்டேன் ஒரு எலவும் கெடைக்கலை வேற யாரும் இருந்தால் சொல்லேன்.

சரி நம்ம உசிலம்பட்டி, உடுக்கையடி உலகநாதன் அவர்களை பார்ப்போமா ?

நல்ல ஆளைச் சொன்னே.... அவன் பெரிய உலகப்பிராடு அமெரிக்காவுலருந்து எனக்கு விசா வரும்னு சொன்னான் ரெண்டு வருசமாச்சு வரவேயில்லை.

ஏதாவது ஏஜண்டைப் பார்த்தியா... பணம் கட்டி இருக்கியா ?

நான் யாரையும் பார்க்கலையே ?

பின்னே எப்படி விசா வரும் ?

அவருதான் சொன்னாரு வரும்னு...

ஏண்டா... நானாவது நாலாப்பு வரை படிச்சு இருக்கேன் இங்கிலீஷ் எழுத்துக் கூட்டியாவது படிச்சுருவேன். நீ ரெண்டாவது படிக்கும் பொழுது வசந்தி’’னு எழுதச் சொன்னதுக்கு சிலேட்டுல வா சாந்தி’’னு எழுதி சாந்தி டீச்சருக்கு காண்பிச்சதுக்குத்தானே டீச்சர் வச்ச அறையில ஓடுனவன் மழைக்குகூட பள்ளிக்கூடம் ஒதுங்க மாட்டியடா.... எப்படி உனக்கு இப்படி எல்லாம் பேராசை வருது மதுரைக்கார தமிழர்கள் யாராவது உனக்கு விசா அனுப்புறேன்னு சொன்னாங்களா ?

எனக்கு யாரும் மதுரைக்காரவுங்க பழக்கம் இல்லையே....

சரி இப்ப என்னதான் யோசனையில இருக்கே ?

உடனே முன்னேறணும் அதுக்கு ஏதாவது சொல்லேன் ?

உழைக்கணும் அதுதான் வழி.

அது நமக்கு சின்ன வயசுலருந்து ஆகாதே...

இப்படியே காலம் பூராம் சோசியம் பார்த்துகிட்டே இருந்தால் என்னாகும் ?

கோவில்பட்டியில் ஏதோ கோடாங்கி இருக்கிறதா கேள்விப்பட்டேன் உனக்கு தெரியுமா ?

ஆமா நம்ம கோமுட்டிதான் இருக்காரு..

சரி அவரைப் போயி பார்த்து விட்டு வருவோம்.

அதன்படி கடந்த வாரம் நானும் வருசைமுத்துவும் கோவில்பட்டி போனால் அங்கு வரிசையில் நின்றது கூட்டம் வேறு வழியின்று நானும், வருசையும், வரிசையில் நின்று எங்களுக்கான நேரம் வரும் பொழுது பார்த்தோம் வருசையின் எதிர்காலம் குறித்து அவன் பக்கத்தில் அமர்ந்து கேட்டான்.

கோ.கோ.கோ- என்னடா பிரச்சனை ?

வ.மு- சீக்கிரம் முன்னேறுறதுக்கு ஒரு தொழிலை சொல்லுங்க சாமி.

கோ.கோ.கோ- என்னடா படிச்சுருக்கே... ?

வ.மு- எதுவுமே படிக்கலை சாமி

மற்றவைகளை நீங்களே காணொளியில் பாருங்கள். ஆகவே அடுத்த வருடம் 2018 முதல் எனது நண்பனின் அதிரடி அரசியல் பிரவேசம் நடக்கலாம். நான் கோ.கோ.கோ.வின் எதிர்புறம் அமர்ந்து அவருக்கே தெரியாமல் எனது பென் கேமராவில் நான் சுட்டது.

காணொளி