நான் ரசித்தவை (1)

    வணக்கம் நண்பர்களே... நான் ரசித்த திரைப்பட வசனங்களை தங்களுடன் பகிர்ந்து கொள்கிறேன். ஆச்சர்யமாக இருக்கிறதா ? ஆம் நானும் ரசிகன்தானே... எனக்கும் ஆசாபாசங்கள், ரசனைகள் இருக்கத்தானே செய்யும். ஆனால் இந்த வசனங்களை எழுதிய இருட்டுக்குள் வாழும் அந்த வசனகர்த்தா யாரென்று எனக்கு தெரியாது. வழக்கம் போல வாயசைத்த கூத்தாடிகளை மட்டுமே குறிப்பிட்டுள்ளேன் – கில்லர்ஜி

 

திரைப்படம் – ஏழாம் அறிவு (2011)
இயக்குனர் – ஏ. ஆர். முருகதாஸ்
வாயசைத்தது – ஸ்ருதி ஹாசன்

வசனம்-

இந்தியனா இருக்கிறதால வெளிநாட்டுல மதிக்க மாட்டுறான், தமிழனா இருக்கிறதால இந்தியாவுல மதிக்க மாட்டுறான்.
-----------01-----------

திரைப்படம் – ஏழுமலை (2002)
இயக்குனர் – அர்ஜூன்
வாயசைத்தது – அர்ஜூன்
 
வசனம்-
என் குழந்தை வளர்ந்து பெரிய ஆளாகி எனக்கு கிடைத்த அப்பா போல யாருக்குமே கிடைக்கலைனு சொல்லணும் இதுதான் என்னோட ஆசை.
-----------02-----------

திரைப்படம் – இந்தியன் (1996)
இயக்குனர் – ஷங்கர்
வாயசைத்தது – கமல்ஹாசன்

வசனம்-
அங்கெல்லாம் கடமையை மீறிவதற்குத்தான்டா லஞ்சம், இங்கே கடமையை செய்யிறதுக்கே லஞ்சம்.
-----------03----------- 

திரைப்படம் – கேப்டன் பிரபாகரன் (1991)
இயக்குனர் – ஆர். கே. செல்வமணி
வாயசைத்தது – விஜய்காந்த்

வசனம்-
அடுத்த வீட்டுப் பொண்ணுங்களையும் அக்காவா, தங்கச்சியா, அம்மாவா நினைக்கிற குணம் உங்கள் எல்லோருக்கும் என்றைக்கு வருதோ... அன்றைக்குத்தான் காப்பாத்தணுங்கிற எண்ணமும் வரும்.
-----------04-----------

 

திரைப்படம் – எத்தன் (2011)
இயக்குனர் – எல். கே. சுரேஷ்
வாயசைத்தது – வி.ஜெயப்பிரகாஷ்

வசனம்-
சும்மாவா சொன்னாங்க, தெரிஞ்ச தொழிலை விட்டவனும் கெட்டான், தெரியாத தொழிலை தொட்டவனும் கெட்டான்.
-----------05-----------

திரைப்படம் – மௌனம் சம்மதம் (1990)
இயக்குனர் – கே. மது
வாயசைத்தது – ‘’என்னத்த’’ கன்னய்யா
 
வசனம்-
ஏன் ஸார் இருபத்து அஞ்சு வருஷமா பியூனா இருக்கேன். என்னைக் கேட்காம ஆறு மாசத்துக்கு முன்னால் வந்த ஆஃப்ட்ரால் மேனேஜர்கிட்டே நீங்க என்னத்த கேட்டு... அவரு என்னத்த சொல்லி...
-----------06-----------

 

திரைப்படம் – எந்திரன் (2010)
இயக்குனர் – ஷங்கர்
வாயசைத்தது – கருணாஸ், ரஜினிகாந்த்
 
வசனம்-
நாங்க சொல்லவே இல்லை ஸார்... இவன் பொய் சொல்றான் ஸார்.
சீ... மனுசங்கதான் கேவலமா பொய் சொல்வாங்க, மிஷின் பொய் சொல்லாது.
-----------07----------- 

திரைப்படம் – தசாவதாரம் (2008)
இயக்குனர் – கே. எஸ். ரவிக்குமார்
வாயசைத்தது – கமல்ஹாசன்
 
வசனம்-
சுங்கம் தவிர்த்த சோழனின் பேரனிடம் கர்வம் தவிர்க்கச் சொல். அப்படிச் சொன்னவன் இந்த ரங்கராஜ நம்பி என்று சொல். மன்னனை சூழ இருக்கும் பிற தோஷங்களுடன் பிரம்மகத்தி தோஷமும் சூழும் என்று சொல்.
-----------08-----------

திரைப்படம் – முதல்வன் (1999)
இயக்குனர் – ஷங்கர்
வாயசைத்தது – அர்ஜூன்
 
வசனம்-

ஒருநாள்ல நான் பெரிய சேவையோ,. சாதனையோ எதுவும் பண்ணலை இந்த பதவிக்குண்டான வேலை மட்டும்தான் செஞ்சுருக்கேன். இதையே நீங்க அஞ்சு வருசமா செஞ்சுருந்தீங்கன்னா நம்ம நாடே சொர்க்க பூமியா இருந்துருக்கும்.

-----------09-----------

திரைப்படம் – விருமாண்டி (2004)
இயக்குனர் – கமல்ஹாசன்
வாயசைத்தது – கமல்ஹாசன்
 
வசனம்-
சந்தோஷம்னா என்னன்னு அதை அனுபவிக்கையிலே மனுஷனுக்கு தெரியிறது இல்ல... அது இல்லாம போகுது பாருங்க அப்பத்தான்...
-----------10-----------

சிவாதாமஸ்அலி -
இவருக்கு திரைப்படத்தைப்பற்றி எதுவும் தெரியாதுனு ஸ்ரீராம்ஜி நாளைக்கு மண்டபத்துல சொல்லி விடக்கூடாதுல... ?

சாம்பசிவம்-
இது இன்னும் தொடர்ந்து வந்தால் சித்திரவதையை அனுபவிக்கிறது யாரு ?

Chivas Regal சிவசம்போ-

நாமதான் அனுபவிக்கணும்....