கிளியூர், கிளீனர் கிளிஞ்சான்

 

வணக்கம் காரமடையண்ணே... நல்லா இருக்கீங்களா ? 
வாடாத்தம்பி கிளிஞ்சான்... நல்லா இருக்கேன்டா. இன்னைக்கு லாரிக்கு போகலையா ?
 
இல்லைண்ணே... இன்னைக்கு விடுமுறை சில சந்தேகங்கள் கேட்கணும் அதான் உங்களைத் தேடி வந்தேன்.
கேளுடாத்தம்பி அண்ணேஞ் சொல்றேன்

திரைப்படத்து கதைக்கும், தொலைக்காட்சி நாடக கதைக்கும் வித்தியாசம் என்னண்ணே ?
திரைப்படத்துல இரண்டரை மணி நேரத்துல மூன்று தலைமுறைகளுக்கு திருமணம் நடந்து குழந்தைகள் பிறப்பதை காண்பிப்பாங்க, தொலைக்காட்சி நாடக கதையில ஒரு குழந்தை ஜனித்து, பிறந்து, தவழ்ந்து, வளர்ந்து பள்ளியில் சேர்க்கும்வரை ஐந்து வருடத்துக்கு இழுத்து காண்பிப்பாங்க.
 
ஏண்ணே நம்ம உலக்கை நாயகன் தேர்தலில் போட்டியிட்டு வெற்றி பெற்றால் சிறந்த பாதையில் வழி நடத்துவாராண்ணே ? 
ஆமாடா உனக்கு இதிலென்ன சந்தேகம் ?
 
அப்படீனாக்கா நாமலும் அவரையும், கௌதமியும் போல லிவிங் டூ கெதர் வாழ்க்கை வாழ்ந்தால் பிரச்சனை வராதுனு சொல்றீங்களா ?
? ? ?
 
ரசினிஆந்து ஆட்சிக்கு வந்தால் எப்படிணே இருக்கும் ?
ஏண்டா அவருதான் பறந்து, பறந்து அடிச்சே ஊழலை ஒழிச்சுருவாருடா...
 
அப்படீனாக்கா நாம துணிந்து நகராட்சி கட்டிடங்கள்ல மனைவி பெயரில் வாடகைக்கு எடுக்கலாம்னு சொல்றீங்க... ?
எதுக்குடா நகராட்சி கட்டிடம் ?
 
நாமலும் வாடகை கொடுக்காமல் இழுத்தடிக்கலாம்ல...
? ? ?
 
ஏண்ணே திருமணம் ஆனதும், தனக்கு தாலி கட்டிய கணவருடைய குலதெய்வம்தானே பெண்களுக்கும் ?
ஆமாடா இதிலென்ன சந்தேகம் உனக்கு ?
 
அப்படீனாக்கா வனிதா விஜயகுமாருக்கு குலதெய்வம் எதுணே ? 
? ? ?
 
அண்ணே காதுல தேன் வந்து பாய்ந்தது போல் இனித்தது அப்படினு சொல்றாங்களே... வாயில தேன் பாய்ந்தால்தானே இனிக்கும் காதுல பாய்ந்தால் எறும்புதானே மொய்க்கும் பின்னே எப்படிணே இனிக்கும் ?
? ? ?
 
என்னண்ணே பதிலே சொல்ல மாட்றீங்க... ? 
? ? ?
 
ChivasRegal சிவசம்போ-
பதில் சொல்லுறது மாதிரியாடா... கேள்வி கேட்குறீங்க ? தறுத்திணியத்துக்கு கேக்குறீங்களேடா... அதிரடி அதிராவே அரண்டு போயிடுவாங்க போலயே...