மனிதம் மறக்காதே மனிதா !

 

மதம் சொன்னதாம் மறந்து விடு மனிதா

மனிதம் உண்டே மறக்காதே மனிதா

மெய்ஞானமாம், விஞ்ஞானமாம் மனிதா

உன் ஞானம் பேச புறப்படுவாய் மனிதா

ஏசுவோரும், போற்றுவோரும் மனிதா

ஏதும் செவியில் ஏற்றிடாதே மனிதா

இனமாம், ஜாதியாம் கணக்கில்லை மனிதா

அன்பாய், அறமாய் கடந்து வா மனிதா

துன்பம் வரும் போதெல்லாம் மனிதா

துவண்டு போய் விடாதே மனிதா

துணிவே துணை என்று மனிதா

துணிச்சலுடன் எதிர் கொள் மனிதா

 லட்சங்களை இழந்தாலும் மனிதா

லட்சியங்களை மறக்காதே மனிதா

கோடிகளை துறந்தாலும் மனிதா

கொள்கைகளை கடைப்பிடி மனிதா

நாடு விட்டு பறந்தாலும் மனிதா

நாகரீகம் மறந்திடாதே மனிதா

கண்டம் விட்டு கடந்தாலும் மனிதா

கலாச்சாரம் மறவாதே மனிதா

திரைகடல் ஓடினாலும் மனிதா

திரும்பி வந்து விடு மனிதா

இங்கிலாந்து போனாலும் மனிதா

இந்தியனாய் வாழ்ந்து வா மனிதா

தரணியெங்கும் போனாலும் மனிதா

தமிழனாய் நிமிர்ந்து நில் மனிதா

தலைவனாக ஆனாலும் மனிதா

தலைக்கணம் கொள்ளாதே மனிதா

கற்றவைகளை களையாதே மனிதா

உற்றாரின் உறவு வேண்டும் மனிதா

பெற்றோர்களை மறவாதே மனிதா

பெற்ற செல்வமும் பறந்திடுமே மனிதா

பணம் மட்டும் வாழ்க்கையில்லை மனிதா

பந்த பாசங்களும் வேண்டியதே மனிதா

இன்பம் மட்டும் இணைந்து வராது மனிதா

இணைந்தே துன்பமும் கூட வரும் மனிதா

புதுக்கோட்டை பதிவர் திருவிழா நடத்தும் மின் இலக்கிய போட்டிகள் 2015க்காக எழுதப்பட்டது (வகை 4) கவிதை

 E 50 லட்சம் பொற்காசுகள் உங்களுக்கே D

பரிசு என அறிவித்து இருந்தார்கள் எனவே ‘’புதுக்கவிதை’’ என்ற வகையில் நான் எழுதியிருக்கும் இந்தக் கவிதையை என்னுடையது என்று உறுதி தருவதோடு போட்டிகள் முடியும் வரை வேறு தளங்களில் வெளியிட மாட்டேன் என்றும் உறுதி தருகிறேன்.

தமிழ் வாழ ! அந்தத் தமிழோடு நாமும் வாழ !

2015 புதுக்கோட்டை பதிவர் விழாவுக்கு அனைவரையும் வருக வருக என அன்புடன் அழைக்கும்

தேவகோட்டையான்

கில்லர்ஜி किल्लरजि കില്ലർജി  కిల్లర్ జి  Killergee كـــيللرجــــي

பாண்டுகுடி, பான்பராக் பானுமதி

பானுமிதி.

எல்லாம் விதியென்று மதியை உபயோகிக்காமல் வீடே கதியென்று வேலைக்கு செல்லாமல் வீட்டில் அடைந்து கிடக்கும் பதியை, சதி என்ன செய்வாள் ? நிதி பற்றாக்குறை வரும்போது தன் சாதி சனத்திடம் சொல்லி நீதி கேட்பாள் ? பின்பு என் மனைவி என்னை மதிக்கவில்லை, துதிக்கவில்லை சதித்து விட்டாள் என்றால், வேறு வழியின்றி தூக்கிப் போட்டு மிதிப்பாள், கஜபதி மனைவி பானுமதி.

அன்பு நட்புகளே வலைப்பதிவர் மாநாடு புதுக்கோட்டையில் நடப்பது உலகறிந்த விடயமே ஆகவே கையேடு தயாரிப்பதற்க்கு இன்னும் சில தினங்களே உள்ள காரணத்தால் தங்களது சுய விபரங்களை உடனடியாக பதிவு செய்து அனுப்பவும் அதற்க்கான படிவம் இதோ...

E என்னைச் சொடுக்கி தங்களை பதிவு செய்து கொள்ளவும் D

வலையுலக இதயங்களே... உலக தமிழ்ப் பதிவர்களின் முகம் பதித்த கையேடு நாளைய வரலாற்றின் சிறப்பு ஏடு

முகம் காட்ட மறுக்காதீர் முகவரியை மறைக்காதீர்

மேலும் விபரங்களுக்கு மின்னஞ்சல் முகவரி

bloggersmeet2015@gmail.com

தமிழைக் காப்போம், தரணியில் வாழ !

தமிழ் வாழ ! அந்தத் தமிழோடு நாமும் வாழ !

உலகில் ஆங்கிலத்துக்கு அடுத்த நிலையில் இணையத்தில் உலவி வருவது நம் தமிழ்மொழி என்பது நாம் அறிந்ததே இது தமிழர்களான நம் அனைவருக்கும் பெருமையான விடயமே...

இவைகள் நமது மறைவுக்குப் பின்னும் நிலைத்திருக்க, தொடர்ந்திருக்க நாம் அனைவரும் மொழியுணர்வுடன் நாம் உலகின் எந்த மூலையில் வாழ்வாதாரத்துக்காக வாழவேண்டிய சூழல் இருந்தாலும் நம் சந்ததிகளுக்கு தமிழ் மொழியை கற்றுக்கொடுத்து ஊக்கப்படுத்துதல் அவசியம் ஆகவே நாம் அனைவரும் இதையொரு உணவான, உணர்வான விசயமாக எடுத்துக் கொள்ளவேண்டும் தமிழின் சுவையை குழந்தைகளுக்கு உணவுடன் ஊட்டவேண்டும்.

உலகின் பழமையான ஆறு மொழிகளில் நமது இனிய தமிழும் ஒன்று இது எவ்வளவு பெருமைக்குறியது ஆகவே நேற்று வந்த ஆங்கிலம் உலகில் கொடிகட்டி பறக்கிறது பன் மொழிகள் பயின்ற எட்டையபுரத்துக் கவிஞன் சொன்னான்.

"யாமறிந்த மொழிகளிலே தமிழ்மொழிபோல் இனிதாவ தெங்கும் காணோம்" 

என... அந்தக் கவிஞனின் மொழி உணர்வை நாம் சிறிதளவாயினும் நினைத்துப் பார்த்தல் அவசியம் இன்றும் பல குடும்பங்களில் தமிழ் எழுத அறியாத, பேசத்தெரியாத தமிழ்க் குழந்தைகளை காணும் பொழுது நெஞ்சம் பதறுகிறது இதற்க்கு காரணம் குழந்தைகள் அல்ல பெற்றோர்களே... இந்நிலை நீடித்தால் நாளை நமது தமிழின் நிலை ? நினைத்துப்பாருங்கள் தமிழர்களே...

அகத்தியர், வள்ளுவன், ஔவையார், வளர்த்த தமிழ் நமது மொழி.

மேலும் தமிழ் வளர்த்த சான்றோர்கள்...

உ.வே.சாமிநாத அய்யர் இவர் மட்டும் இல்லை என்றால் எத்தனையோ இலக்கியங்கள் தமிழுக்கு கிட்டாமலேயே போயிருக்கும் “ஏடு காத்த ஏந்தல்” என்று அவரைச் சிறப்பிக்கிறார்கள்.

பரிதிமாற் கலைஞர் சூரிய நாராயண சாஸ்திரிகள் என்ற பெயரை பரிதிமாற் கலைஞராக மாற்றிக் கொண்ட தமிழறிஞர் வாழ்ந்து என்னவோ 32 ஆண்டுகள் தான், அதற்குள் தமிழுக்கு அவர் செய்த தொண்டுகள் அளப்பரியவை தமிழ்மொழியை “உயர்தனிச் செம்மொழி” என்று முதன்முதலாக நிலை நாட்டியவர் இவர்தான்.

தொ.பொ.மீனாட்சி சுந்தரனார் தமிழ் ஆய்வு உலகில் தொ.பொ.மீனாட்சி சுந்தரனார் ஒரு புதிய நெறியை உருவாக்கியவர். ராபர்ட் கால்டு வெல்லுக்கு அடுத்தபடியாக திராவிட மொழிகளின் ஒப்பியல் ஆய்வை வளம்பெற வளர்த்தவர் தொ.பொ.மீ. மொழியியல் துறையில் விரிவான மொழியியல் ஆய்வை ஏற்று வளர்த்தவர்.

மறைமலை அடிகள் தேகம். இது மகள் நீலாம்பிகை இசைத்த வள்ளலார் பாடலில் இருந்த ஒரு சொல். மறைமலை அடிகளுக்கு இதற்குப் பதிலாக “யாக்கை” என்ற தமிழ்ச் சொல் இருந்திருக்கலாமே என்று தோன்றியது. இது நடந்தது 1916ல். இந்த சம்பவத்தின் விளைவாகத் தோன்றியதே ‘தனித் தமிழ் இயக்கம்’. தமிழில் பிற மொழிக் கலப்பை பெரிய அளவில் நீக்கி தூய தமிழ் ஒளிரச் செய்த மாபெரும் இயக்கம் வேதாசலம் என்பதே மறைமலை அடிகளின் இயற்பெயர்.

தேவநேயப் பாவாணர் தமிழே, உலகின் அடிப்படையான செம்மொழி என்பதற்கான மிகச் சிறந்த வாதங்களை முன் வைத்த தமிழறிஞர். மொழிஞாயிறு தேவநேயப் பாவாணர். இவர் ஒரு சிறந்த சொல் ஆராய்ச்சி வல்லுநரும் கூட.

கா. அப்பாத்துரையார் அந்த தந்தைக்கு மகன் நாற்பது மொழிகள் கற்க வேண்டுமென ஆசை. ஆனால் மகன் கற்றது 18 மொழிகள்தாம்.  தந்தையின் ஆசையை நிறைவேற்ற முடியவில்லையே என்ற ஏக்கம் அவருக்கு இருந்தது. இதில் தமிழ், மலையாளம், சமஸ்கிருதம், இந்தி, ஆங்கிலம் ஆகிய மொழிகளில் அவர் பெரும்புலமை பெற்றார். அவர்தாம் பல்மொழிப் புலவர் கா.அப்பாத்துரையார். குமரிக்கண்டம் பற்றி முதலில் ஆய்வு செய்தவர் இவரே. அப்பாத்துரையார் இந்தி ஆசிரியராக வாழ்வைத் தொடங்கினாலும், இந்தி எதிர்ப்பை எதிர்கொண்டு துணைவியாருடன் சிறை புகுந்தவர்.

சிதம்பர நாத செட்டியார் கும்பகோணத்தில் 1907-ல் பிறந்தவரான பேராசிரியர் அ.சிதம்பர நாத செட்டியார், மாபெரும் தமிழ் அறிஞராகத் திகழ்ந்தார். சென்னைப் பல்கலைக் கழகத்தின் சார்பில் ஆங்கிலம் – தமிழ் – அகராதியை உருவாக்கி தமிழுக்கு பெரும் சேவை செய்யும் பணியை இவரிடம்தான் அப்போதைய சென்னைப் பல்கலைக்கழக துணைவேந்தர் ஏ.எல்.முதலியார் ஒப்படைத்தார்.

ஆபிரகாம் பண்டிதர் ஆகத்து 2, 1859-இல் பிறந்தவர். தமிழிசைக் கலைஞர், சித்த மருத்துவர், தமிழ் கிறித்தவ கவிஞர். ஆரம்ப காலத்தில் ஆசிரியராக பணியாற்றிய ஆபிரகாம் பண்டிதர், பின் தமிழ் இலக்கியத்திலும், தமிழ் மருத்துவத்திலும் கொண்ட ஆர்வத்தினால், முழு நேர மருத்துவராகப் பணியாற்றினார். இவர் தமிழிசைக்கு ஆற்றிய பணி சிறப்பானது. வாசிக்கும் பழக்கம் இருந்துள்ளது.

மு. வரதராசன் மு.வ. என்று சுருக்கமாக அழைக்கப்பட்ட மு. வரதராசன், இலக்கியக் கட்டுரைகள், ஆராய்ச்சி நூல்கள், சிறுகதைகள் மற்றும் நாவல்களுக்கும் புகழ் பெற்றவர். 1912-ம் ஆண்டு ஏப்ரல் 25-ல் பிறந்தார். தமிழில் வித்வான் படிப்பில் மாநிலத்தில் முதல் மாணவராக தேர்ச்சி பெற்றவர். 1939-ஆம் ஆண்டு சென்னை பச்சையப்பன் கல்லூரியில் கீழ்திசை மொழிகளில் விரிவுரையாளர் ஆனார். இவர் எழுதிய “தமிழ் இலக்கிய வரலாறு” நூல் இன்னமும் தமிழ் மாணவர்களுக்கு பயனாக உள்ளது.

வையாபுரிப் பிள்ளை 1891-ஆம் ஆண்டு அக்டோபர் 12-ஆம் நாள் பிறந்த ச.வையாபுரிப் பிள்ளை, 20-ஆம் நூற்றாண்டின் முதன்மையான தமிழ் ஆராய்ச்சியாளர்களுல் ஒருவர். சிறந்த பதிப்பு ஆசிரியராக விளங்கியவர். தொல்பொருள் மற்றும் ஒப்பிலிக்கிய சான்றுகளின் அடிப்படையில் தமிழ் இலக்கியங்களின் காலக்கணக்கை ஆராய முயன்றவர். தமிழில் மிக அதிக ஆர்வம் இருந்தும் சட்டக் கல்லூரியில் படித்து வழக்கறிஞராக 7 ஆண்டுகள் பணி செய்தார்.

மயிலை சீனி. வேங்கடசாமி சங்க கால இலக்கியம், வரலாறு, நுண்கலை, தொல்லியல் மற்றும் சமூகவியல் என ஆய்வறிஞர் மயிலை சீனி. வேங்கடசாமியின் பங்களிப்பு அளப்பரியது. இவரது தந்தை சீனிவாச நாயக்கர் ஒரு சித்த மருத்துவர். அவரது குடும்பத்தில் ஓலைச் சுவடிகள் மற்றும் நூல்களை சேகரித்து வந்தனர்.

ரா.பி.சேதுப்பிள்ளை

பேராசிரியர் ரா.பி.சேதுப்பிள்ளை எதுகை மோனையைப் பயன்படுத்தி மேடைப் பேச்சில் தமிழகத்தையே கட்டிப் போட்டவர். சொல்லின் செல்வர் என்று அழைக்கப்பட்ட இவர் பிறந்த ஊர் திருநெல்வேலிக்கு அருகில் உள்ள ராசவல்லிபுரம்.

இப்பேர்ப்பட்ட தமிழ் அறிஞர்கள் வளர்த்து தந்த தமிழைப் போற்றி காப்போம் என சூழுரைக்க புதுக்கோட்டை வாருங்கள் தமிழர்களே...

புதுக்கோட்டை பதிவர் திருவிழா நடத்தும் மின் இலக்கிய போட்டிகள் 2015க்காக எழுதப்பட்டது (வகை 1) கட்டுரைப்போட்டிக்கு 50 லட்சம் காசுகள் பரிசு என அறிவித்து இருந்தார்கள் எனவே ‘’கட்டுரை’’ என்ற வகையில் நான் எழுதியிருக்கும் இந்தக் கட்டுரையை என்னுடையது என்று உறுதி தருவதோடு போட்டிகள் முடியும் வரை வேறு தளங்களில் வெளியிட மாட்டேன் என்றும் உறுதி தருகிறேன்.

நான் போட்டிக்கு அனுப்பிய கவிதையைக் காண கீழே சொடுக்குக...

எழுச்சியோடு, எழுந்திடு பெண்ணே...

தமிழ் வாழ ! அந்தத் தமிழோடு நாமும் வாழ !

2015 புதுக்கோட்டை பதிவர் விழாவுக்கு அனைவரையும் வருக வருக என அன்புடன் அழைக்கும்

தேவகோட்டையான்

கில்லர்ஜி किल्लरजि കില്ലർജി  కిల్లర్ జి  Killergee كـــيللرجــــي

Mineral Water

டாக்டர், தெனோம் வயித்துவலி உசுரை எடுக்குது.

நேற்று என்ன சாப்பிட்டீங்க... ?

பொரட்டாதான்.

சரி புரோட்டாவுக்கு முன்னால என்ன சாப்பிட்டீங்க... ?

எழுச்சியோடு, எழுந்திடு பெண்ணே...

 எழுச்சியோடு விழித்திடு பெண்ணே

இது வேலு நாச்சியார் பிறந்த மண்ணே

லட்சியக் கனவுகள் உனக்கும் பெண்ணே

நிச்சயம் நிறைவேறும் புறப்படு முன்னே

வஞ்சக உலகமடி பெண்ணே

வஞ்சகர்கள் கவ்வட்டும் மண்ணே

வலையை வீசுவார்கள் முன்னே

வலையை கிழித்து எறி பெண்ணே

காமுக கயவர்கள் கூட்டம் பின்னே

வேர் அறுக்க விரைந்திடு பெண்ணே

வேங்கையென பாய்ந்திடு முன்னே

இது ஜான்சி ராணி பிறந்த மண்ணே

புலியென பாய்ந்திடு முன்னே

படைகள் உண்டு உனக்கும் பின்னே

பாரதி கண்ட புதுமைப் பெண்ணே

பாவிகளை அழித்துவிடு நின்னே

விண்ணில் பறந்திடு பெண்ணே

வீர முழக்கம் இடு முன்னே

இது வீரம் விளைந்த மண்ணே

நீ வீரத்தாய் பெற்ற பெண்ணே

புரட்சிகள் செய்திடு பெண்ணே

புதுமைகள் பிறக்கட்டும் மண்ணே

எதிலும் கலங்கி விடாதே கண்ணே

எட்டுத் திசையும் நமது மண்ணே

எதிலும் நிலை கொண்டு பெண்ணே

எதிரிகளை துரத்தி விடு பின்னே

எண்ணம் சரியெனில் கண்ணே

வெற்றிகள் உமது காலடி முன்னே

“வலைப்பதிவர் திருவிழா-2015” நிகழ்விற்கென, தனியே ஒரு வங்கிக் கணக்குத் தொடங்கப்பட்டுள்ளது நிதி வழங்குவோர் கவனத்திற்க்கு அந்தக் கணக்கு விவரம் வருமாறு’’

NAME - MUTHU BASKARAN N
SB A/c Number - 35154810782
CIF No. - 80731458645
BANK NAME - STATE BANK OF INDIA, 
PUDUKKOTTAI TOWN BRANCH 
BRANCH CODE - 16320
IFSC - SBIN0016320

புதுக்கோட்டை பதிவர் திருவிழா நடத்தும் மின் இலக்கிய போட்டிகள் 2015க்காக எழுதப்பட்டது (வகை 3) பெண்களுக்கான எழுச்சிக் கவிதை 50 லட்சம் பொற்காசுகள் உங்களுக்கே பரிசு என அறிவித்து இருந்தார்கள் நான் புத்தரின் பேரனா ? எனக்கும் ஆசை உண்டு ஆகவே நானும் கோதாவில் குதித்தேன் பரிசு கிடைத்தால் வீட்டுக்கு கிடைக்கா விட்டால் நாட்டுக்கு எனவே ‘’புதுக்கவிதை’’ என்ற வகையில் நான் எழுதியிருக்கும் இந்தக் கவிதையை என்னுடையது என்று உறுதி தருவதோடு போட்டிகள் முடியும் வரை வேறு தளங்களில் வெளியிட மாட்டேன் என்றும் உறுதி தருகிறேன்.

தமிழ் வாழ ! அந்தத் தமிழோடு நாமும் வாழ !

2015 புதுக்கோட்டை பதிவர் விழாவுக்கு அனைவரையும் வருக வருக என அன்புடன் அழைக்கும்

தேவகோட்டை

கில்லர்ஜி किल्लरजि കില്ലർജി  కిల్లర్ జి  Killergee كـــيللرجــــي