சுள்ளுவாடி, சுள்ளான் சுனில்தத்

 சுள்ளுவாடி என்ற ஊரில் சுள்ளான் ஒருவன் இருந்தான் அவனது பெயர் சுனில்தத் இவனை பெயரைச் சொல்லி அழைக்கவே மக்கள் பயப்படுவார்கள் காரணம் இவன் வாயிலிருந்து வேறு மாதிரியான எடக்கு மடக்கான பதில்கள் கேள்விகள் போன்றே வரும். சரியான உச்சரிப்பில் கேட்டாலும் இவன் திறித்து விடுவான் எமகாதகன் இந்த வார்த்தையை படித்ததோடு மறந்து விடுங்கள் அவனிடம் கேட்டால் உங்களுக்குத்தான் பிரச்சனை.

காலை 06:00 மணி பேருந்து நிறுத்தம் வந்த மொக்கைராசு திண்டில் உட்கார்ந்து இருந்த சுள்ளானை பார்த்ததும் இவனிடம் கேட்போம் என்று...

ஏண்டா சுள்ளா பொதுவக்குடி வண்டி போயிருச்சா ?

பொதுவா குடிகாரங்கே கேட்கிற கேள்வி நீ எதற்கு கேட்கிறே ?

கேட்ட கேள்விக்கு பதில் சொல்ல மாட்டியாடா ?

இதுக்குப்பேரு கேள்வி இல்லை தகவல்.

உன்னிடம் கேட்டதுக்கு என்னை பழைய செருப்பை கழட்டி அடிச்சுக்கிறணும்

என்னோடது புதுசு தரமுடியாதே.... யாரு செருப்பை வாங்கி அடிப்பே ?

உங்கிட்டே மனுசன் பேச முடியாது அதோ கொறடு முத்தன் வர்றான் அவன்ட கோர்த்து விடுறேன் டே... கொறடு முத்தா... சுள்ளான் ஏதோ கேட்கணும்மாடா....

என்னடா சுள்ளா என்ன விசயம் ?

மொட்டையா விசயம்ணு கேட்டால் எந்த விசயத்தை சொல்லச் சொல்றே... ?

இவன் சொன்னானே அந்த விசயம்தான் ?

அவன் நிறைய விசயம் சொன்னான் அதுல எதை சொல்லணும் ?

கடைசியா... சொன்னதை சொல்லு... ?

உன் பொண்டாட்டி காளியம்மாளும், கிழக்குத்தெரு கிடுக்கிப்புடி கிருஷ்ணனும் வடக்குப் பிஞ்சை தோப்புக்குள்ளே போனதை உங்கிட்டே சொல்லிடுவேன்னு உன் பொண்டாட்டி வீட்டுல தனியா இருக்கும்போது இவன் மிரட்டி பணிய வச்சானாமே அதையா சொல்லச் சொல்றே... ?

சட்டென்று மொக்கைராசு பக்கமாக திரும்பிய கொறடு முத்தன் தலைப்பாவில் கட்டியிருந்த கறுக்ருவாளை எடுத்ததுதான் தாமதம் குறுக்கே வாய்க்காலில் விழுந்து வயல்காட்டுக்குள் ஓடினான் மொக்கைராசு.

இதையெல்லாம் முக்கத்தில் குடிசையில் டீக்கடை போட்டு நடத்திக் கொண்டு இருந்த நடராஜன் அண்ணன் பார்த்து விட்டு கேட்டார்.

ஏண்டா... சுள்ளா காலையிலேயே ஆரம்பிச்சு வச்சுட்டியா ?

நடராஜண்ணே ஒரு டீ கடன் கொடுக்க மாட்றே அதோ அத்தாச்சி இட்லி மாவு தூக்கிட்டு வருது... சாயங்காலம் பூட்டுற டீக்கடையை ராத்திரி எட்டு மணிக்கு திறந்து மோந்தைக்காடு ஆரவல்லியோடு உள்ளே போறியே உன்னோட கதையை அவுத்து விடவா ?

டே நல்லா இருப்படா சாமி இதோ காசே வேண்டாம்டா குடிச்சுட்டு இடத்தை காலி பண்ணுடா இனிமேல்தான் வியாபாரம் தொடங்கணும்.

எனக்கு ஓசி டீ எல்லாம் வேண்டாம் நாங்க அந்தப் பரம்பரையில வரலே கடனுக்குத்தானா கொடு.

அப்படினா போன வருசத்து பாக்கியைத் தர வேண்டியதுதானே வெண்ணே ?

என்ன ரொம்ப பேசுறே... துபாய்லருந்து பணம் வரவேண்டியது இருக்கு ரெண்டு நாளைல உன் பாக்கியை வாங்கிக்க...

இப்படித்தானடா... எங்க ஐயா காலத்துலருந்து உங்க அப்பனும் சொன்னான். ?

சரி இப்ப பாக்கி வேண்டாம்னா விடு.

கடைக்குள் நுழைந்த நடராஜனின் மனைவி மங்காத்தாள் கேட்டான்.

என்னங்க சுள்ளான் ஏதோ வேண்டாம்னா விடுனு சொல்றான் ?

அது ஒண்ணும் இல்லை அத்தாச்சி நான் தரவேண்டிய பாக்கியை அண்ணன் வேண்டாம்னு சொல்றாரு... நீ சொல்லு அத்தாச்சி பாக்கி வேண்டாமா ?

ஏங்க சுள்ளான்தான் பாக்கியை தாரேனு சொல்றதை எதுக்கு வேண்டாம்னு சொல்றீங்க ?

அடி கூறு கெட்ட கூதரை உனக்கு விசயமே தெரியாது அடுப்பை பத்தவச்சு போண்டாவை போடுடி போக்கத்தவளே...

சுள்ளா எந்த விசயம்டா தெரியாதுனு சொல்றாரு... ?

அதான் அந்தாச்சி முந்தாநாள் டவுனுல டூரிங் டாக்கீசுல படம் பார்க்க வந்தேன்ல... எனக்கு முன்னாலே உட்கார்ந்து இருக்கும்போது சுண்டல் பொட்டணம் எனக்கு வாங்கி கொடுத்தீங்கள்ல... அதுக்கும் சேர்த்து பாக்கியோட தர்றேன்னு சொல்றேன் அண்ணன் வேண்டாம்ங்கிறாரு....

என்று சொல்லி விட்டு நடராஜன் பார்க்காத நொடியில் கண்ணைச் சிமிட்டியதும் மங்காத்தாளுக்கு சர்வமும் அடங்கியது. இவன் முந்தாநாள் டூரிங் டாக்கீஸ் வந்தானா ? இவனுக்கு நாம் எப்போ சுண்டல் பொட்டணம் வாங்கி கொடுத்தோம் ? கண்ணைச் சிமிட்டுறானே... ஒருவேளை நம்ம பக்கத்துல உட்கார்ந்து இருந்த தண்டோரா தண்டபாணியையும் பார்த்து இருப்பானோ ? அமைதியா இருந்துடுவோம் இல்லைனா... நம்ம புருஷன்டே தண்டபாணியோடு படத்துக்கு போனதை பத்த வச்சுட்டு போயிருவான். என்று நினைத்தவள் சட்டென அடுப்பை பற்ற வைத்து போண்டாவை ஊற்றினாள்.

பெஞ்சில் அட்டணக்கால் போட்டுக் கொண்டு தினத்தந்தியை படித்துக் கொண்டு இருந்த சுள்ளான், மங்காத்தாள் கொட்டானில் கொட்டிய போண்டா ஒன்றை சுடச்சுட எடுத்து கடித்துக் கொண்டு கம்மாக்கரை பக்கமாக நடந்து போனவனை, மனமொத்த தம்பதிகள் இருவரும் பயத்துடன் தனித்தனியாக பார்த்துக் கொண்டு இருந்தார்கள். டீக்கடையை நோக்கி மக்கள் வர ஆரம்பித்தார்கள் கிழக்கு திசையில் இவர்களை கண்டு சூரியன் சிலிர்ரித்து எழுந்தான்.

ChavasRegal சிவசம்போ-

என்னங்கடா ஊரு இது நாறப்பயல் ஊரா இருக்கும் போலயே.... ? மஞ்சனத்தி மரத்துக்கு மச்சினிச்சி மறு சீராம் பழமொழி செரிதான் போலிருக்கு...

சாம்பசிவம்-

எவனுமே பதில் சொல்ல மாட்றாங்களே... கேள்வியாத்தானே கேட்குறாங்கே ?

சிவாதாமஸ்அலி-

இவங்க மனமொத்த தம்பதிகளா.... நாம நிச்சயம் இந்த ஊருக்கு போகணும் அட்லீஸ்ட் போண்டா திங்கவாவதூ.

காணொளி