எனக்கு அகவை முந்நூறு

நண்பர்களே... மேலே மேற்படியார் சொல்லி இருப்பதை பார்த்தீர்களா ? இவர் நூற்றி ஐம்பது வருடம் வாழ்வாராம். இருக்கட்டும் நானும்கூட முந்நூறு வருடம் வாழப்போகிறேன் அதற்கான ஆய்வை முடித்து விட்டேன். அந்த ஆய்வு ரகசியம் எமது சீடர்களால் எப்படியோ கசிந்து இவரது கைக்கு போய் விட்டது போல... பரவாயில்லை எனது ஆய்வில் பாதிதான் கிடைத்து இருக்கிறது ஆகவே நூற்றி ஐம்பது வருடம். நான் முந்நூறு அல்லவா...
 
நான்கூடத்தான் பதினாறு அகவையைப்போல் இருக்கிறேன். இதை எல்லாம் வெளியில் சொல்லக்கூடாது இருப்பினும் இவரைப் போன்றவர்களால்தான் எனது ஆய்வு வெளியாகி விட்டது. சரி இவர் சொன்னது உண்மைதான் என்று சமூகம் நம்பி விட்டது என்றே வைத்துக் கொள்வோம். இந்த ரகசியத்தை பிறகு வெளியிடுவாராம். பிழைக்கத் தெரியாதவர். நான் இந்த ஆய்வை உலக அளவில் ஐ.நா.சபையில் பதிவு செய்து அமெரிக்க அதிபராக பதவி வகிக்க திட்டம் போட்டேன் அதில் இவரால் மண் விழுந்து விட்டது.
 
சாதாரணமானவர்களுக்கு முதலமைச்சர் பதவி பெரிதுதான் போலும். எனக்கு அப்படியல்ல நான் வேற மாதிரி இருப்பினும் ஸ்பைடன் பதவியைவிட உயரமானது எதுவென்று ஆராய்ந்து அந்த பதவிக்கு குறி வைத்து இருக்கிறேன். விடமாட்டேன் நான், யாராவது குறுக்கே வந்தால் ஜேம்ஸ் ஊரணியில் தள்ளி விடுவேன்.
 
ஸரத்து பொய் சொல்லலாம் ஆனா இப்படி ஏக்கர் கணக்கா விடக்கூடாது. மக்களை எவ்வளவு இழிவாக, அடிமுட்டாளாக நினைத்து விட்டீர்கள் ? 2026-ல் முதலமைச்சர் ஆக்கினால்தான் இந்த ரகசியத்தை சொல்லுவீங்களோ... ? இவ்வளவு காலம் வாழும் போது உங்களுக்கு மனைவி துணை வேண்டுமே... அதற்கு மீண்டும் திருமணம் செய்வீர்களோ ? காரணம் நிச்சயம் வருடம் 2104 மே 29 வரையில் ராதிகா அவர்கள் இருக்க மாட்டார்கள். ஏனென்றால் அவரும் சேர்ந்து இருப்பார் என்று நீங்கள் சொல்லவில்லையே... அடுத்து திருமணம் செய்வது குடும்பத்து பெண்களா ?
 
நிச்சயமாக உங்களுக்கு பெண் கொடுக்க மாட்டார்கள். காரணம் வயது கூடி விட்டது என்று மேலும் ஏற்கனவே நடிகையை மணப்பதற்காக கட்டிய மனைவியை விவாஹரத்து செய்தவர் தாங்கள். மற்றபடி தேகபலம் உள்ளவர்தான். அதைப் பார்த்தாலே தெரிகிறது. மக்களை குடிக்க வைத்து அரசாளும் திராவிடக்கட்சிகளுக்கும் உங்களுக்கும் வித்தியாசம் உண்டா ? சாராய உற்பத்தி ஆலையை நடத்தும் கட்சி நாங்கள் ஆட்சிக்கு வந்தால் ? மதுவிலக்கு என்று சொல்வதை நம்பி மக்கள் வாக்களிக்கின்றார்கள்.
 
ஆகவே சிந்தை இல்லாத மக்களிடம் எப்படி வேண்டுமானாலும் வாக்குறுதி கொடுக்கலாம். அதை வைத்து நாடாளலாம். என்ற ஆசையா ? உங்களுக்கெல்லாம் மனசாட்சி என்ற ஓர் உறுப்பு இருக்கின்றதா ? மனசாட்சிக்கு உருவம் கிடையாதோ... சாதியுணர்வை விட்டு வெளியே வாருங்கள். எல்லா சமூக்கத்து மக்களும் உங்களை மட்டுமல்ல எல்லா தலைவர்களையும் ஆள விடுவார்கள்.
 
கில்லர்ஜி அபுதாபி
 
Chivas Regal சிவசம்போ-
ஸ்பைடன் பதவியைவிட உயரமானது மேலோக பதவிதான். மேலேதான் அனுப்பி விடணும்.
 
சிவாதாமஸ்அலி-
90 வயசு வரையில் சொத்து சேர்த்து வாழ்ந்தவங்களே பொய் சொல்ற போது 150 வயசு சொல்லலாம்.