ஐந்தாண்டு வெட்கம்

இதைக்கண்டு வெட்கப்பட வேண்டியவர்கள் யார் ? ஆட்சியாளர்களா ? இல்லை, வாக்களித்த மக்கள்தான் வெட்கபடல் வேண்டும் நமக்குத்தான் ஐந்து ஆண்டு கழித்தும்கூட சூடு, சொரணை வருவதில்லையே அப்புறம் எப்படி ? வெட்கப்படமுடியும் காரணம், நமக்கு மறதி கூடுதலாகி விட்டது அன்றாட வாழ்வில் நம் குழந்தைகள் எவ்வளவு கஷ்டப்பட்டு பள்ளி சென்று வருகிறார்கள் எந்த ஒரு அரசியல்வாதிகளாவது இதில் பயணம் செய்திருக்கிறார்களா ? இல்லையே ஏன் ? 

ஒருவேளை ''படியில் பயணம் நொடியில் மரணம்'' என்பதால் படியே வேண்டாமென முடிவு செய்து விட்டார்களோ ? மானிடா, எத்தனை பிரச்சனைகளுக்கு கூடுகிறாய் ஏன் இது நமது பிரச்சனை இல்லையா ? 

திரைப்படத்துறையினர் வீடு இல்லாமல் கஷ்டப்படுகிறார்கள் என்பதால் அரசாங்கம் வீடு கட்டி கொடுப்பதற்கு ஒன்றுகூடி ஆதரவு கொடுக்கிறாய்.

நானாட, நாயாட என தமிழ்க்கலாச்சாரத்தை கட்டிக்காத்து, குஷ்சு புஸ்சுவென்று கலகலவென மாமேன், மச்சான் எனபேசும் நீதிபதிகள் சொன்ன காரணத்திற்காக இளைய தலைமுறையினருக்கு SMS கொடுத்து ஊக்கு விற்கிறாய்.

சுனாமியில் பாதிக்கப்பட்ட மக்களுக்கு உதவ திரைப்படநடிகர்கள் அவர்களிடம் பணமில்லாததால் கிரிக்கெட் நடத்தி வசூல் செய்கிறார்கள் அவர்களுக்கு கிரிக்கெட் விளையாட தெரியாதென்றாலும் நல்லகாரியம் என்பதால் நீயும் ஒருநாள் வேலையை கெடுத்து மூன்று நாள் சம்பளத்தை கொடுத்து கொளுத்தும் வெயிலில் நின்று டிக்கெட்டு எடுத்து சுனாமியில் பாதிக்கப்பட்ட மக்களுக்காக கிரிக்கெட் பார்க்கிறாய்.

கூடங்குளம் அணுமின் நிலையத்தை எதிர்க்கிறாய், மூலை முடுக்குகளிலிருந்து மூடச்சொல்லி குரல் கொடுக்கிறாய் அது யார் பணத்தில் கட்டியது ? மக்கள் பணமல்லவா ? நமக்கு உண்மையிலேயே பொருப்புணர்வு இருந்திருந்தால் ? தொடக்கத்திலேயே தடுத்திருக்க வேண்டுமே இல்லையே என்ன காரணம் ? இதனால் மக்கள் உயிருக்கு ஆபத்து என்றால் அது ஏற்றுக் கொள்ளக்கூடியதா ? நிச்சயமாக இல்லை. 

எனெனில் சென்னையின் இதயப்பகுதி கல்ப்பாக்கத்தில் அணுமின் நிலையத்தை வைத்து நாம் பாதுகாத்து வருகிறோமே அது எப்படி ? எத்தனை உன்னதமான அரசியல்வாதிகள் சென்னையில் வாழ்கிறார்கள் அவர்களின் நலனைப்பற்றி அவர்களுக்கு அக்கறை இருக்காதா ? 

அணுமின் நிலையம் பாதுகாப்பு உறுதியாக உள்ளதால்தானே அடுத்தஏழாவது தலைமுறைக்கும் தேவையென கோடி கோடியாக சம்பாரித்து SWISS BANKல், போட்டு பாதுகாத்து வைக்கிறார்கள் இது ஏன் மக்களுக்கு விளங்குவது இல்லை ?