கேப்பையில் டால்டா

தமிழ் திரைப்படங்களில்... கதைக்காக கசாநாயகனா ? கசாநாயகனுக்காக கதையா ? என்பது இதுவரை விளங்கவில்லை கசாநாயகன் ஒரு போலீஸ் அதிகாரி என்றால் காவல்துறை மிகமிக கண்ணியமாக, நியாயமாக, காவலர்கள் மிகப்பெரிய வீரர்களாக, பொதுமக்கள் கசாநாயகனை கண்டால் மரியாதை கொடுக்கிறார்கள் ரௌடிகள் பயப்படுகிறார்கள் நல்லவனாக சித்தரிக்கப்படுகிறது.

அதேநேரம் போலீஸ் அதிகாரியாக வில்லன் இருக்கிறார் என்றால் காவல் துறையினர் அநியாயக்காரர்களாக, லஞ்சம் வாங்குபவராக, அரசியல்வாதிகளின் கைத்தடிகளாக, அங்காடிகளில் மாமூல் வாங்குபவராக, பாவப்பட்ட பெண்களின் கற்பை சூறையாடுபவராக, பொதுமக்கள் அவரைக் கண்டால் பயப்படுகிறார்கள், மொத்தத்தில் அயோக்கியனாக சித்தரிக்கப்படுகிறது. ஆனால் கசாநாயகன் இவருக்கு பயப்படமாட்டார் பொது இடத்தில் வைத்து போலீஸ் அதிகாரியை சர்வ சாதாரணமா அடித்து விட்டு போய்க் கொண்டே இருப்பார் போலீஸ் அதிகாரி கையில் துப்பாக்கி இருக்கும் சுடமாட்டார், ஆனால் இதே போலீஸ் அதிகாரி ஏற்கனவே பொது இடத்தில் வைத்து பதிமூன்று பேரை சுட்டுக்கொன்று விட்டு பைலை மூடியிருக்கிறார், யாருமே கேட்டதுமில்லை, ஆனால் கசாநாயகனை மட்டும் சுடாமல் வசனம் பேசுவார்

//உன் சாவு என் கையிலதான்//

என்று இதன் அர்த்தம்

//என் சாவு உன் கையில்தான்//

என நாம் புரிந்து கொள்ள வேண்டும் இத்தனைக்கும் கசாநாயகனுக்கு எந்த பதவியும் கிடையாது ஒரு வேலையும் இல்லாமல் கசாநாயகியை கடைசிவரை டாவடித்து கொண்டிருப்பார்.

அதே நேரம் போலீஸ் அதிகாரியாக நகைசுவை நடிகர் இருக்கிறார் என்றால் காவல் துறையினர் கோமாளியாக, பயப்படுபவனாக, ரௌடிகள்கூட இவரை தூக்கிப் போட்டு மிதிப்பார்கள் கசாநாயகன் போலீஸ் ஸ்டேஷனுக்குள் போய் அதிகாரிகளை கேள்விகள் கேட்பார் அந்த அதிகாரிகளால் ஒன்றும் செய்ய முடியாது காரணம் இவர் கசாநாயகனாம் அவர்கள் சாதாரண நடிகர்களாம். ஒரு போலீஸ் அதிகாரி அவர் மனைவியோடு ஹோட்டலில் சாப்பிடும்போது கசாநாயகன் அவர் மனைவியை ஓசியில் கூப்பிட்டால் கூட ஒருத்தன்கூட வரமாட்டான் என்று டாவடிப்பார் இதைக் கேட்டும் கூட இந்த போலீஸ் அதிகாரியால் ஒன்றும் செய்ய முடியாது காரணம் இவர் காமெடியனாம் ? ? அவர் கசாநாயகனாம் ? ?

ஏண்டா... டேய் என்னாங்கடா... நியாயம்... உங்களுக்கெல்லாம் மனசாட்சி இருக்கா என்ன ? சரி உண்மையிலேயே போலீஸ் அதிகாரிகள் நல்லவர்களா ? கெட்டவர்களா ? கோமாளிகளா ?

பதில் சொல்ல வேண்டியது சென்ஸார் போர்டு அதிகாரிகள்தான் காரணம் திரைத்துறையினர் என்பது தனியார் போலீஸ் அதிகாரிகளும் சென்ஸார் போர்டு அதிகாரிகளும் அரசாங்க ஊழியர்கள் ஒரு அரசாங்க ஊழியர் அவமதிப்படுவதை மற்றொரு தடுக்க வேண்டிய அரசாங்க அதிகாரி அனுமதிப்பது ஏன் ?

Chivas Regal சிவசம்போ-

ஏதோ... நாரதர் வேலை மாதிரி தெரியுது.... ஆனா சரியாத் தெரியலையே..

காணொளி

நட்பூக்களே அபுதாபியில் பல வருட எனது தேடுதலின் சேகரிப்பை இங்கு தொகுத்து ஒரு முழுமையான திரைப்படம் அளவு செய்து இருக்கிறேன் ஆகவே நேரமிருக்கும் பொழுது அவசியம் காணுக – கில்லர்ஜி