ச்சீ இந்த ஜூஸ் புளிக்கும்

இப்பதிவின் முந்தைய தொடர்ச்சி கீழே சொடுக்குக...

பதினெட்டாம்படி கருப்பர் துணை

நண்பர்களே இவைகளை எல்லாம் கடந்து நாம் இந்த நாட்டில் லைசென்ஸ் வாங்கி விட்டோம் என்றால் அது மிகப்பெரிய சாதனைதான் நம்நாட்டில் கல்லூரிப் படிப்பை முடித்து சான்றிதழ் வாங்கியவன் நிலையே என்றால் அது மிகையாகாது இதற்கான கால அளவுகள் ஒரு வருடத்தையும் தாண்டலாம் செலவுகள் எமராத் திர்ஹாம்ஸ் நான்காயிரத்திலிருந்து ஆறாயிரம்வரை ஆகலாம் அதையும் கடந்தும் போகலாம்.

இந்திய லைசென்ஸ் இருந்தால் அதை வைத்து சிறிய அளவு செலவோடு டெஸ்ட்டுக்கு போகலாம் தவறினால் ? ? ? நான் முதலில் இருந்து புரோட்டா திங்கிறேன் நீ எண்ணு மாப்ளே என்ற சூரியின் கதைதான். எனது அலுவலகத்தில் பத்து வருடமாக முயன்று பத்தாயிரம் திர்ஹாம்ஸ் செலவு செய்து ச்சீ இந்த ஜூஸ் புளிக்கும் என்று கைவிட்ட மலையாளி ஒருவன் உண்டு இவ்வளவு மாற்றம் கொண்டு வரக்காரணம் என்ன ? இவையெல்லாம் எந்த நாட்டு சட்டங்கள் தெரியுமா ? உலகிலேயே 0 % விபத்துக்கள் எந்த நாட்டில் நடக்கின்றது தெரியுமா ? நண்பர்களே அந்த இடத்தை இன்றுவரை பிடித்துக் கொண்டு இருப்பது ஸ்வீடன் நாடு மட்டுமே ஆம் ஸ்வீடன் மட்டுமே இது எவ்வளவு பெரிய பெருமை இதன் காரணமாகத்தான் அந்த நாட்டு போக்குவரத்து சட்டத்தை கையில் எடுத்துக் கொண்டது எமிரேட்ஸ் நாடு. நல்லதை யார் சொன்னால் என்ன ? அதைக் கேட்டுக் கொள்வதில் தப்பில்லையே...

இந்திய ஆட்சியாளர்களே... நாமும் இதை கையிலெடுத்தால் என்ன ? ஹூம் ஊமையன் சொல்வது செவிடன் காதில் கேட்கவா போகிறது ?  

அதன் பிறகு இந்த நாட்டில் விபத்துக்கள் குறைந்து கொண்டே...... வருவதாக புள்ளி விபர கணக்குகள் சொல்கிறது நண்பர்களே இதை நானும் ஆமோதிப்பேன் ஆம் எனது அலுவலக ஃபைல்களில் இறந்தவர்களின் பேப்பர்கள் வரும் பொழுது அதில் இறந்தவனின் வயதைப் பார்ப்பேன் அதிக பட்சமாக இருபது வயதிலிருந்து நாற்பது வயது வரையே இருக்கும் மரணத்தின் காரணத்தைப் பார்ப்பேன் அதிக பட்சமாக விபத்துக்களே ஆனால் இன்று அந்நிலையில் மாற்றம் உள்ளதை நான் எனது வேலையின் காரணமாக, அனுபவத்தின் வாயிலாக உணர்கின்றேன் இது எனது தனிப்பட்ட கருத்தே காரணம் டிரைவிங் ஸ்கூலின் படிப்பு முறை படிக்கும் பொழுதே விபத்து நடந்தால் அதன் பாதிப்பு எப்படியிருக்கும் என்பதை நமது கண்முன் நிறுத்தி ஒருவித பயத்தையும் படிக்க வைப்பதே இதன் முதன்மையான காரணம் ஒரு காரை ஸ்டாண்டில் நிறுத்தி பெல்ட் அணியாவிட்டால் ? விபத்து நடக்கும் பொழுது நமது நிலைப்பாடு எப்படி ? என்பதை ஒரு பொம்மையை வைத்துக் காண்பிக்கும் பொழுது ஆறறிவு உள்ளவன் கண்டிப்பாக உணர்ந்து கொள்வான் முதலில் தியரி க்ளாஸில் சட்ட திட்டங்களை சொல்லிக் கொடுத்து விடுகின்றார்கள்.

ஒரு உண்மைச் சரித்திர நிகழ்வு இந்த சட்டத்தை முதன் முதலாக ஸ்வீடன் நாடு வகுக்கும் பொழுது அந்த நாட்டில் ஒரு போஸ்ட் ஆஃபீஸில் சாதாரண குமாஸ்தாவாக பணியாற்றி ஓய்வு பெற்ற ஒரு எழுபத்து இரண்டு வயது பெரியவருக்கு விருது கொடுத்து கௌரவித்து இருக்கின்றார்கள் எதனால் தெரியுமா ? அவர் லைசென்ஸ் எடுத்து ஐம்பது ஆண்டுகள் நிறைவடைந்து விட்டது ஐம்பது ஆண்டுகளாக காரும் வைத்திருக்கின்றார் இந்த ஐம்பது வருடத்தில் ஒருநாள்கூட சிறிய அளவில்கூட அவர் விபத்தில் சிக்கவில்லை இதற்காகத்தான் அவருக்கு விருது அவரிடம் ஒரு கேள்வியும் கேட்கப்பட்டது

இது உங்களால் சாத்தியமானது எப்படி ?

அவர் சொன்ன பதில் என்ன தெரியுமா ?

///நான் கார் ஓட்டிப்போகும் பொழுது சாலையில் எனக்கு முன்னும் பின்னும் காரோட்டி வரும் அனைவரும் கண்களைக் கட்டிக்கொண்டு ஓட்டுகின்றார்கள் ஆகவே நாம் மட்டுமாவது கண்களைக் திறந்து கொண்டு ஓட்டுவோம் என்று நினைத்து ஓட்டினேன்///

இப்படி நாம் அனைவருமே நினைத்தால் எப்படியிருக்கும் ? விஞ்ஞான வளர்ச்சியின் காரணமாக கார்கள் பெறுகி வருவதை நாம் தடுக்க முடியாது ஆனால் விபத்துக்களை குறைக்க முயற்சிக்கலாமே... விபத்துக்கள் குறைந்தால் நமக்கு லாபமா ? நஷ்டமா ? என்பதை சிறிது ஆலோசித்து பார்ப்போமே...

நான் ஃப்ரான்ஸ் நாட்டுக்குப் போயிருந்த பொழுது மியூசியத்தில் சுற்றிக்கொண்டு இருந்தேன் ஒரு திடீர் நண்பர் கிடைத்தார் அவர் நம் இந்திய நாட்டின் ஆந்திராவைச் சேரந்தவர் பரஸ்பரம் புகைப்படம் எடுப்பதில் உதவிக் கொண்டதில் பழக்கம் அவர் ஸ்வீடன் நாட்டில் வேலை செய்வதாகவும் சுற்றிப் பார்ப்பதற்காக ஃப்ரான்ஸ் வந்ததாகவும் சொன்னார் அவரை விட்டு பிரிந்தவுடன்தான் எனக்கு ஞாபகம் வந்தது அந்த நாட்டின் போக்குவரத்து விதிமுறைகளைக் குறித்து கேட்க மறந்து விட்டது ஸ்வீடன் என்றாலே எனக்கு சத்ய நாராயணா என்ற அவரின் ஞாபகம் வந்து விடும் நானும் அபுதாபியில் தேடினேன் ஸ்வீடன் நாட்டு மனிதரிடம் பழகும் வாய்ப்பு கடைசிவரை கிடைக்கவே இல்லை.

.

சரி அடுத்து நான் லைசென்ஸ் எடுத்த லெட்சணத்தை பார்ப்போமா ?

 கார்கள் இன்னும் வரும்....