ஆறுதல் மொழிகள் ஆறு

   கொலைவெறி எழுத்தாளர் கொங்குமுடி மரணத்துக்கு அஞ்சாதவர் சிறந்த கவிஞரும்கூட அவரது மனைவியிடம் உணவு வேண்டும் என்பதைக்கூட கவிதை நடையில் சொல்லியே கேட்பார் மனைவி மங்குனியோ எல்லாம் விதி என்று வாழ்வைக் கழித்துக் கொண்டு இருக்கிறாள். இந்தச் சூழலில் அவரது நண்பர் சாபக்கேடு சாவக்கட்டி பேருந்து விபத்து ஒன்றில் சிக்கி சின்னா பின்னமாகி மாஞ்சாக்காடு மருத்துவமனையில் தீவிர சிகிச்சை பெற்றுக்கொண்டு வருகிறார். அவரால் தற்சமயம் பார்க்கவும், கேட்கவும் மட்டுமே இயலும் அவரைக் காணச்சென்ற கொங்குமுடி அரளிப் பூச்செண்டு வாங்கிக் கொண்டு சென்றவர்.

சற்று நேரம் அமைதியாக பேசாதிருந்தவர் நண்பரைத் தோளில் தட்டிக் கொடுத்து எனதருமை நண்பா சாவக்கட்டி சாவின் வாயைக் கட்டிவிடு இதோ உனக்காகவே நான் எழுதிய கவிதை படிக்கின்றேன் கேள். என்றதும் சாவக்கட்டியின் மனைவி அறையை விட்டு வெளியேறினார் உடன் தொடர்ந்து படித்தார் கொலைவெறி எழுத்தாளர் கொங்குமுடி..

மரணம் நம்மைத் தழுவும் பொழுது நாம்

அதை அணைத்துக் ‘’கொல்ல’’வேண்டும்.

மரணம் நெருங்கும் பொழுது விலகி விடும்

விலகும் பொழுது நெருங்கித் தொடும்.

காலன் வருவதைக் கண்டால்

மரணஅடி கொடுக்க முயற்சி.

மரணத்தின் தருவாயிலாவது

மனிதத்தை நேசித்துப்பார்.

உன்னுடைய மரணம் பிறருக்கு

சந்தோஷத்தை கொடுக்க கூடாது.

மரணமென கண்டு சலிக்காதே

சரணமென நினைத்து சந்தோஷி

ஆறுதல் மொழிகள் ஆறு தந்தவர் சென்று வருகிறேன் சாவக்கட்டி சாவையே நீ என்னிடம் காட்டிக்கொடு நாளை வருகிறேன் என்றவர் வெளியேறினார்.

மறுதினம் சாவக்கட்டி வீட்டில் கிடஇருந்தார் வீட்டு வாசலில் நாற்காலிகளில் ஆண்களும், உள்ளே பெண்களுமாக உறவினர்கள் உட்கார்ந்து இருந்தனர்... ஏனோ தெரியவில்லை சப்தம் மட்டும் கேட்டது இப்படி....

டண்ட ணக்கும்... டணக்கும் ணக்கும்...

டண்ட ணக்கும்... டணக்கும் ணக்கும்...

டண்ட ணக்கும்... டணக்கும் ணக்கும்...

டண்ட ணக்கும்... டணக்கும் ணக்கும்...

டண்ட ணக்கும்... டணக்கும் ணக்கும்...

டண்ட ணக்கும்... டணக்கும் ணக்கும்...

டண்ட ணக்கும்... டணக்கும் ணக்கும்...

Chivas Regal சிவசம்போ-

நாட்டுல நல்ல வார்த்தைக்கு பஞ்சமாக போச்சே... ?

காணொளி