காலடி மண்

நமக்கு யாராவது துரோகம் செய்து விட்டால் அவனுக்கு தெரிந்தது அவ்வளவுதான் போகட்டும் என உடனே நாம் மன்னித்து, மறந்து விடுவது இல்லை காரணம் நாம் சிறு வயது முதலே யானைக்கு எவனோ ஒருவன் கொட்டாச்சியில் சுண்ணாம்பு தடவிக் கொடுத்ததாகவும் மறுவருடம் திருவிழாவுக்கு அவன் வரும்போது யானை அடையாளம் கண்டு அவனைப் பிடித்து தூக்கிப் போட்டு மிதித்ததாகவும் கதைகள் கேட்டு வளர்ந்து வந்தவர்கள் அதனால்தான் மறப்போம், மன்னிப்போம் என்ற பேச்சுக்கே இடமில்லாமல் போய் விட்டது இதன் காரணமாய் ஒவ்வொருவரும் ஒவ்வொரு விதமாய் பழி வாங்குவார்கள் சிலபேர் காலடி மண் எடுத்து செய்வினை செய்வார்கள் இதற்காக அவன் நடந்து போன பாதையில் அவனுக்கு தெரியாமல் மண் எடுத்து வருவார்கள் நம்மூரில் சுலபமாக எடுத்து விடலாம் அபுதாபியில் பங்களாதேஷ்காரனுடைய காலடிமண் எடுத்துக் கொடுப்பதற்கு 500/ திர்ஹாம்ஸ் எனபேசி அட்வான்ஸூம் வாங்கி விட்டேன் அவன் தெருவில் பார்க் செய்து விட்டு காரிலிருந்து இறங்கினான் நானும் அருகிலிருந்த டவர் பார்க்கிங்கில் எனது காரை சொருகி விட்டு அவன் காலடி மண் எடுக்க அவனுக்கு தெரியாமல் மாறு வேடத்தில் பின்னேயே நடந்து போனேன் எலக்ட்ரா தெருவரை அவன் தார் ரோட்டிலேயே போனான் எடுக்க முடியவில்லை பிறகு புல்வெளியில் நடந்து போனான் அதிலும் எடுக்க முடியவில்லை பிறகு பிளாட்பாரத்தில் நடந்தான் பிளாட்பாரம் சிமெண்டுக் கல்லில் உள்ளதால் அதிலும் எடுக்க முடியவில்லை எல்டோராடோ டூரிங் டாக்கீஸ் வழியாக போனான் நானும் தொடர்ந்தேன் பிறகு அல் ரோஸ்டாமாணி எக்சேஞ்ச் அடுத்து அவன் தங்கியுள்ள AL SADAF FASHIONS பில்டிங்கில் ஏறி லிப்ட்டில் நுழைய அது நின்ற தளம் 4 நானும் லிப்டில் போனேன் கொரிடரிலும் மொசைக்கல் போட்டிருந்தது பிறகு ஃபிளாட் 404 க்குள் நுழைந்து விட்டான் ஏற்கனவே செக்யூரிட்டியிடம் பணத்தை அடித்து டூப்ளிக்கேட் சாவி வாங்கி வைத்துக் கொண்டதால் அவனுக்கு தெரியாமல் திறந்து நானும் உள்ளே நுழைந்து இருட்டுக்குள் ஒளிந்து நின்றேன் வீட்டுக்குள் மார்பிள் போட்டிருந்தது கிச்சனுக்கு சாப்பிடச் சென்றான் அங்கும் டைல்ஸ் போட்டு இருந்தது சாப்பாடு முடிந்ததும் பெட்ரூமுக்கு போனான் சரியென போனால் தரையில் கார்பெட் போட்டிருந்தது என்ன ? செய்யலாமென யோசித்துக் கொண்டு இருக்கும் போதே சட்டென இரும்பு கட்டிலில் ஏறி ஃபோம் மெத்தையில் படுத்துக் கொண்டான்.

என்ன செய்வது ? சுவடு தெரியாமல் திரும்பி விட்டேன் மறுநாள் மண் உள்ள பாலைவன ஏரியாவான முஷபாவில் போய் நின்று கொண்டேன் ஒரு வாரம் காத்திருந்தும் பயனில்லை பிறகு விசாரிக்கும் போதுதான் தெரிந்தது அவர் பேங்க் மேனேஜர் முஷபாவுக்கெல்லாம் வரவேண்டிய அவசியம் இல்லையென்று. 

சாம்பசிவம்-

அந்த மேனேஜர் முஷபாவுக்கு வந்தாலும் சரி சிட்டிகுள்ளே திரிஞ்சாலும் சரி கால்ல எப்போதும் ஷுல போட்ருப்பார் இல்லைனா செருப்பு போட்ருப்பார் ஷுக்காலடி மண்ணுல செய்வினைக்கு எஃபெக்ட் கிடைக்காதே !

CHIVAS REGAL சிவசம்போ-

ஹூம் அபுதாபிக்கு வந்தும் திருந்தாமத்தான் திரியிறாங்கே கேட்டா குடிகாரப்பய ஒளர்ர்ர்ர்ரான்னு சொல்வாங்கே.

காணொளி