நீ வாழ பிறரைக்கெடு

வணக்கம் நட்பூக்களே... சமீபத்தில் ஐயா திரு. டிராபிக் ராமசாமி அவர்கள் யூட்டியூபில் பேசியதைக் கேட்டேன் அதில் அவர் சொன்னது சென்னையில் ஸ்ரீ ராகவேந்திரா திருமண மண்டபத்திற்கு ஒருமுறை சென்று இருந்தேன் அங்கு கடமையை செய், பலனை எதிர் பார் என்று ரஜினிகாந்த் எழுதி வைத்து இருக்கின்றார். என்றும் இவரால் எப்படி மக்களுக்கு நன்மையை செய்ய முடியும் ? என்று கேட்டு, அதன் பிறகு அந்த மண்டபத்துக்கு நான் செல்வதில்லை என்றும் சொல்லி இருந்தார்.

நான்கூட ஏதோ கடமையை செய் பலனை எதிர் பார்க்காதே என்று எழுதி வைத்ததை யாரோ க்காதே என்பதை அழித்து வைத்து விட்டார்கள் போல என்றே நினைத்தேன். அப்படியானால் நீ வாழ பிறரைக் கெடுக்காதே என்பதில் க்காதே இதை நீக்கி விட்டு நீ வாழ பிறரைக்கெடு என்று எடுத்துக் கொள்ளலாமா ? என்று என்னிடம் யாரும் கேட்ககூடாது.

மேலே பார்த்தீர்களா ? மேலும் இது புகைப்படமும் அல்ல காணொளியை நிறுத்தி வைத்து உங்களுக்காக படமெடுத்தேன் இதில் எமது சித்து வேலைகளை செய்யவும் இல்லை. இது அழித்து வைக்கவில்லை அவரது வாசகமே இதுதான் என்பது உண்மையாகி விட்டது. எந்த வேதத்திலாவது இப்படி சொல்லப்பட்டு இருக்கின்றதா ? எது எப்படியோ ரஜினியின் தைரியத்தை பாராட்டத்தான் வேண்டும். ஆம் தமிழ்நாடு சுடுகாடாகும் என்று சொல்லி விட்டு தமிழ் நாட்டில் பாதுகாப்பாக வாழமுடியும் என்ற அசாத்தியமான நம்பிக்கை. இதே வார்த்தையை எந்த தமிழனாவது கர்நாடகத்தில் இப்படி சொல்லி விட்டு உயிருடன் வந்து விடமுடியுமா ?

தமிழக போராட்ட மக்களை சமூக விரோதிகள் என்று சொல்லி விட்டு கர்நாடகத்தில் தனது காலா படத்தை வெளியிடுவதற்காக, கன்னட மொழியில் சகோதரர்களே நான் எந்த தவறும் செய்யவில்லை மன்னிச்சுக்கங்க என்ற ரஜினிக்கு தமிழக மக்களிடம் மன்னிப்பு கேட்க தன்மானம் இடம் தரவில்லை. காரணம் என்ன ? தமிழன் எவ்வளவு அடிச்சாலும் தாங்கிக்குவான் என்பதை ரஜினியும் அறிந்து கொண்டதே....

தூத்துக்குடி சம்பவத்தால் ரஜினிகாந்துக்கும், பிக்பாஸ் தொகுப்பாளர் நிகழ்ச்சியால் கமல்ஹாசனுக்கும் அரசியல் வாழ்வில் மிகப்பெரிய சறுக்கலைத் தரும் என்பது நிச்சயம். இருப்பினும் தமிழர்கள் மறதி குணம் உள்ளவர்கள் என்பதையும் இங்கு நினைவு கூர்கிறேன்.

அயல் தேசங்களில் வாழும் தமிழர்களுக்கு உள்ள உணர்வுகூட தமிழ் நாட்டில் வாழ்பவர்களுக்கு இல்லையே.... மற்ற ஊர்களை விட்டுத் தள்ளுங்கள். இதோ தூத்துக்குடியில் வாழும் மக்களாவது காலாவை புறக்கணித்து இருக்க வேண்டாமா ?

கடைசி நேர இணைப்பு தோழர் திரு. S. Raman Vellore அவர்களின் இப்பதிவை படியுங்கள். http://ramaniecuvellore.blogspot.com/2018/07/blog-post_35.html