கோடரிவேந்தனும், செந்துரட்டியும் (7)

இப்பதிவின் தொடர்ச்சிகளை படிக்க கீழே சுட்டிகளை சொடுக்குக...

அகோசெ ஆகோசெ இகோசெ ஈகோசெ உகோசெ ஊகோசெ

செந்துரட்டியின் விவாகத்திற்கு இன்னும் ஐந்து தினங்களே இருக்கும் தருவாயில் குருநாதரிடமிருந்து கோடரி வேந்தனுக்கு அழைப்பு காப்பாளர் இயம்பியதை கேட்டு சென்றிட...

குருவே நமச்காரம்.

கோடரி வேந்தா, நலம் விளைக... உமது சினேகிதர் செந்துரட்டியின் விவாகம் நினைவில் உள்ளதா ?

ஆம் குருவே நாளும் பொழுதும் அவையே நினைவில்.

நல்லது நாளை கொடுவரட்டி மலை வரை செல்லும் கூட்டு வண்டியில் உம்மையும் அழைத்து செல்வதாக ஒரு அன்பர் இசைந்துள்ளார் அங்கிருந்து நீர் வழி இயம்பி தஞ்சம் புகுந்தோர் பட்டணத்துக்கு நடந்து யாத்திரை செல்லவும் இந்த ஓலையை செந்துரட்டியின் தந்தையாரிடம் சமர்ப்பிக்கவும் எமது சரீரம் நலமில்லாத காரணத்தை விவரித்து குறித்துள்ளேன் ஆகவே வர இயலாமைக்கு எமது விசமம் உண்டு என்பதை அறிவித்து செல்வன் செந்துரட்டிக்கு எமது ஆத்மார்த்தமான ஆசிகள் என்பதை அறியப்படுத்துக இதோ இந்த கடுக்கனை எமது பரிசாக அளிக்கவும் சென்று விழாவை சிறப்பித்து நலமுடன் திரும்பிட எமது ஆசிகள் உமக்கு.

உத்தரவு குருவே மிக்க மகிழ்ச்சி.

மறுதினம் அதிகாலையிலேயே நீராடி யாத்திரைக்கு வேண்டி காப்பாளர் தந்த புளியோதரையையும், சிறிது அவலும் செந்துரட்டியின் விவாகத்துக்காக பல தினங்களாக அணு அணுவாய் ரசித்து செய்த வேலையை அழகிய வண்ணம் துணிகளில் பக்குவமாக கட்டி எடுத்துக்கொள்ள, குருவிடம் ஆசி பெற்று காப்பாளரும், மற்ற மாணாக்கர்களும் செந்துரட்டிக்கு வாழ்த்து இயம்பிட கூட்டு வண்டியில் யாத்திரை தொடங்கியது..... வழிநெடுகிலும் செந்துரட்டிக்கும், தமக்குமான நட்பைப் பற்றிய விடயங்களுடன் உரையாடிக் கொண்டு மறுதினம் அதிகாலையில் கொடுவரட்டி மலை வந்தடைய, தஞ்சம் புகுந்தோர் பட்டணத்துக்கு செல்லும் வழி காண்பித்த வண்டிக்காரருக்கு நன்றியுரைத்து விட்டு தமது சுமையுடன் நடக்கத் தொடங்கிய கோடரி வேந்தன் அவ்வப்பொழுது மரத்தடிகளில் சிறிது ஓய்வெடுத்துக் கொண்டு அந்தி சாயும் பொழுதில் ஊரின் எல்லையில் இருந்த மாடத்தில் சினேகிர்களுடன் அமர்ந்து விவாக வேலைகளைப்பற்றி உரையாடிக் கொண்டு இருந்த செந்துரட்டிக்கு தூரத்தில் நடந்து வரும் கோடரி வேந்தனைக் கண்டதும் மகிழ்ச்சிப் பெருக்கில் ஓடி வந்து கட்டியணைத்து வரவேற்று...

வருக கோடரி வேந்தரே தங்களது வருகையால் மட்டற்ற மகிழ்ச்சி சினேகிதர்களே இதோ இவர்தான் எமது குருகுல உயிர்த்தோழர் தேவராய கோட்டத்து கோடரி வேந்தன்.

அனைத்து சினேகிதர்களும் கோடரி வேந்தனுக்கு வரவேற்பு கொடுத்து வாழ்த்துகளையும் உரைத்தனர்.

கோடரியாரே அமருங்கள் கூடமுடி சினேகிதருக்கு இளநீர் பறித்து வாருங்கள்.

அதோ காணீர் செந்துரட்டி தங்களது சினேகிதர் என அறிந்த தருணமே செவளை மரத்தில் ஏறி விட்டார், மாமுண்டி நுங்கு பறிக்க புறப்பட்டார்.

செந்து இல்லத்தில் அனைவரும் நலம்தானே ?

அனைவரும் நலமே, இன்று புலர்ச்சியில்கூட எமது அன்னையார் தங்களைப்பற்றி வினவினார்கள் நமது குருநாதர் வரவில்லையா ? காப்பாளர், மற்றும் நமது மாணாக்கர்கள் அனைவரும் நலமா ?

அனைவரும் நலமே நமது குருநாதர் கடந்த ௧௰ தினங்களாக உடல் நலமின்றி அதன் காரணமாக யாத்திரை செய்ய இயவில்லை தங்களுக்கு ஆசிகளும் பரிசுப் பொருளும் வழங்கினார்கள் மாணாக்கர்களும் வாழ்த்துகளை அளித்துரைத்தனர்.

மிக்க மகிழ்ச்சி குருநாதரும் வந்திருந்தால் கூடுதல் மகிழந்திருப்பேன் அவர் விரைவில் நலமடைய இறைவனை வேண்டுகிறோம்.

மற்றொரு சினேகிதர் அத்திப்பழங்கள் பறித்து வர, இளநீர் கோடரி வேந்தனுக்கு வழங்கப் பட்டது.

நல்ல மதுரமாக இருக்கின்றதே... செந்து.

ஆம் கோடரி எங்கள் ஊரின் மண்ணின் மணம்.

தங்களது மனம் போன்ற சுவை செந்து.

சினேகிதர்கள் அனைவரும் கெக் கெக் கெக் கே... எனச் சிரித்தனர்.

செந்துரட்டி தங்களது தோழர் சுவையாக உரையாடுகின்றார்.

சினேகிதர்களே எமது தோழரைப்பற்றி இயம்ப இன்றைய ஒரு தினம் போறா வாழ்நாள் முழுவதும் இயம்பிக் கொண்டும், நகைத்துக் கொண்டும் இருக்கலாம் சிறந்த ஓவியரும்கூட இவரின் ஓவியம் பலரது வாழ்வையே திசை திருப்பி விடும் வல்லமை பெற்றது.

அப்படியா ? அதனைக் குறித்து உரைத்திடுங்கள் செந்துரட்டி.

கோடரி வேந்தன் சிரித்துக் கொண்டே...

செந்து இதில் ஏதும் உள் அர்த்தங்கள் உண்டோ ?

கோடரியாரே எம்மீது சினம் இல்லையே ?

எம்மீது யாம் சினம் கொள்ள இயலுமோ ?

தங்களது தோழர் அழகாக உரையாடுகின்றார்.

இதோ இளநீர் மேலும் அருந்துங்கள் யாத்திரையின் களைப்பு தீரட்டும்.

போதும் செந்து ௪ அருந்தி விட்டேன்.

கோடரியாரே தாங்கள் ஒரே நேரத்தில் ௮ இளநீர் அருந்துபவராயிற்றே இன்று என்னவாயிற்று ?

போதும் செந்து

நல்லது சினேகிதர்களே எமது உயிர்த் தோழருடன் நிறைய விடயங்கள் கலந்துரையாட இருக்கின்றது இல்லத்தில் எமது அன்னையார் கோடரியாருக்காக காத்திருப்பார்கள் ஆகவே நாம் மீண்டும் நாளை சந்திக்கலாம்.

நல்லது தங்களது தோழரின் பாரத்தை தங்களது இல்லம் வரை கொண்டு வந்து தருகிறோம் புறப்படுங்கள் கோடரி வேந்தரே.

இல்லத்துக்கு வந்ததும் செந்துரட்டியின் தாத்தா, அப்பத்தா, தந்தையார், தாயார், மற்றும் சகோதர சகோதரிகளும் கோடரி வேந்தனை வரவேற்க...

நமச்காரம் தாத்தா பெரியவர்களின் காலில் விழுந்து ஆசி கோர அனைவரும் நலமுடன் சீரும் சிறப்புடன் வாழ்வாயாக.

செந்துரட்டி உமது சினேகிதரை மேல்மாடத்துக்கு அழைத்துச் சென்று ஓவ்வெடுக்க வை இரவு உணவுக்கு அழைத்து வருக சிறப்பான உணவை தயார் செய்துள்ளோம்.

நல்லது அன்னையே, கோடரியாரே வாருங்கள் நாம் மேலே செல்வோம் 

மீண்டும் கீழிருந்து உணவருந்த அழைப்பு வர உண்டு களித்து மீண்டும் மேலே வந்து உரையாட தொடங்கினர்.

கோடரியாரே எங்களது இல்ல உணவுகளின் சுவைகள் தங்களுக்கு பிடித்து இருந்ததுதானே ?

ஆம் செந்து நல்ல சுவையான உணவுகள்தான் எனது அன்னையாரின் நினைவு வந்தது.

பிறகு உணவை குறைத்து களித்ததின் காரணமென்னவோ ?

உண்மைதான் செந்து தங்களது பிரிவு எம்மை முற்றிலும் மாற்றி விட்டது இப்பொழுது எம்மோடு உரிமையுடன் இயம்புவதற்கு குருகுலத்தில் யாரும் இல்லை மற்ற மாணாக்கர்கள் யாரும் எம்முடன் உரையாடுவதில்லை தனிமை படுத்தப்பட்டோம் எம்மைக் கண்டால் அச்சத்தால் நடுங்குகின்றனர் பிறகு இதற்கான காரணத்தை ஆராய்ந்தோம் பிறகு புலர்ச்சையில் தானாகவே எழுந்து வதனம் அலம்பி பல் துலக்கிய பிறகு நானே பதனீர் எடுத்து அருந்தினோம், மாணாக்கர்களின் உணவுகளில் எமக்கு பங்கு பெறுவதை நிறுத்தினோம் பிறகுதான் மற்ற மாணாக்கர்களின் தன்மை எமக்கு புலப்பட்டது இப்பொழுது அனைத்து குருகுல மாணாக்கர்களும் எம்மிடம் அன்புடன் இருக்கின்றார்கள் மிகவும் மகிழ்ச்சியாகவும் இருக்கின்றோம்.

மிக்க மகிழ்ச்சி கோடரியாரே என்றும் வேண்டும் இந்த அன்பு.

நள்ளிரவு வரை உரையாடல் ஒலி கேட்டு மேலே வந்த தாத்தா செந்து உமது சினேகிதருக்கு யாத்திரையின் களைப்பு இருக்கும் துயில் கொண்டெழுந்து நாளை உரையாடுங்கள் என்றவுடன்தான் துயில் கொள்ளும் எண்ணம் வந்தது. மறுதினம் முழுவதும் கோடரி வேந்தனும் விவாக வேலைகளில் ஈடுபட்டு மறுதினம் தஞ்சம் புகுந்தோர் பட்டணத்தின் மையத்தில் இருக்கும் மீனாட்சி அம்மன் ஆலயத்தில் திருநிறைச்செல்வன் செந்துரட்டி கோமேத நாதன் – திருநிறைச்செல்வி வள்ளி கொண்ட நாயகி விவாகம் ஊரின் சமீன்தார் தலைமையில் உற்றார் உறவினர் கூட சீரும் சிறப்புமாய் நடந்தேறியது உணவு வகைகள் தேவராய கோட்டத்தையும் விஞ்சிய வண்ணம் பதினெட்டு வகை கூட்டுகள் உறவினர் பலரும் மகிழ்ந்து உரையாடி களித்தனர் திருமாங்கல்யப்பூட்டு நிகழ்ந்து முடிந்ததும் குருநாதர் அளித்த கடுக்கனை கொடுத்த பிறகு

எமது நினைவுப் பரிசாக இந்த ஓவியம் தங்களது இல்லத்தில் என்றும் இருத்தல் வேண்டும் இஃது எமது வேண்டுகோள் மேலும் இதை மணமக்கள் இருவரும் தனிமையில் திறந்து காணுக...

பெற்றுக் கொண்ட செந்துரட்டியின் விழிகளில் கலக்கம் மீண்டும் ஓவியமா ? கோடரிவேந்தன் முருங்கை மரத்தில் ஏறி விட்டாரோ ? இது எமது வாழ்வில் பூகம்பத்தை உண்டாக்கி விடுமோ ? இதை கண்ட கோடரி வேந்தன்...

தொடரும்...

மேலுள்ள இணைப்பு தங்களது கணினியில் இப்படி தெரிந்ததா ?