கோவிந்த ஹரிமேலி

முந்தைய பதிவில்... விமான நிலையத்தில், கில்லர்ஜி

நான் அருகில் கிடந்த சேரில் உட்காரும் பொழுது ‘’அது’’ எனது கண்ணில் பட எழுந்து அதனருகே போன என்னை அந்த அதிகாரி வெறித்து பார்த்துக் கொண்டு இருந்தார். நான் அந்த புகார்ப்பெட்டி அருகே போய் அதன் மேலிருந்த படிவங்களை எடுத்து படித்துப்பார்த்தேன் இதை அங்கிருந்த அதிகாரிகள் மட்டுமல்ல, அனைத்து பயணிகளும் பார்த்துக்கொண்டு இருந்தார்கள் படிவத்தில் தமிழ், ஆங்கிலம், ஹிந்தி இந்த மூன்று மொழிகளிலும் எழுதலாம் என்று இருந்தது இதில் எழுதி பொய்யானவர்களின் முகத்திரையை கிழித்தால் என்ன ?

ஹிந்தியில் எழுதலாமா ? நிச்சயமாக தவறு வந்து விடலாம் சந்தேகம் கேட்பதற்கு ஹிந்தி நண்பர்களும் கிடையாது ஆங்கிலத்தில் எழுதலாமா ? நமக்கு முதுகுவலி வருமே தமிழ் இனிய தமிழ் இதுவே நமக்கும் சரி இவனுகளுக்கும் சரி சரியென படிவம் கேட்டிருந்த கோடிட்ட இடங்களை எனது கைகளை கொண்டு அழகிய தமிழ் எழுத்துக்களால் நிரப்பினேன் படிவம் இப்படித்தான் இருந்தது கீழே பாருங்களேன்.

புகார் அளிப்பவரின் பெயர் :                 சிவாதாமஸ்அலி

புகார் அளிப்பவரின் வயது :                 பதினெட்டு மட்டுமே

புகார் அளிப்பவரின் கடவட்டை எண் :       K 5326840

புகார் அளிப்பவரின் குடியுரிமை நாடு :       இந்தியா

புகார் அளிப்பவரின் மாநிலம் :               தமிழ்நாடு

புகார் அளிப்பவரின் ஊர் :                   தொங்குணான்டி பாளையம்

புகார் அளிப்பவர் தற்போது வசிக்கும் நாடு : உகாண்டா

இப்படி உண்மையை உள்ளபடி நிரப்பி கீழே புகாரில் எழுத வேண்டிய விசயங்களை விலாவாரியாக எழுதி மடித்து புகார்ப் பெட்டியில் போட்டு விட்டு திரும்பினேன் நான் கண்டகாட்சி எனக்கு மேலும் சூடேற்றுவது போலிருந்தது ஒரு அமெரிக்கர் அவருடைய காதலியை நிற்க வைத்து விதவிதமாய் புகைப்படம் எடுத்துக் கொண்டு இருந்தார் எனக்கு வந்துச்சு கோபம் விறு விறு விறு விறு விறுன்னு நேராப் போனேன் அந்த சுங்க அதிகாரியிடம் அதோ எடுக்கிறானே…. அமெரிக்கன் அவனுட்ட உங்க விதிமுறையை சொல்லலாமே... அவர் எனக்கு பதில் சொல்ல வாயை திறக்கும் பொழுது... ‘’டிங் டாங்’’ வணக்கம் பயணிகள் கவனத்திற்கு மதுரையிலிருந்து அபுதாபி செல்லும் விமானம் இன்னும் சிறிது நேரத்தில் புறப்பட்டு போகத்தயாராக இருக்கிறது பயணிகள் அனைவரும் பத்திரமாக விமானத்திற்குள் செல்லுமாறு கேட்டுக் கொள்ளப்படுகிறார்கள் நன்றி.

பயணிகள் அனைவரும் தயாராக நானும் புறப்பட்டேன் அந்த அதிகாரி என்னையும் நான் அவரையும் GUNஇன்றி கண்களால் சுட்டுக் கொண்டோம் விமானம் என்னை சுமக்க நான் குடும்ப நினைவுகளை சுமக்க இருவரும் சேர்ந்து வானில் மேக கூட்டங்களை கிழித்துக் கொண்டு பறந்தோம்...

அய்யய்யோ புகாரில் எழுதியதை சொல்ல மறந்துட்டேனே என்ன தெரியுமா ? கீழே பாருங்களேன்...

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

கோவிந்த ஹரிமேலி தும்ஹி நஹி ஹாலி

கோபாலோடு நாஹும் குந்து தீர்த்தனக்கு வாழி

இதைத்தான் பதினெட்டு தடவை எழுதினேன் இது நான் சின்ன வயசுல சௌராஷ்ட்ரா மக்கள் மார்கழி மாதம் ஐயப்பன் கோவிலுக்கு போகும்போது அவர்கள் மொழியில் பாடும் பஜனைப்பாடல் நானும் நல்லாப் பாடுவேன் அப்பத்தானே ஓசியிலே பொங்கல் கிடைக்கும் ஹி ஹி ஹி...

சரி அப்படீனாக்கா... அவங்களை பற்றி புகார் எழுதலையா ?

ஏங்க பாவம் ஏதோ நம்ம தமிழன் அவன் பொழைப்பைக் கெடுத்து நமக்கு என்ன லாபம் ? அவனும் நம்மைப் போலத்தான் குட்டிப்புள்ளைக்காரன் ஆகத்தான் இருப்பான். நாம் ஒருவனுக்கு கெடுதல் செய்தால் நமது சந்ததிகளைக் கெடுக்க ஒருவன் பிறப்பான் ஆகவே நம்மால் முடிந்தால் பிறருக்கு நன்மை செய்து நமது சந்ததிகளுக்கு நன்மை செய்ய ஒருவனை பிறக்க வைப்போமே...

//இன்னா செய்தாரை ஒறுத்தல் அவர்

நாண நன்னயம் செய்து விடல்//

அப்படினு, நமது ஐயன் நமக்கு சொல்லித் தரலையா ? ஊர் உலகம் எப்படியோ... எனக்கென்று ஒரு கொள்கையுண்டு அதில் எனது இறுதி மூச்சுவரை உறுதியாக இருப்பேன். – கில்லர்ஜி.

முற்றும்.