விவாஹ(M)ரத்து (3)

முந்தைய தொடர்ச்சிகள் ஒன்று இரண்டு
 
இதுவரை.... இதெல்லாம் சரி இங்கு இந்தியப் பெண்கள் எப்படி வந்தார்கள் ? அதானே எப்படி வந்தார்கள் ?
 
நண்பர்களே... நான் சொல்லி இருந்தேன் இந்தியப் பெண்கள் இதில் 50% இருக்கின்றார்கள் ஆம் அவர்கள் யார் ? இந்தியாவில் எந்த மாநிலம் என்பதுதானே தங்களது கேள்வி ? பயப்பட வேண்டாம் நம் இன தமிழச்சிகள் இல்லை நாம் பெருமை கொள்வோம் நான் பலமுறை பெருமைப்பட்டு பேசியிருக்கின்றேன் பல அரேபியர்களிடம் பார்த்தாயா ? என் இன தமிழச்சிகள் இல்லை இதில் எனக்கு சந்தோஷமே என்று,
 
(ஸூப் ஹுர்மா மால் மதராஸி மாஃபி தாக்கல் ஜவாஜ் அனா ஃபீ மப்ஸூத்)
 
இந்த 50% தில் 35% ஆந்திர பெண்கள்15% கேரள பெண்கள் என்று சொல்லலாம் இது இந்திய அரசாங்கத்தின் சர்வே அல்ல எனது தனிப்பட்ட கணக்கெடுப்பு ஆம் வறுமையின் காரணமாகவும், சதியின் காரணமாகவும், இளவயது ஆந்திர பெண்கள் பலர் அரேபியர்களிடம் விற்கப்படுகிறார்கள் அவர்களை சட்டப்படி திருமணம் செய்து குடியுரிமை ஆக்கி விடுகிறார்கள் இவர்கள் இந்தியாவுக்கும் வரமுடியாது குழந்தைகள் பிறந்து அதன் பந்த பாசத்தில் இணைந்து இது இயல்பு வாழ்க்கைக்கு போய் விடுகிறார்கள்
 
அரேபியர்கள் பெண்களை சதிக்கின்றார்கள் என்று நான் குறை சொல்ல வரவில்லை நல்லதொரு ஆடம்பரமான வாழ்க்கைதான், குறை சொல்வதற்கு எதுவுமே இல்லை ஆனால் உணர்ச்சிகளை மதிக்காமல் பெயர்த்தி வயதுடைய பெண்களை திருமணம் செய்து கொல்கிறார்களே என்ற எனது தனிப்பட்ட வேதனையின் விளைவே இந்தப் பதிவுகள் மற்றபடி நான் மதவாதம் பேசவரவில்லை என்பதையும் குறிப்பிடுகிறேன்
 
ஒரு அரபி அவர் பிறந்த வருடம் 1903 ஒரு பெண் (ஆந்திரா) இவர் பிறந்த வருடம் 1969 இவர்கள் இருவருக்கும் 1989 ல் திருமணம் என்மீது கோபப்படும் நண்பர்களுக்கு மட்டும் ஒரு கேள்வி அந்த சகோதரியை உங்களது உடன் பிறந்தவளாக நினைத்து இதன் கணக்குகளை பாருங்கள்.
 
இவர்கள் யார் ?
எந்த ஊர் ?
பெயர் என்ன ?
 
அனைத்து வியடங்களையும் என்னால் தரமுடியும் ஆனால் நான் மனசாட்சிக்கு பயந்து வாழ்பவன் ஆம் இது எமராத் அரசின் லட்சக்கணக்கான கோப்புகளில் உள்ளவை நான் நினைத்தால் சொல்ல முடியும் தவறு வேண்டாமே உண்ட வீட்டுக்கு ரெண்டகம் விதைக்கலாமா ? தவறு நான் அந்த நாட்டின் அரசு அலுவலகத்தில் (Filing Controller) வேலை செய்துதான் எனது அன்புச் செல்வங்களை படிக்க வைத்தேன், அவர்களுக்கு பொருள் ஈட்டினேன், அவர்களை வாழவைத்தேன், வாழவும் வைப்பேன்.
 
ஆகவே அந்த விடயங்களை நான் வெளியில் இடுவதை தவறாக கருதுகிறேன் வேலை நேரத்தில் சும்மாக இருக்கும் பொழுது கோப்புகளை படித்துப் பார்ப்பேன் இதில் இறந்து போனவர்களின் கோப்புகள் வந்தவுடன் அவர்களுக்கு எத்தனை மனைவிகள், எத்தனை குழந்தைகள் என்பதை படித்துப் பார்ப்பேன் இதில் தவ்ஸியா என்று சொல்லப்படும் பேப்பரில் அவர்களின் மனைவிமார்கள் பெயர் வரிசையாக வரும்
 
இதில் அர்மலஹ் (விதவை) என்று எழுதியிருக்கும் பிறகு குழந்தைகளின் பெயர்கள் வருட வாரியாக எழுதியிருக்கும் இதில்தான் மனைவிகள் மூன்றுவரை இருக்கும் குழந்தைகள் 12 முதல் 18 வரை அதையும் தாண்டிகூட இருக்கும் அவர்களுக்கு அரசு கொடுக்கும் பணம் வங்கிகள் மூலமே சென்றடையும் அதில் வங்கி கணக்கு வழக்குகளும் நான் காண நேரிடும் அந்த தருணங்களில்தான் அவர்களுக்கு எட்டு இலக்கங்களையும் தாண்டிப் போகும் பார்த்து பிரமித்து சந்தோஷப்பட்டதுண்டு ஆனால் ஒருக்காலும் பொறாமைப்பட்டதில்லை காரணம் எமது பணம் இல்லையே எனக்கு கிடைக்க வேண்டியது கண்டிப்பாக கிடைக்கும் இதில் நம்பிக்கை உண்டு.
 
நண்பர்களே மேலே சொல்லியிருந்த 1903 பிறந்தவர் 1969ல் பிறந்த ஆந்திர பெண்ணை திருமணம் செய்தவருக்கு இரண்டு குழந்தைகள் ஒருமுறை இந்த கோப்பு நான் காணும் போது (அந்த கோப்பின் இலக்கம்கூட இன்னும் எனது நினைவில் இருக்கிறது) அதனைக் குறித்து அரபி ஒருவனிடம் பேசும்போது எனக்கும், அவனுக்கும் அந்த இரண்டு குழந்தைகள் பிறப்பைப்பற்றி மிகப்பெரிய வாக்கு வாதமானது அதை அடுத்த பதிவில் பார்ப்போமா ?
 
தொடரும்...

Share this post with your FRIENDS…