உழுதவருக்கு நிலம் சொந்தம்

கலாவதி மெடிக்கல் ஷாப்பை மூடி சீல் வச்சுட்டாங்களாமே ?
ஆமா காலாவதி ஆன மருந்துகளை விற்றாங்களாம்.
? ? ?
* * * * * * * * * * 01 * * * * * * * * * *
 
ஒரிஜினல் ஜூவல்லர்ஸை மக்கள் அடிச்சு உடைச்சிட்டாங்களாமே ?
ஆமா டூப்பிளிகேட் கவரிங் நகைகளை விற்றாங்களாம்.
? ? ?
* * * * * * * * * * 02 * * * * * * * * * *
 
சிட்பண்டு நடத்துனானே பாண்டுரங்கன் அவன் வீட்டுக்கு எதுக்கு தீ வச்சாங்களாம் ?
பண்டு பணத்தோட சிட்டா, பறந்துட்டானாம்.
? ? ?
* * * * * * * * * * 03 * * * * * * * * * *
 
அப்பாத்துரை மகன்கள் இருவரும் எதுக்கு சண்டை போடுறாங்க ?
அண்ணாத்துரை பேரை தம்பிக்கும், தம்பித்துரை பேரை அண்ணனுக்கும் வச்சதுக்காக...
? ? ?
* * * * * * * * * * 04 * * * * * * * * * *
 
வயல்ல அளக்கப்போன இடத்தில அதிகாரிகள் சண்டை போடுறாங்களே ஏன் ?
அளந்தவனுக்கே அனைத்தும் சொந்தம்னு சர்வேயர் சொல்றாராம்.
? ? ?
* * * * * * * * * * 05 * * * * * * * * * *
 
அவரு எதுக்கு மாட்டை நீதி மன்றத்துக்கு ஓட்டி வந்து வாசல்ல உழுதுக்கிட்டு இருக்காரு ?
உழுதவருக்கே நிலம் சொந்தம்னு வக்கீல் வர்க்கீஷ் அந்த விவசாயிகிட்டே சொன்னாராம்.
? ? ?
* * * * * * * * * * 06 * * * * * * * * * *
 
அந்த டிரைவர் எதுக்கு பேருந்தை அவரு வீட்டுல கொண்டு போய் நிறுத்துறாரு ?
இது உங்கள் சொத்துனு பின்னாலே எழுதி இருந்துச்சாம்.
? ? ?
* * * * * * * * * * 07 * * * * * * * * * *
 
கல்யாண வீட்ல அந்த முண்டாசு கட்டுனவரு கலாட்டா பண்ணுறாரே ஏன் ?
தாய்மாமனை கூப்பிடுங்கோனு சொல்றபோது வாய் தவறி நாய்மாமன்னு சொல்லிட்டாங்களாம்.
? ? ?
* * * * * * * * * * 08 * * * * * * * * * *
 
மாப்பிள்ளை எதுக்கு ஐயரிடம் வாக்குவாதம் செய்யிறான் ?
நான் வாங்கிய மாங்கல்யத்தை நீங்க எப்படி ‘’மாங்கல்யம் தந்து நானே’’னு சொல்லலாம்னு கோபப்படுறான்.
? ? ?
* * * * * * * * * * 09 * * * * * * * * * *
 
மணப்பெண்ணு மணமேடைக்கு வரும்போது குத்தாட்டம் ஆடிக்கிட்டே வருதே இது நல்லாவா இருக்கு ?
சுமாராத்தான் இருக்கு அடுத்த கல்யாணத்துக்கு சிறப்பா ஆடும்னு நினைக்கிறேன்.
? ? ?
* * * * * * * * * * 10 * * * * * * * * * *
 
கில்லர்ஜி தேவகோட்டை
 
சாம்பசிவம்-
ஐயரு அப்படி சொன்னது தப்புத்தானே..

 

காணொளி

Share this post with your FRIENDS…