மலேஷியாவில், மகிழ்ச்சியாய்...

2013 - Emirates Etihad Airways-ல் அதிகமுறை பிரயாணம் செய்யும் நபர்களின் பெயர்களை எடுத்து குலுக்கல் முறையில் மலேசியா போய் வருவதற்கு ஃபிளைட் டிக்கெட் கொடுத்தார்கள் என்ன அதிசயம் கில்லர்ஜி பெயர் வந்து விட்டது சந்தோஷமாக புறப்பட்டு போய் ஊர் சுற்றினேன்... மலேசியாவில் யாரை பார்க்கலாம்... என யோசிக்கும்போது... ஆஹா நமது இலங்கை நண்பர் ரூபன் அவர்களை சந்திக்கலாமே... ஹோட்டலில் இருந்து நண்பர் ரூபனை தொலைபேசியில் அழைத்தேன்...

ஹலோ..

ஹலோ யாரு ?

ஹலோ ரூபன் நான் கில்லர்ஜி பேசுறேன்.

ஹாய் மச்சான் ரூபன்தான் கதைக்கிறேன் நல்லா இருக்கீங்களா ?

நான் மலேசியாவில் தான் இருக்கிறேன்.

அப்படியா எப்ப வந்தீங்க ?

நேற்றுதான் வந்தேன்.

இப்போ எங்கே இருக்கீங்க ?

Hotel Park Renitence 117^th Floor Room No: 11706

சரி மச்சான் இன்றைக்கு ஞாயிற்றுக்கிழமைதானே நீங்கள் அங்கேயே இருங்கள் நான் தெரியாத்தனமாக ஒரு வேலையை தொடங்கிட்டன், முடிச்சிட்டு பின்னேரம் 03.00 மணிக்கு வந்து உங்களை பார்க்கிறேன்.

மாலை ரூபனின் வருகைக்காக தயாராக இருந்தேன் கீழே ரிசப்ஷனிலிருந்து 02.50 க்கு போன் வந்தது

Mr. Roopan wants to meet you sir.

OK inform come to my room.

சரியாக 03.00 மணி பெல் அடிக்க கதவைத்திறந்தால்... நண்பர் ரூபன் ஊதா நிறத்தில் பேண்ட், சற்றே வெளிர் நிறத்தில் டி-ஸர்ட் கையில் பூங்கொத்து.

ஹாய் மச்சான் நல்லா இருக்கீங்களா ?

நல்லா இருக்கேன் நீங்க எப்படி இருக்கீங்க ?

நலமாக இருக்கிறேன், மலேசியா வந்ததற்கு என்ட வாழ்த்துகள் பூங்கொத்தை வாங்கி கொள்ளுங்கள் மச்சான் மொட்டை உங்களுக்கு அழகாக இருக்கிறது.

ரொம்ப நன்றி.

பெல் அடித்து பேரர் வர இரண்டு காஃபி ஆர்டர் கொடுத்து விட்டு....

பேந்து சொல்லுங்க மச்சான் பிரயாணமெல்லாம் எப்படி இருந்தது ?

நல்லபடியா இருந்துச்சு அப்புறம் ?

மச்சான் இங்கு வந்தும் லேப்டாப்பில் வலைப்பதிவுதானா ?

நண்பர் வெங்கட் நாகராஜ் பயணத்தொடர் போட்டு இருக்காரு, ஸூப்பர் அதான் கருத்துரை கொடுத்தேன்.

அப்படியா நானும் இங்கேயே குடுக்குறன் என்னட்ட டேப்பை, தாங்க மச்சான் துளசிதரன் ஐயா கீதா ரங்கன் ரொம்ப நல்லா எழுதுறாங்களே....

அந்த வில்லங்க கோஷ்டிகள் என்ன சாதாரண ஆட்களா ? கடவுளுக்கே FLASH BACK போட்டவர்களாச்சே..

துரை செல்வராஜூ ஐயாவுடைய பதிவும் அப்படித்தானே ?

குவைத் ஜி அந்த நாட்டுல இருக்காரு அங்கே இருந்துகிட்டு தெய்வீக விசயங்கள் அத்தனையும் தேடி எடுத்து பதிவு போடுறாரே... பிரமாதம்.

ஓம் அதுவும் சரிதான் அதுபோல வே.நடனசபாபதி ஐயாவும் சுவாரஸ்யமாக எழுதுறார் மச்சான் நம்ம ஜம்புலிங்கம் ஐயா பிரமாதமாக எழுதுகின்றாரே...

அவரு சரித்திர ஆய்வுகள் பற்றி நிறைய எழுதுறார் எல்லோருக்கும் பயனாக இருக்கிறது அதுபோல நமது இலங்கை தமிழர் நண்பர் யாழ்பாவணன் காசிராஜலிங்கம் அழகாக தமிழ் வளர்க்கிறார், அப்புறம் கவிஞர் ரமணி ஐயா மலேசியா வரும்போது சந்திப்பு எப்படி ?

ஓம் மச்சான் சந்தித்தோம் பதிவில் போட்டு இருந்தேன்தானே இங்கே பாருங்க... கரந்தை ஜெயகுமார் ஐயா இப்பத்தான் வெளியிட்டு இருக்கிறார், தலைப்பு சூரிய வதனம்.

ஆமா பார்த்தேன் நண்பர் கரந்தையார் ஆசிரியர் அவருடைய பதிவுகளை அமைதியான சூழலில் படிக்க வேண்டும், அதுபோல நமது வலிப்போக்கன் வழியில் நடக்கும் விசயங்கள் அனைத்தும் அழகாக எழுதுறார், சகோதரி கமலா ஹரிகரன் அமைதியாக இருந்தாலும் ஆர்ப்பாட்டமாய் கவிதை எழுதுகிறார்.

ஜியெம்பி ஐயாவும் தொடர்ந்து எழுதிக்கிட்டுதான் இருக்கிறார்.

ஆமா அவர் வயதில்தான் மூப்பு எண்ணங்களில் இளைஞர்தான் அதுபோல நண்பர் பசி பரமசிவம் கடவுளுக்கு சுளுக்கு எடுத்துக்கிட்டே இருக்கிறார்..

சரி மச்சான், காஃபி எடுத்துக் கொள்ளுங்கள்.

உங்களை சந்திச்சது ரொம்ப சந்தோஷமா இருக்கு, ரூபன்.

எனக்கும் சந்தோஷம்தான் வலைச்சரத்தில் உங்களைப்பற்றி சரியாத்தான் எழுதி இருக்காங்க ஈர மனிதர்னு. 

வாழ்க்கை வறண்டு போனது அவர்கள் கண்ணுக்கு தெரியாதுல.. ஆமா, ஏதோ வேலையை தொடங்கி விட்டேன்னு சொன்னீங்களே... பிஸி இல்லையே ?

அப்படி ஒன்றுமில்லை, வலைப்பதிவில் சகோதரி அதிரா அவர்களின் கேப்பைகழி அல்வா செய்வது எப்படி ? என்பதை படிச்சுட்டு செய்து கொண்டிருந்தேன்...

அப்படியா... அவரின் சமையல் வகை எனக்கு.....ம் பிடிக்கூ.........ம் கொண்டு வந்தீர்களா ?

இல்லை மச்சான்..

ஏன் ?

நமக்குள் பிரச்சனை வரக்கூடாதுதானே.. அதனால் கொண்டு வரவில்லை.

சரி பரவாயில்லை, அதுதான் நல்லது

வலைப்பதிவு எப்படி போய்க்கொண்டு இருக்கிறது. ?.

அதான், தினம் பார்க்கிறீங்களே.. எங்கள் பிளாக் ஸ்ரீராம்ஜி தளம்தான் களைகட்டி இருக்கிறது மற்றபடி சகோ கீதா சாம்பசிவம் அவர்கள் எழுதுறாங்க அம்பேரிக்கா போனாலும் தொடர்ந்து எழுதுறாங்க... மதுரைத்தமிழன் வழக்கம் போலவே அரசியல் பதிவு எழுதுகிறார்.

நீங்களும் நன்றாகத்தானே எழுதுகிறீர்கள், அதிலும் சொக்கன்ஜியும், நீங்களும் கலந்துகொண்ட ஆஸ்திரேலியா பதிவு நன்றாக கொமெடி செய்திருந்தீர்கள்,

உங்களுடைய கவிதை எல்லாமே கோபமாத்தான் இருக்கு.

ஓம், உண்மையைத்தானே எழுதுகிறேன், மச்சான் சே.குமார் உங்களோடுதான் இருக்கிறாரா ?

அபுதாபிதான் வாரம் ஒருமுறை சந்திப்போம்.

மச்சான் இந்தியா எப்பொழுது போவீங்கள் ?

அடுத்த மாசம் போறேன்.

நல்லது, எனது அண்ணா தனபாலனை சந்தித்தால் ? நலம் விசாரித்ததாக சொல்லுங்கள்.

கண்டிப்பாக நண்பர் தி.த. அவர்களை சந்தித்து சொல்வேன்.

உங்களது ஊரும், அண்ணாவுடைய ஊரும் பக்கம்தானே ?

தி கிரேட் தேவகோட்டையிலிருந்து... திண்டுக்கல் 116 K.M

மச்சான், நீங்கள் ஜெர்மனி, ஃப்ரான்ஸ், சுவிஸ் எல்லாம் போய் வந்ததை வலைப்பதிவில் பார்த்தேன், புகைப்படங்கள் நன்றாக இருந்தது, ஆஸ்திரேலியா போனீர்கள்தானே... நண்பர் சொக்கன் சுப்பிரமணியனோடு ஏன் ஊர் சுற்றவில்லை ?

அவரைப்பற்றி பேசாதீங்க... அவருதான், என்னை கழட்டி விட்டுட்டாரே...

பதிவில் நீங்களும், கழட்டி விட்டது போலவும் இருந்ததே...

அது.... வந்து... அது.... அது.... டாக்ஸிகாரனோட தப்பு, ஆமா பக்கத்துல டூரிஸ்ட் ப்ளேஸ் ஏதாவது இருக்கா ?

நல்லது இப்பொழுது நாம் வெளியே போகவேண்டும் தானே ?

ஆமா, எங்கே போகலாம் ?

வெளிக்கிடுங்கள், போவோம்.

ஸூட்கேஷிலிருந்து... கேமராவை எடுத்தேன்.

கேமரா நன்றாக இருக்கிறது எங்கு வாங்கினீர்கள் ?

உகாண்டா போகும்போது வாங்கினேன்.

உகாண்டாவும் போயிருக்கிறீர்களா... வலைப்பதிவில் வரவில்லையே ?

வரும் சமயம் வரும்போது...

இது விலை எவ்வளவு ?

€ 1063.00 (Euro)

மிகவும், நன்றாக இருக்கிறது நமது மலேசிய சந்திப்பை வலைப்பதிவில் இடுவீர்கள்தானே..

கண்டிப்பாக ரூபன், Visa Copy போதுமா... இல்லை Passport வேணுமா ?

ஓம் கடவுச்சீட்டு இல்லாமல் வெளியே செல்லாதீர்கள்.

Room மை பூட்டி விட்டு, 117^th Floor ரிலிருந்து Lift ல் இரண்டு பேர் மட்டுமே வந்து கொண்டிருந்தோம்.... திடீரென ’’கிணீங் டிங்’’ என்ற சத்தம் லிப்டின் இரும்பு ரோப் அறுந்துபோய் ....சொய்ய்ய்ய்யங் லிப்ட் வேகமாக கீ.......ழே..... வந்து கொண்டிருக்க... நானும் ரூபனும் செய்வதறியாது திகைக்க... ’’ட்டொம்ம்ம்ம்’’

‘’அம்மா’’ அலறியடித்து கட்டிலிலிருந்து எந்திரித்தேன், ’’ச்சே’’ கனவு

.

குறிப்பு – என்னால் எல்லா பதிவர்களையும் இதில் கொண்டு வரமுடியும் ஆனால் அனுமார் வால் போல் நீண்டு போகிறதே என்று யாரும் படிக்காமல் போய் விடுவீர்களோ... என்பதால் முடித்துக் கொண்டேன் இடம் பெறாத பதிவர்கள் தயவு செய்து மன்னிக்கவும் – கில்லர்ஜி

அடிக்குறிப்பு – இந்த பதிவை வெளியிட எனக்கு அனுமதியளித்த நண்பர் ரூபன் அவர்களுக்கு ஏதாவது பரிசு கொடுக்கலாமென அவரிடமே கேட்டேன் நமக்குள் பரிசுகள் எதற்கு மச்சான் ? நன்றி போதுமே...

ஆகவே, அவருக்கு.

-நன்றி-

-அன்புடன்-

-கில்லர்ஜி-