வங்கமுத்தும், வழுக்குப்பாறையும்

வணக்கம் வங்கமுத்தண்ணே... நல்லா இருக்கீங்களா ?
வாடா வழுக்குப்பாறை நல்லா இருக்கேன்டா நீ எப்படி இருக்கே ?
 
நல்லாயிருக்கேன் சில சந்தேகம் வந்துச்சு கேட்கலாம்னு வந்தேன்ணே...
கேளுடாத்தம்பி அண்ணேஞ் சொல்றேன்.
 
ஏண்ணே ஆடு. சேவல், கோழி இதெல்லாம் அசைவம்தானே ?
ஆமாடா...
 
அப்படீனாக்கா... மீன், நண்டு இதுவும் அசைவம்தானே ?
ஆமாடா... இதிலென்ன சந்தேகம் உனக்கு ?
 
அப்படீனாக்கா... கோயிலுக்கு நேர்த்திக்கடன் வச்சு ஆடு, கோழி வெட்டுறவங்க, மீன், நண்டு வெட்ட மாட்றாங்களே ஏண்ணே ?
? ? ?
 
சில கோயில்ல கிடா வெட்டாம வெண்பொங்கல், வடை, சுண்டல் மட்டும் தர்றாங்களே ஏண்ணே
தம்பி அதெல்லாம் அசைவம் சாப்பிடாத சாமி, ஐயனார், கருப்பணசாமி, முனியய்யா இவங்களுக்குதான் ஆடு, சேவல் வெட்டணும்.
 
அப்படீனாக்கா... வெண்பொங்கல், வடை, சுண்டல், கிடா ரெண்டையுமே மனுஷன்தானே திங்கிறான் அப்புறம் எப்படிணே அசைவச்சாமினு சொல்றாங்க ?
? ? ?
 
ஏண்ணே உத்திரகோசமங்கையிலதான் சிவன் பிறந்தார்னு சொல்றாங்களே உண்மையாணே ?
ஆமாடாத்தம்பி உலகைப் படைத்த சிவன் பிறந்த இடம் உத்திரகோசமங்கை அதனாலதான் எல்லா மக்களும் அங்கே வந்து சாமி தரிசனம் செய்துட்டு போறாங்க...
 
அப்படீனாக்கா... அவங்க அம்மா, அப்பா யாருணே ?
? ? ?
 
ஏண்ணே திருப்பதி ஏழுமலையானை பணக்காரச்சாமினு எல்லாரும் சொல்றாங்களே எப்படிணே ?
ஆமாடாத்தம்பி எல்லா மக்களும் அங்கே போயி கட்டுக்கட்டாக பணமும், தங்கநகை, வெள்ளி நகை எல்லாம் உண்டியல்ல போடுவாங்க தினம் பல கோடி வருமானம் அதனாலதான் ஏழுமலையானை பணக்காரசாமினு சொல்றாங்க...
 
அப்படீனாக்கா... இந்த விசயம் ஏழுமலையானுக்கு தெரியுமாணே ?
? ? ?
 
ஏண்ணே மாரியம்மன் கோயில்ல பூ மிதிக்கிறோம்னு சொல்றாங்களே... அது எதுக்குணே ?
தம்பி குடும்பம் நல்லா இருக்கணும்னு மாரியம்மனுக்கு நேர்த்திக்கடன் வச்சு பால்குடம் எடுத்து பூக்குழி மிதிச்சு நடந்து வருவாங்கடா...
 
அப்படீனாக்கா... பூவை மிதிக்காம ஏண்ணே தீ மிதிக்கிறாங்க ?
? ? ?
 
என்னணே எதுக்குமே பதில் சொல்லாம நிற்கிறீங்க ?
ஆமாடா இப்ப நான்தான் உன்னை தூக்கிப்போட்டு மிதிக்கப் போறேன் ஓட்றா.
? ? ?
 
கில்லர்ஜி அபுதாபி
 
Chivas Regal சிவசம்போ-
தம்பி வழுக்குப்பாறை வசமாத்தான் கேள்வி கேக்குறான், மனுஷப்பயலுக பதில் சொல்ல முடியாது போலயே...
 

காணொளி