FANTASTIC FRANCE

You Want See Big size ? Just Click One Time Photo Inside.

பிரான்ஸ் தலைநகரம் பாரீஸில், நண்பர் பிரபு கண்ணுச்சாமியின் வீட்டில் தங்கினேன், வாழ்வில் மறக்க கூடாத உதவியாளர். 

பிரான்ஸில், நான் மட்டுமே புகைப்படக்கருவியுடன், சுற்றியதால் பெரும்பாலான சித்திரங்களும், காட்சிகளும் நானிலில்லாமல்... நான் கண்டு ரசித்தவை உங்கள் விழிகளுக்கும்... 

பாரீஸ் கோபுரத்தின் உச்சிக்கு தொங்கு பெட்டியில் சென்றுவர, 14.00 € யூரோ வசூலிக்கிறார்கள், இதில் இரண்டு நிலைவரை படியில் ஏறிபோய் தொங்கு பெட்டியில் சென்றுவர, 8.50 € யூரோ வசூலிக்கிறார்கள், மேலும் ஊனமுற்றோர்களுக்கு கூடுதல் சலுகைகளும் உண்டு. 

பழமை வாய்ந்த கட்டிடங்களை பாதுகாத்து வருகிறார்கள், பெரும்பாலும் இடித்து விடாமல், உள்ளுக்குள்ளேயே புதிய நவீனங்களை புகுத்தி விடுவதுதான் இவர்களின் சிறப்பம்சம். 

பெரும்பாலும் ஆறு நிலைகளுக்கும் கீழான கட்டிடங்கள்தான் அதிகமாக காணப்படுகின்றன. 

புகைவண்டி போக்குவரத்து என்னைப் போன்ற பாமரனுக்கும், புரியும் வகையில் வழிவகை செய்து இருக்கிறார்கள்.

பிரயாணச்சீட்டு 6.50 € யூரோவுக்கு எடுத்துக் கொண்டால், ஒருநாள் முழுவதும் உபயோகப்படுத்தி, எங்கும் எத்தனை முறையும் சென்று வரலாம், 

பயணிக்கும் போதே அடுத்த நிலையத்தில் நாம் இறங்க வேண்டியது இடதுபுறமா, அல்லது வலதுபுறமா, என்பதை ஒலிபெருக்கியில் ப்ரெஞ்சு மொழியில் அறிவித்து விடுகிறார்கள், இதனால் பயணிகள் இறங்கத் தயாராகி விடுகிறார்கள், நிலையம் வந்ததும் தாணியங்கி கதவுகள் திறக்க, ஒரு வினாடியில் பயணிகள் இறங்கி, மறு வினாடியில் பயணிகள் ஏறி, அடுத்த வினாடியில் வண்டி புறப்பட்டு விடுகிறது.

எல்லோருமே, எப்போதுமே சுறுசுறுப்புடன் செயல்படுகிறார்கள், நம்மூரிலுள்ள வாழைபழ சோம்பேறிகள் வந்தால் அவர்களுக்கு சிரமமாகத்தான் இருக்கும். 

எனக்கு ஆச்சர்யமான விசயம் என்னவென்றால் சுரங்கப்பாதையில் ஓடும் புகைவண்டிகள், நான்கு திசைகளிலும் செல்கிறது மேலே நகரம், இது எப்படி சாத்தியம் ? 

அதுவும் இதை புகைவண்டி கண்டு பிடித்த ஆண்டுகளிலேயே அமைக்கத் தொடங்கி விட்டார்கள், இதிலிருந்து நான் தெரிந்து கொண்டது நாம் எவ்வளவு தூரம் பின்தங்கி இருக்கிறோம் ? 

தொலைதூர புகைவண்டிகளின் சக்கரங்கள் நமது ஊரைப் போலவே இருக்கிறது. 

உள்ளுக்குள்ளேயே, அதாவது சுரங்கப்பாதையில், ஓடும் புகைவண்டியில் இரும்பு சக்கரத்துடன் பேருந்தில் உள்ள ரப்பர் சக்கரங்களையும் பொருத்தி உள்ளார்கள், இதனால் பயணிகளுக்கு இது அதிகமாக இறைச்சல் கொடுப்பதில்லை.

நான், வியந்த ஓவியமே, நல்ல கலைக்காவியமே...

கோபுரத்தின் உச்சியில், எனது இந்தியாவைப்பற்றி....

மனிதன் எப்படி, எப்படியோ, முடிவில் இப்படி. 

போட்டோ, எடுக்க போட்டா போட்டி.

காவலர் விரைவூர்தி.

My, Great Indian Train from My Sweet India.

குறிப்பு – நம் இந்தியாவில், இருப்புப் பாதைக்காண திட்டம் 1832 ஆம் ஆண்டில் வரையப்பட்டது, 1836 ரில் முதல் இருப்புப்பாதை தற்போதைய, சென்னையின் சிந்தாரிப்பேட்டை பாலம் அருகே சோதனை ஓட்டமாக அமைக்கப்பட்டது.

1837 லில் செங்குன்றம் ஏரிக்கும், செயின்ட் தாமஸ் மவுண்ட்டின் (பரங்கிமலை) கற்சுரங்களுக்கும் இடையே 56 கி.மீ. (35 மைல்) தொலைவிற்கு நிறுவப்பட்டது. 

1844-லில் அப்போதைய கவர்னர் ஜெனரல் Enry Artinge தனியார் துறையினரும் இருப்புப் பாதைகள் அமைக்க அனுமதித்தார்.

1853 April 16 முதல் பயணிகள் போக்குவரத்து தொடர்வண்டி மும்பையின் போரிபந்தருக்கும், தானேக்கும் இடையே 36 கி.மீ. (21மைல்) தொலைவிற்கு இயக்கப்பட்டது.

காணொளி
  

F.P- 19 Nov 2012

Mr. திருவாளி.

கஷ்டம், நஷ்டம், இழப்பு., வேதனை, துக்கம், அவமானம், ஏமாற்றம், துன்பம், கவலை இத்தனை விசயங்களையும் ஒரு எழுத்தாளன் உணர்வுப்பூர்வமாக வாசகனுக்கு கொடுக்கமுடிகிறது என்றால் ? அவனும் தனது வாழ்க்கையில் அனைத்தையும் அனுபவித்திருக்கிறான், என்றுதானே பொருள், இந்த விசயங்களை தொட்டுப்பார்க்காதவனால், பட்டும்படாமலும்கூட எழுதமுடியாது என்பதே எமது கருத்து, அந்த எழுத்தாளன் தனது எழுத்தாற்றலால் அனைவரையும் கவரும்போது இந்த விசயங்களையெல்லாம் வெகுதூரத்தில் நிறுத்திவிட்டு வேறொரு வட்டத்துக்குள் நுளைந்து விடுகிறான் அப்பொழுது அவனுக்கு கிடைப்பது பெருமை, சந்தோஷம், கௌரவம், பதவி, விருது, செல்வந்தன், இன்பம், அங்கீகாரம், பாராட்டு, கைதட்டல், பரிசு இத்தனை உயர்ந்த வாழ்க்கை அவனுக்கு வந்தடைந்த போதும்... அன்பு, பண்பு, அமைதி, அடக்கம், கனிவு, ஒழுக்கம், எளிமை, பணிவு, புன்னகை, பொருமை காத்து வாழும்பொழுது கடைசிவரை வாழ்வை இந்த வகையில் நிலை நிறுத்திக்கொள்கிறான், மாறாக அகங்காரம், ஆனவம், திமிர், தலைக்கனம், இறுமாப்பு, கெட்டசெயல், சர்வாதிகாரம் நிலைக்கு அவன் மாறும்பொழுது பழைய நிலைக்கே அவன் கொண்டு செல்லப்படுகிறான்... இது ஒரு எழுத்தாளனுக்கு மட்டுமல்ல ! கைவண்டி இழுக்கும் தொழிலாளி முதல் நாட்டை ஆளும் ஜனாதிபதி வரைக்கும் இதே நியதிதான்.... இந்த சட்டத்தை வகுத்தது யாமல்ல ! நமக்கு மேலேயுள்ள, Mr.திருவாளியத்தவன்.

CHIVAS REGAL சிவசம்போ-

இதனாலதான், பதவி வரும்போது.... பணிவு வரவேண்டும் தோழா.... னு கவிஞர் வாலி 1964 ல்-எழுதி, T.M. சௌந்தரராஜன் பாடுனாரோ ?

குறிப்பு – நண்பர் ஊமைக்கனவுகள் அவர்களின் ‘’படைப்பின் உயிர்’’ என்ற பதிவை படித்ததின் காரணமாய் இதை எழுதினேன் திரு. ஊமைக்கனவுகள் அவர்களுக்கு நன்றி, அன்புடன். Killergee.

Video

(Please ask Audio Voice)



சுட்டபழம்

சுட்டபழம்.

இவரின் உபதேசம்

பதினாறும் பெற்று பெருவாழ்வு வாழ்க.

தான் நிரூபித்ததை உலகுக்கு பறைசாற்றுகிறார்.

இதம்பாடல் மலையடிவாரத்தில் ஸ்ரீபூவலிங்கா ஆச்சார்யா என்றொரு ஞானி இருந்தார் அவர் ஒருநாள் தன்சீடர்களான சங்குனி, மங்குனி  இருவர்களையும் அழைத்து தாங்கள் இருவரும் தனித்தனியாக சென்று எமக்கு சுட்டபழம் ஒன்றும், சுடாதபழம் ஒன்றும் கொண்டு வாருங்கள் என்றார்.

அரைநாளிகை கழித்து சீடர்கள் இருவரும் வந்தார்கள்.

சீடர்களில் சங்குனி, குருவே இந்தாருங்கள் தாங்கள் கேட்ட சுட்டதும், சுடாததும் என்று ஒருபெரிய அளவிலான கொட்டானை கொடுத்தான் ஞானி ஸ்ரீபூவு திறந்து பார்த்தார் உள்ளே சிறிது அப்பளமும், சிறிது பணமும் இருந்தது ஞானி ஸ்ரீபூவு சங்குனியைப் பார்த்து கோபத்துடன் கேட்டார் என்ன இது ? சங்குனி சொன்னான்

சுட்டது அப்பளம் சுடாதது எனது சம்பளம்

கோபப்பட்ட ஞானி ஸ்ரீபூவு மங்குனியை நோக்கி கேட்டார் நீ என்ன கொண்டு வந்தாய் ?

மங்குனியும் ஒருபெரிய கொட்டானை இந்தாருங்கள் குருவே என்று கொடுத்தான்.

ஞானி ஸ்ரீபூவு திறந்து பார்த்தார் உள்ளே நிறையபணம் இருந்தது ஞானி ஸ்ரீபூவு கோபத்துடன் மங்குனி என்ன இது ? என்றார்.

மங்குனி அந்தபணத்தை எடுத்து ஒன்றில் கூடுதலாகவும், மற்றொன்டில் குறைவாகவும் இரண்டு பிரிவாக வைத்து, குருவே இது கிம்பளம், இது சம்பளம் என்றான்.

ஞானி ஸ்ரீபூவுக்கு கோபம் சிரசுக்கு ஏறியது இது இரண்டுமே பணம்தானே இது எப்படி ? சுட்டதும், சுடாததுமாகும்.

மங்குனி சொன்னான் குருவே இது கிம்பளம் சுடாதது, இது...

திடீரென்று சங்குனி “அலறினான்” அய்யோ யேம்போனமாத சம்பளத்தைக் காணோம்.

சாம்பசிவம்-

நல்லவேளை நடிகர் பொன்னம்பலத்தை GUN னால சுட்டு கம்பளத்துல சுருட்டிக்கொண்டு வந்து இதுதான், சுட்ட, பொன்அம்பலம்னு சொல்லாம போனாங்களே...

F.P- 25 Aug 2011



பாம்பனிலிருந்து.... பாம்பாட்டி

மனிதர்கள் செய்யும் தவறுகள், மதம் சொன்னது எனச்சொல்வது, உண்மைதானா ? 

மதம் எப்படி தவறு செய்யச் சொல்லும் ? 

அப்படிச் சொன்னால் அது மதம்தானா ? எனமனிதன் ஏன், சிந்தித்துப் பார்க்க மறுக்கிறான் ? அதேநேரம் எத்தனையோ நல்ல விசயங்கள் இருக்கிறது அதை அவன் செய்வதில்லை, காரணம் நடைமுறை வாழ்வுக்கு அது, பாதகமாக இருப்பதாக கருதுகிறான்.

தனக்கு சாதகமாக இருப்பது போன்று தோன்றுவதை 

அவன் நடைமுறைப்படுத்த முனைகிறான், மதத்தில் தவறில்லை மனிதா, நீ புரிந்து கொண்ட விதத்தில்தான் தவறு. ஆம் மனிதா

இறுக்கம் கொண்டமனம் இரக்கம் கொள்ளாது 

ஆகவே மனதை மென்மையாக்க முயற்சி செய். 

மானிடா மதம் உன்னைப் பிடித்தாலும் சரி, உனக்கு மதம் பிடித்தாலும் சரி, அழிவு மனிதனுக்கே ! மதத்திற்கு அல்ல !

(You have Brain too much, because just think after you decide) 

ஆகவே, எது சரியென யோசி, 

(but one thing only you, don't include others) 

பிறகு நீ தானாகவே மனிதனை நேசிப்பாய். 

வாழும் காலம் என்பது, ராமேஸ்வரத்திலிருந்து... தனுஷ்கோடி போய் மீன் பிடிப்பது போன்றது, போகும் தூரம் என்பது, ராமேஸ்வரத்திலிருந்து... கச்சத்தீவு போய் மீன் பிடிப்பது போன்றது.

மதம். யானைக்கு, பிடித்தால் காடு அழியும்.

மனிதனுக்கு, பிடித்தால் நாடு அழியும்.

காடு அழிந்தால் மனித உயிருக்கு பாதிப்பில்லை, நாடு அழிந்தால் மனித உயிரும் அழிந்து, நாடே காடாகும் நமது முன்னோர்கள் விஞ்ஞானம் வளராத அந்தக் காலத்தில் நமக்காக காட்டை அழித்து நாட்டை உருவாக்கினார்கள், இன்று விஞ்ஞானம் அபார வளர்ச்சி என, பீற்றிக்கொள்ளும் மானிடா, நாட்டை மீண்டும் காடாக்க வேண்டுமா ? எதைச் சாதிக்க நினைக்கிறாய் ? எதை எடுத்துப் போக நினைக்கிறாய் ? இந்த நிமிடம் நீ மரணித்தால் ? போன நிமிடம் வரை நீ உண்டதுதான் நீ எடுத்து போக முடிந்தது ''எடுப்புச்சாப்பாடு'' எனச் சொல்வார்களே ! அதைத் தவிர வேறொன்றும் இல்லை.

காணொளி

விசித்திகன்



என் வாழ்வில் நான் கண்ட, காணும் ஆத்திகம் பேசும், பேசிய மானிடர்களில், பெரும்பாலானோர் நடைமுறை வாழ்வில் நியாயமாக நடந்தவர்கள் இல்லை, அதேநேரம் நாத்திகம் பேசும் பல மனிதர்களை நான் பார்த்து விட்டேன் பெரும்பாலானவர்கள் யோக்கியர்களாகத்தான் இருக்கிறார்கள், நாத்திகர்களை உயர்த்தி பேசுவதால் நான் நாத்திகஜாதி என அவசரப்பட்டு எண்ண வேண்டாம்.

நான் நாத்திகத்திலும், ஆத்திகத்திலும் சேர்க்கப்படாத விசித்திகத்தை தேடிக் கொண்டிருப்பவன், விஞ்ஞானத்தையும் மெஞ்ஞானத்தையும் குழைத்து என் ஞானம் பேசமுயல்பவன்.

இறைவன் தூணிலும் இருப்பான், துரும்பிலும் இருப்பான் என்றால் ? உயிரற்ற தாதுப்பொருள்களில் இருக்கும் இறைவன், உயிர் ஜீவனான உன் மனசாட்சியுடன், இருக்கமாட்டானா ? பிறருடைய பொருளை அபகறிப்பது தவறான செயல் என, உன் மனசாட்சிக்கு தெரியும்போது அந்த மனசாட்சியை உருவாக்கிய இறைவனுக்கு தெரியாதா ? தெரியுமென நீ நிச்சயமாக நம்புவாய்யென நான் நம்புகிறேன் ஏனெனில் நீ ஆத்திகன், உயர்பிறவியான மனிதப்பிறவியாக இறைவன் உன்னை படைத்து பூமியில் விட்டு விட்டான், மனிதானான நீ மனிதனாக வாழ்ந்து மனிதனாகவே மரணித்தால் என்ன ?

என்னைப் பொருத்தவரை இறைவணக்கத்தை நாடுவதுகூட ஒரு வகையில் மன்னிப்பை தேடுவது போல்தான், மன்னிப்பு யாருக்கு தேவை ? குற்றவாளிக்கு, நீயோ குற்றமற்றவன் பிறகு நீயேன் இறைவனை வணங்கவேண்டும் ? நீ போடும் ஊழைக்கும்பிடு இறைவனை திருப்திபடுத்துமென நினைத்து நீ திருப்தி கொள்கிறாய் அப்படித்தானே ! இறைவனுக்கு படைக்கிறேன் எனக்கூறி விட்டு அனைத்தையும் நீயே உண்கிறாய், ஒருக்கால் இறைவன் உண்டால் ? நீ உணவுகளை உண்டாக்க மாட்டாய்.

(காரணம் இன்றைய விலைவாசி அப்படி) 

இறைவன் ஆசாபாசம், விருப்பு, வெறுப்பு, பசி, பட்டினி, உறக்கம், உறவுகளுக்கு அப்பாற்பட்டசக்தி.

மனிதர்கள் அனைவரும் தன்னிடம் அடிபணிய வேண்டுமென இறைவன் நினைத்தான் என்றால் ? அவன் இறைவனே அல்ல ! நம்மைப் போல, ஒரு தமிழ்நாட்டு அரசியல்வாதியைப்போல, சராசரி மனிதப்பிண்டமே...... இறைவனுக்கு நிச்சயமாக உருவம் இல்லை அதேநேரம் நீ அந்த இறைவனை, இறைசக்தியை சந்தித்தே தீரவேண்டும் அதுதான் உன் மரணநாள். மலம் கழித்து வாழ்ந்த மனிதர்களை வணங்கியவனைக்கூட மன்னித்து விடுவான் ஆனால் அவன் போலியென தெரிந்த பின்னும் அவனை வணங்கிய ஆத்திகனை இறைவன் ஒருபோதும் மன்னிக்க மாட்டான், நாத்திகன் இந்த வட்டத்திற்குள் வரமாட்டான் காரணம் அவன் இறைவனையே வணங்குவதில்லையே ! நாத்திகனை அவன் தண்டிக்க சாத்தியமில்லை என்பதே என்வாதம் எமது பார்வையில், பெரும்பாலான நாத்திகர்கள் நல்லவரே... 

மரணநாளை நினைத்துப்பார் நீ மனிதனாகி விடுவாய்.