குயிலகம் (3)

பதிவின் முந்தைய தொடர்ச்சிகளை படிக்க கீழே சொடுக்குக...

குயில் ஒன்று குயில் இரண்டு

வெள்ளி மீசை சொன்னது

என்னப்பா இது மாப்ளேதான் பெண்ணுகிட்டே தனியா பேசுவார்னு பார்த்தால் மாமியாரும், மாமனாரும் பேசுறாங்க ஹா... ஹா... ஹா... மாப்ளே நல்லா ஜாலியான ஆளுதான்

மரகதவள்ளி தட்டில் பஜ்ஜியை மீண்டும் எடுத்து வைத்து...

தம்பி சாப்பிடுங்கப்பா

இல்லை போதும் நிறைய சாப்பிட்டாச்சு

தம்பி நீங்களும் சாப்பிடுங்க

முகேஷுக்கும் மீண்டும் பஜ்ஜி வைத்து கொடுத்தாள் ம.வள்ளி

மாப்ளே உங்க தம்பி என்ன படிச்சுக்கிட்டு இருக்காரு ?

எம்.பி.ஏ பைனல் இயர் போயிக்கிட்டு இருக்கான் பிஸினஸ் பண்ணலாம்னு ஐடியாவுல இருக்கான்

ஒவ்வொருவரும் ஒவ்வொரு கேள்வியாக கேட்க எல்லோருக்கும் சிரித்த முகத்துடன் பதில் சொல்லிக் கொண்டு இருந்தான் முகிலன் இடையிடையே ஜனனியின் தோழிகள் ஜொள்ளு விடுவதையும் கவனித்துக் கொண்டே இருந்தான்

என்னத்தா இது மாமியாளும், மருமகளும் உள்ளே போயி அரைமணி நேரம் ஆச்சு என்னதான் அப்படி பேசுறாங்க ?

ஏ... கெழவி நீ சும்மா இருத்தா.. பேசிட்டுதான் வரட்டுமே என்ன அவசரம் இடையிலே ரெண்டு பலகாரத்தை தின்போமே...

சொல்லிய வெள்ளி செயலில் இறங்கியது கூட்டம் சிரிப்பலைகளில் மிதக்கும் போது...

கதவைத் திறந்து கொண்டு முதலில் வெளியில் வந்தவர் மந்திரமூர்த்தி முகத்தில் பெருமிதம் மீசை மேலும் மேல்நோக்கி இருந்தது, பின்னால் மல்லிகா ஜனனியை அணைத்தபடி அழைத்து வந்தாள் இருவர் முகத்திலும் மகிழ்ச்சி உறைந்து இருந்தது.

வெள்ளி மீசை சொன்னது

அடடே மாமியாரும், மருமகளும் ராசி ஆகிட்டாங்க சந்தோஷமய்யா

மந்திரமூர்த்தி மகனிடம் வந்து தம்ஸ்-அப் அடையாளத்தைக் காட்டி முதுகில் தட்டிக் கொடுத்தார்

தேவநாதனும், ம.வள்ளியும் ஒருவரை ஒருவர் பார்த்து சிரித்துக் கொண்டனர் மகன்களுக்கும், மருமக்கள்மார்களுக்கும் ஒரே மகிழ்ச்சி

ஜனனியை யாரும் உள்ளே போகச் சொல்லவில்லை ஆகவே மீண்டும் அதே இடத்தில் அமர்ந்து கொண்டு முகிலனை பார்த்துக்கொண்டு விழிகளால் சிரித்தாள் அச்சிரிப்பில் காதலோடு கலந்த நன்றியும் இருந்தது.

வெள்ளி மீசை மீண்டும் தொடர்ந்தது...

என்ன பட்டாளத்துக்காரரே மத்த விசயங்களை பேசிடுவோம்

மந்திரமூர்த்தி தனது மைத்துனரைப் பார்க்க, அவர் கேட்டார்

பெண்ணுக்கு எவ்வளவு நகை போடுறீங்க ? மாப்பிள்ளைக்கு என்ன செய்றீங்க... மற்றபடி சீர்வரிசை எல்லாம் எப்படி ?

தேவநாதா உன் மகளுக்கு என்ன செய்யப்போறே சபையில சொல்லு ?

தேவநாதன் தனது மகன்களை ஒரு பார்வை பார்த்தார் பிறகு மனைவியை பார்க்க, சொல்லுங்க என்பது போல் ம.வள்ளி ஆட்ட..

.
பெண்ணுக்கு 25 பவுன் நகை போடுறோம், மாப்பிள்ளைக்கு செயின், கைச்செயின், மோதிரம் எல்லாம் சேர்த்து 5 பவுன் போடுறோம் மற்றபடி கட்டில், மெத்தை, பீரோ எல்லாம் சீர் தர்றோம். எம் பசங்க தங்கச்சி மேலே உசிரையே வச்சு இருக்காங்கே கடைசிவரை எல்லாம் செய்வாங்கே...

ம.மூர்த்தி மல்லிகாவை பார்க்க, மல்லி தலையசைக்க

இப்ப நீங்க செய்ய முடிஞ்ச அளவுதான் சொல்லி இருக்கீங்க நாங்க நகையைப்பத்தி இதுக்கு மேலே பேசலை ஆனால் இப்ப சபையில சொன்னது போல நடந்துக்கணும் மத்தபடி இது எங்கள் வீட்டு முதல் கல்யாணம் எங்களுக்கு நிறைய சொந்தபந்தங்கள் இருக்கு அதனால எங்க ஊரு தேவகோட்டையில்தான் கல்யாணம் வைக்கணும்

நல்லது கல்யாணச் செலவுகள் எல்லாம் எப்படி ?

கல்யாணச்செலவுகள் இரண்டு பேருக்கும் பாதி

தேவநாதன் வெள்ளி மீசையை பார்க்க...

பட்டாளத்தாரே உங்க விருப்பப்படி தேவகோட்டையில கல்யாணம் வைக்கிறீங்க... செலவுல பாதினா எப்படி ? இல்லைனா எங்க ஸ்ரீரங்கத்துல வைங்க நாங்க செலவு பண்ணுறோம்

சரி வேண்டாம் விடுங்க நாங்களே செலவைப் பார்த்துக்கிறோம் ஆனா சாப்பாட்டு செலவுல பாதி தந்துடுங்க

நல்லது அப்படியே செய்துருவோம்

வர்ற ஆவணி முதல் முகூர்த்தத்தில் வச்சுக்கிருவோம்

நல்லது வேற ஒன்னுமில்லையே...

மற்றபடி செய்முறைகள் சரியானபடி இருக்கணும் இல்லைனா எங்க ஊர்ல கேலி பண்ணுவாங்க உதாரணத்துக்கு தீபாவளிக்கு மாப்பிள்ளை, பெண்ணுக்கு புதுத்துணி எடுத்துக் கொடுத்து எப்படி முறைப்படி அழைக்கணுமோ அதை சரியாக செய்யணும் எங்களை பெருமைப் படுத்தணும் என்பதற்காக கடன் வாங்கி பத்தாயிரம் ரூபாய்க்கு ட்ரெஸ் எடுக்ணும்னு அவசியமில்லை உங்களால முடிஞ்சதை ஆயிரம் ரூபாய்க்கு எடுத்தாலும் முறைகளை தவற விடாதீங்க தெரியலையா எங்க தேவகோட்டை வழக்கம் எப்படியோ அதை மனம் விட்டு ஈகோ பார்க்காமல் கேட்டு செய்யுங்க இல்லைனா உறவுக்காரங்க எங்களை கேலி செய்வாங்க

பெண்ணு வீட்டுக்காரங்க எங்கள்ட்ட அடங்கிப் போகணும்னு நாங்க நினைக்கவும் இல்லை நீங்க அப்படி இருக்கணும்னு அவசியமும் இல்லை சின்னச் சின்ன செய்முறைகள்ல நடக்கிற தவறுகள்தான் சம்பந்திகள்குள்ளே மனக்கசப்பை உண்டாக்கி பிள்ளைங்க வாழ்க்கையில் விரிசலை உண்டாக்கி சண்டைகளை உருவாக்கிடும் நீங்க கடைசிவரை எங்கள் வீட்டுக்கு வந்து போகணும் நமக்குள்ளே நாளை பிரச்சனைகள் வரவேகூடாது அதனாலதான் நானும், எம் மகனும் இவ்வளவு ஓஃபனாகவே பேசுறோம். என்ன பெரியவரே நான் சொன்னதெல்லாம் சரிதானே ?

ஐயா பட்டாளத்துக்காரரே நீங்களும் சரி, உங்க மகனும் சரி பேசுற விசயங்கள் கொஞ்சம் சங்கோஜமா இருந்தாலும் நாளைக்கு சங்கடங்கள் வரக்கூடாதுனு தொலைநோக்கு பார்வையா சிந்திச்சு பேசுறீங்க இந்த மாதிரியே எல்லா சம்பந்திகளும் மனம் திறந்து பேசிட்டா பிரச்சனைகளுக்கே வேலையில்லையே தேவகோட்டைக்காரவுங்க சீர்வரிசையை சிறப்பா எதிர்பார்ப்பாங்க நாங்களும் கேள்விப்பட்டு இருக்கோம் எங்களுக்கு தெரியாததை உங்கள்ட்ட கேட்டு செஞ்சுட்டு போறோம் என்னத்தா மரகதவள்ளி கேட்டுக்கிட்டியா ? எந்த விசயமா இருந்தாலும் சரி சம்பந்தியம்மாவுக்கு போனைப்போடு அவுங்கள்ட்டயே கேட்டு முறைகளை சரியா செஞ்சிடு

சரி மாமா அதெல்லாம் ஒரு குறையும் இல்லாமல் செஞ்சிடுவோம்
நல்லது நாங்க புறப்படுறோம் நீங்க மட்டும்தான் நம்ம வீட்டுக்கு வந்து இருக்கீங்க எல்லாரையும் அழைச்சுக்கிட்டு ஒரு நல்லநாள் பார்த்து தேவகோட்டை வாங்க மிச்ச விசயங்களை பேசிக்கிடலாம்.

நல்லது கண்டிப்பாக வர்றோம்

எல்லோரும் ஒருவருக்கொருவர் கும்பிட்டு சொல்லி விட்டு புறப்பட்டார்கள்

 தொடரும்...