பத்தல பத்தல சம்பளம் பத்தல...

வணக்கம் வத்திக்குச்சியண்ணே... நல்லா இருக்கீங்களா ?
வாடாத்தம்பி தண்ணிக்குடம் நல்லா இருக்கேன், நீ எப்படிடா இருக்கே ?
நல்லா இருக்கேன்ணே... சில சந்தேகங்கள் கேட்டுப் போகலாம்னு வந்தேன்.
கேளுடாத்தம்பி அண்ணேஞ் சொல்லுறேன்.
 
பொண்டாட்டி, புருசன் ரெண்டாக இருந்தால் மூணாக செய்யும் வளையல்’’. அப்படீனு டி.எம்.எஸ். அண்ணாச்சி பாடுனாறே இது எப்படிணே ?
பொண்டாட்டியும், புருசனும் சண்டை போடும்போது வளையல் உடைஞ்சு மூணு துண்டாகிடும் தம்பி அதனாலதான்டா.
ஏன் நாலு துண்டா ஆகாதா ?
? ? ?
 
ஏண்ணே... இளையராஜா ‘’அந்த வானத்தைப் போல மனம் படைச்ச மன்னவனே’’ அப்படினு பாடுனாரே இதுக்கு என்னணே அர்த்தம் ?
தம்பி நாயகனோட மனசு வானத்தோட உயரத்துக்கு உயர்வானது அந்த அளவுனு சொல்றாருடா...
அப்படீனாக்கா... வானத்தோட அளவு எவ்வளவுணே ?
? ? ?
 
ஜானகியம்மா, ‘’என்னை மானமுள்ள பொண்ணு இன்னு மதுரையிலே கேட்டாக’’ அப்படினு பாடுனாங்களே... இதுக்கு உண்மையான அர்த்தம் என்னணே ?
தம்பி அதாவது அந்த படத்து நாயகி கௌரவமான குடும்பத்துல பிறந்தது, கண்ணியமா வளர்ந்தது அப்படினு சொல்றதுக்காக மானமுள்ள பொண்ணுனு பாடுனாங்கடா...
அப்படீனாக்கா... மத்தவுங்களுக்கு மானம் இல்லையாணே ?
? ? ?
 
ஏண்ணே நம்ம மலேசியா வாசுதேவன் ‘’நான் மூணு முடிச்சாலே முட்டாளா ஆனேன் கேளு, கேளு தம்பி’’ அப்படினு பாடுனாரே... இது எப்படிணே ?
தம்பி அந்தப் படத்து நாயகன் கல்யாணம் ஆகுறதுக்கு முன்னாடி சுதந்திரமா நல்லா இருந்தான், இப்ப கல்யாணம்னு மூணு முடிச்சு விழுந்ததும் வாழ்க்கை மாறிப்போச்சு அதனாலதான் அப்படி பாடுனாருடா...
அப்படீனாக்கா... அஞ்சு முடிச்சு போட்டா அறிவாளி ஆயிடலாமா ?
? ? ?
 
ஏண்ணே... ‘’லாலாக்கு டோல் டப்பிமா கண்ணே கங்கம்மா உன் இடுப்ப சுத்தி திருப்பி பாரம்மா’’னு நித்தியஸ்ரீ பாடுனாரே இது என்ன அர்த்தம்ணே ?
தம்பி கங்கம்மாவை சுற்றி வந்து பார்த்தால் இடுப்புல டப்பி கட்டி இருக்காம் அதைப் பார்க்கலாம்னு அர்த்தம்டா...
ஏன் சுத்தி வராம பார்த்தால் தெரியாதா ?
? ? ?
 
‘’மனதில் உறுதி வேண்டும் வார்த்தையிலே தெளிவு வேண்டும்’’னு பாடுனாரே யேசுதாஸ் இது எப்படிணே ?
தம்பி நல்ல உறுதியான மனசோட இருந்தால்தான் இந்த உலகத்துல வெற்றி பெறமுடியும், அதே மாதிரி தெளிவாகவும் பேசணும்னு சொல்றாருடா...
அப்படீனாக்கா... டாஸ்மாக் போயிட்டு வந்தால் தெளிவா பேசமுடியுமாணே ?
? ? ?
 
‘’அழகான மனைவி, அன்பான துணைவி அமைந்தாலே பேரின்பமே’’னு பாடுனாரே எஸ்.பி.பி அது எப்படிணே ?
தம்பி மனைவி அழைகாகவும், அன்பானவளாகவும் இருந்தால் வாழ்க்கை சந்தோஷமாக இருக்குனு சொல்றாருடா...
அப்படீனாக்கா... அழகா இல்லாதவங்க வீட்ல சந்தோஷம் இல்லையாணே ?
? ? ?
 
ஏண்ணே... ‘’முந்தானை பார்த்து முன்னூறு கவிதை எந்நாளும் எழுதும் கவிஞர்கள் கோடி’’னு ஜெயச்சந்திரன் பாடுனாரே இதுக்கு அர்த்தம் எதுணே ?
தம்பி இன்னைக்கு கவிஞர்கள் பெண்களை தவறான நோக்கத்துல பார்த்து எழுதுறாங்கனு தாக்கி பாடுறார்டா...
அப்படீனாக்கா... சேலையை பார்த்து எழுதலாமாண்ணே ?
? ? ?
 
‘’என் விதி அப்போதே தெரிந்திருந்தாலே கர்ப்பத்தில் நானே கரைந்திருப்பேனே’’ அப்படினு சித்ரா பாடுனாங்களே... இது எப்படிணே ?
தம்பி வாழ்க்கை நல்லா அமையாததால வெறுப்புல கர்ப்பத்துலயே கரைஞ்சிருக்கலாமோ அப்படி பாடுறாங்கடா...
அப்படீனாக்கா... அம்மாவுக்கு தெரியாம தன்னால கரைக்க முடியுமாணே ?
? ? ?
 
கமல்ஹாசன் ‘’பத்தல பத்தல குட்டியும் பத்தல புட்டியும் பத்தல மத்தளம் அட்றா டேய்’’ அப்படினு பாடுனாரே... இதுக்கு அர்த்தம் என்ணணே ?
அதாவதுடா தம்பி தனக்கு சம்பளம் பத்தலைனு இலைமறைகாயா நூல் விட்டு பாடுறாருடா...
அப்படீனாக்கா... குட்டியும், புட்டியும் கொடுத்தா சம்பளம் வாங்க மாட்டாராண்ணே ?
? ? ?
 
என்ணணே... இப்படி முறைக்கிறீங்க ?
ஏண்டா... நாதாரிப்பயலே... இப்படி எல்லாத்துக்கும் குதற்கமா கேள்வி கேட்டால் நான் பதிலுக்கு எங்கேதான்டா போறது... ? இந்த பக்கம் வராதே ஓடுறா... எங்கள் BLOG பக்கம் போயி கேளுடா... அங்கே சொல்லுவாங்க...
அங்கே கேள்வி கேட்டால் ஸ்ரீராம்ஜி பணம் தருவாராண்ணே ?
? ? ?
 
கில்லர்ஜி தேவகோட்டை
 
சிவாதாமஸ்அலி-
சம்பளம்தான் இப்ப டாப்பு டக்கருல போயிருச்சே...
 
Chivas Regal சிவசம்போ-
எங்கள் பிளாக் ஸ்ரீராம்ஜி & கௌதமன்ஜி குரூப்ல, கேள்வி கேட்டால் பணம் கொடுக்கிறாங்களா ?

Share this post with your FRIENDS…