உண்மையான விசுவாசிகள்

வணக்கம் நட்பூக்களே... அதிமுக அரசியல் தொண்டர்கள் ஈபிஎஸ் அவர்களை துரோகி என்றும், மற்றொரு புறம் ஓபிஎஸ் அவர்களை அயோக்கியர் என்றும் பேசிக்கொண்டு வருகின்றனர். இவரை அவர் கட்சியை விட்டு நீக்குவதாகவும், அவரை இவர் கட்சியை விட்டு நீக்குவதாகவும், இதனோடு மட்டுமில்லை இருவரையும் சசிகலா அவர்கள் கட்சியை விட்டு நீக்குவதாகவும் அறிக்கை விடுகின்றார்கள். யார் தலைமை என்பது தொண்டர்களுக்கு குழப்பமே...

 

இதைப்பார்க்கும் பொழுது பல ஆண்டுகளுக்கு முன்பு பத்திரிக்கையில் வந்த நகைச்சுவை ஒன்று எனது நினைவில் ஓடுகிறது அதை தங்களிடம் தெரிவிக்க ஆசைப்படுகிறேன். இரண்டு மனநோயாளிகள் பேசுகின்றார்கள்.

 

பை-ஒன்று

டேய் நான் இந்த உலகத்தையே விலைக்கு வாங்கப் போகிறேன்...

பை-இரண்டு

ஹா... ஹா... ஹா... நான் விற்றால்தானே... ?

 

மேல் கண்டவைதான் அது அரசியல் நிலைப்பாடும் இதுதான் தலைவர்களை நியாயவாதிகள் இல்லை என்றும், செல்வி ஜெயலலிதா இருந்தபோது தொண்டர்கள் அனைவரும் கட்டுக்கோப்பாக இருந்ததாகவும் சிலர் சொல்கின்றார்கள் முதலில் தொண்டர்கள் அனைவரும் உண்மையானவர்கள் இல்லையே... ஆம் தங்களை எம்ஜிஆரின் உண்மையான விசுவாசி என்று சொல்பவர்கள். அவரது மனைவி வி.என்.ஜானகி அவர்களின் பின்னால் போகாமல், திரைப்பட கூத்தாடி செல்வி ஜெ.ஜெயலலிதாவின் பின்னால் போனதே எம்ஜிஆருக்கு செய்த துரோகம்தானே ?  

ஆக தலைவர்கள் தொண்டர்களிலிருந்து வந்தவர்கள்தானே பெரும்பாலானோர். ஆகவே இக்கட்சியில் துரோகங்கள் பெரிய விடயமே கிடையாது. வேரின் தன்மையே தூரிலும் தொடரும்... பின்பு மரத்திலும் படரும்... அதுவே கிளையிலும் வளரும்...

சிவாதாமஸ்அலி-

ஏமாறுபவர்களை விட்டு, ஏமாற்றுபவர்களை சொல்லி பயன் ?

சாம்பசிவம்-

இன்னும் மூணு தலைமுறைக்கு இரத்தம் மாறணும் அப்பத்தான் விடியும்.

காணொளி

Share this post with your FRIENDS…