இஸ்ரோவின் ஊதியங்கள்

 

வணக்கம் நண்பர்களே.. இவ்வுலகில் மிகச்சிறந்த அறிவாளியாக யார் இருக்க முடியும் ? முதல் ரகம் விஞ்ஞானிகள் காரணம் அவர்களின் கண்டுபிடிப்புகள். அவ்வகையில் நாமெல்லாம் சாதாரணமானவர்கள். மனிதனின் சிந்திக்கும் திறன் இதுவரையில் 12 சதவீதமே எட்டி இருக்கிறது. மீதியும் நெருங்கினால் ? ஆனாலும் அவைகள் மனிதர்களுக்கு அழிவுதான் என்பது வேறு விடயம். இந்த சதவீத்த்தை எட்டியவர்கள் விஞ்ஞானிகள் மட்டுமே...
 
இதில் அரசியல்வாதிகள், திரைப்பட கூத்தாடன்கள் எட்டி விடமுடியாது. இந்த இளைய சமூகம் கூத்தாடன்களை மிகப்பெரிய அறிவாளியாக நினைத்துக் கொண்டு அவர்களுக்கு ராஜவாழ்க்கையை கொடுக்கிறது. ஒருமுறை கூத்தாடி கீர்த்தி சுரேஷிடம் நிருபர் கேட்கிறார். நீங்கள் செல்ல விரும்பு வெளிநாடு எதுவென்று ? அதற்கு அந்த கூத்தாடி சொல்லிய பதில் நார்த் இந்தியா. பார்த்தீர்களா ? இவ்வளவுதான் இவர்களின் அறிவு.
 
அதிலும் இப்பொழுது ஆடியோ ரிலீஸ், அந்த பங்ஷன் அது இதுவென்று ஏதேதோ நடத்தி அவர்கள் பணத்தை பார்க்கிறார்கள். ரசிகர்கள் பணத்தை கொடுத்து இதை ஏமாந்து பார்க்கிறார்கள். காரணம் கேட்டால் அவர் ஏதோ குட்டிக்கதை சொல்வாராம். அட ஞானசூன்யங்களே... உலகம் கேட்டிராத கதைகளா ? உங்களுடைய அறியாமையால் அவர்கள் கோடி, கோடியாக சம்பாரிக்கின்றார்கள். ஆனால் நீ எங்கு நிற்கிறாய் ? பயிர்த்தொழில் அழிந்து போய்க்கொண்டே இருக்கிறதே.. நாளை சோற்றுக்கு என்ன செய்வாய் ? ஆனால் உனது நாயகர்கள் பணத்தோடு வேறுதேசம் பறந்து விடுவார்கள்.
 
இவர்களின் உழைப்புக்கு எதற்காக... இவ்வளவு கோடிகள் ? அதேநேரம் மிகச்சிறந்த அறிவாளிகள் என்று சொல்லக் கூடிய இஸ்ரோ விஞ்ஞானிகளின் சம்பளத்தை மேலே இருக்கும் புகைப்படத்தில் பார் குடும்பத்தை மறந்து உலகுக்காக உழைக்கும் இவர்களுக்கும், நாட்டை உயிரைக் கொடுத்து பாதுகாக்கும் இராணுவ வீரர்களுக்கும்தானே இவ்வளவு சம்பளம் கொடுக்க வேண்டும் ? உனது ஆதர்ச நாயகன் ராஜபோகமாக வாழ்கின்றான்.இலவசமாக பல பெண்களின் சுகத்தோடும்.... மக்களுக்காக என்ன செய்தான் ?
 
இவர்கள் நமக்கு பொழுது போக்குக்காக மகிழ்விக்கின்றார்கள் என்றால் இதைத்தான் கரகாட்டம், ஒயிலாட்டம் ஆடும் கலைஞர்களும் செய்கின்றார்கள். அவர்களை மட்டும் இந்த சமூகம் இழிவாக நினைக்க காரணமென்ன ? இவர்கள் தரையில் ஆடுகின்றார்கள், அவர்கள் திரையில் ஆடுகின்றார்கள் இதுதான் வித்தியாசம். இவ்வளவு சம்பாரிக்கும் அவர்கள் ஏழைகளின் உணவுக்காக பண்டைய காலங்கள் போல இலவச உணவு விடுதிகள் கட்டி விடக்கூடாதா ? இருக்கும் பணம் குறைந்து போய் விடுமா ?
 
கோடிக்கணக்கில் சம்பாரிக்கும் அவர்களது சங்கம் கடனில் இருக்கிறதாம். இதற்காக நாடு, நாடாக போய் நிகழ்ச்சி நடத்தி உங்களிடம் பணத்தை வாரிச்சுருட்டி அதிலும் அதிலுள்ளவர்கள் சுருட்டுகின்றார்கள். அவர்கள் நினைத்தால் அவர்களிடம் இருக்கும் பணபலத்தால் ஒரே இரவில் கட்டிடத்தை கட்டி விடமுடியும். ஏன் செய்யவில்லை ? சரி இந்த கட்டிடத்துக்குள் நீ நுழைந்து விடத்தான் முடியுமா ? வாயிலில் நிற்கும் நேபாளி உன்னை நெற்றியில் அடித்து விரட்டுவான்.
 
கொஞ்சம் சிந்தி நாம் ஏமாறுகிறோமா... இல்லையா என்பது புலப்படும். நாட்டில் ஒருவேளை உணவுடன் உறங்கும் மக்களின் எண்ணிக்கை கோடான கோடி அவ்வளவு பேருக்கும் நம்மால் உதவ முடியாது இயன்ற வரையில் இவர்கள் நினைத்தால் முடியும் கீழேயுள்ள குறும்பட காணொளியைப் பார். இதில் உயர்ந்த சிந்தனை அடங்கி இருக்கின்றது.
 
கில்லர்ஜி தேவகோட்டை 
 
சிவாதாமஸ்அலி-
மீண்டும் கொரோனா வந்து அழிந்தாலும் மிச்சமுள்ளவனும் திருந்தி கொடுக்க மாட்டாங்கே...
 

காணொளி